Génesis 22:13 - La'aqtaqa Ñim Lo'onatac 'Enauacna 2013

¹³ Nache so Abraham, namatasheguem nache ila'a so qagueta lhuaraic, ỹemaqtaiguilo soua lcoue so nshe'ela. Qaq huaña nache nqo'ona da ỹaconeua'a somaye, nache ỹavigaxat da ỹauo'o lachetaqtaxanaqte, nmeneguet naqa'en so llalec.

Génesis 22:13 Referans Kwoze

1 Corintios 10:13

Da qañe'eguenataguiiqui maye qami' nvittegalo, damaye nachera da 'eeta'am da ñe'eguenataguec na 'enauac shiỹaxauapi. Qalaxaye qami' ishet da qaupi'iỹa'ai Ñim Lo'onatac 'Enauacna, cha'aye Ñimaye saishet da qami' ỹasheetema ca qañe'eguenataguiiqui da huo'otaq sa qanaloỹeeguet. Nachaqrata da huo'otaq nvi' ca qañe'eguenataguiiqui, nache Ñim Lo'onatac 'Enauacna qami' ỹachaxanalo ca lataxac da yaqto' ishet da qanaloỹa'aguet camaye.

Isaías 30:21

Qaq da huo'otaq qoquiigue nam pa'aỹa'ague da qo'oiqui, huo'otaq na qane'emaqai, nache qaua'aqaỹa qome ca na'aqtac chemaxague da qauachegoqoỹa'ague, 'eeta': «'Ena na nqa'aic nache qoquiitegue namaye.»

Génesis 22:8

Nache so Abraham, 'enapeco': «Qomye Ñim Lo'onatac 'Enauacna maiche ỹauo'o ca qagueta llalec da yaqto' qarachetaqtaxanaxat, 'am ỹalcolec.» Qaq soomaye nache quete', nnaictega't.

Génesis 22:12

Nache so namaxashec piguem le'ec, 'enapega somaye, 'eeta': «Saishet qome da huo'o ca qona'ac na nogotolec, cha'aye mashe saỹaten da 'am ỹataqta huo'o naq 'enec 'anqa'en Ñim Lo'onatac 'Enauacna, cha'aye qaica ca 'ectega da aỹem 'aỹa'anot na 'oonolec 'aỹa'alec.»

Génesis 22:14

Nache so Abraham ỹauo'o da le'enaxat se'eso 'alhua, 'eeta': «Ñim Nataxala' ỹan cam qaiuen.» Qaq ỹoqo'oye ñaq 'eetalec nagui de'era na'aqtac naxa maye, 'eeta': «Aca qaỹoqotcheguemec 'alhua, huaña da Ñim Nataxala' ỹan cam qaiuen.»