Génesis 22:11 - La'aqtaqa Ñim Lo'onatac 'Enauacna 2013

¹¹ nache so lamaxashec Ñim Nataxala', chemqot na piguem, da deỹaxan, 'eeta': «¡Abraham! ¡Abraham!» Nache so Abraham 'enapeco': «Aja', aỹem soota'a ne'ena.»

Génesis 22:11 Referans Kwoze

Éxodo 3:4

Qaq Ñim Nataxala' co'ollaq ila'aguet so Moisés da nquigueua'a da ỹauotaique imeten asomaye, nache deỹaxan, chemaqtoigui asa'aso qo'oipaqole, 'eeta': «¡Moisés! ¡Moisés!» Nache so Moisés ỹasat, 'eeta': «Aja', nachaỹem.»

Génesis 21:17

Qalaxaye Ñim Lo'onatac 'Enauacna, hua'aqtega co'ollaxa da nnoinaxac so nogotolec, nache so lamaxashec Ñim Lo'onatac 'Enauacna, chemqot na piguem da 'enapega aso Agar, 'eeta': «Agar. ¿Negue't cam qouetapoigui? Saishet qome da 'añi'i, cha'aye Ñim Lo'onatac 'Enauacna, hua'aqtega da nnoinaxac ñi nogotolec yem hueta'a.

Hechos 26:14

Nache qomi' 'enauac da sanataxañi, nache aỹem sa'axaỹa so na'aqtac aỹem 'eetega, huota'aisalo naua la'aqtaqa na judiopi, 'eeta': «Saulo, Saulo, ¿ta'ainco' ye Aỹem 'aucaatac? Ye nachaqcata cam qaica ca laỹaanataxanaxac maye huotaique da aỹem delogui'.»

Hechos 9:4

Nache so Saulo naañi. Huaña, nache hua'axaỹa so na'aqtac, 'eeta': –Saulo, Saulo, ¿ta'ainco' ye Aỹem 'aucaatac?

Génesis 16:7

Qalaxaye som lamaxashec Ñim Nataxala', natenalec asomaye co'ollaq huaña so toolec 'alhua, hueta'a so loigue aso npaxaatasheguem na 'etaxat, maye naña na loigue so nqa'aic maye taỹa'a ye Shur.

1 Samuel 3:10

Huaña nache Ñim Nataxala' qaltaq nvita somaye, nache qaltaq iỹaxana, 'eeta': ¡Samuel! ¡Samuel! Nache so Samuel 'enapeco': Ña 'autaqa, cha'aye na 'aramaxashec 'am hua'aqtega.

Génesis 22:16

nache 'enapega, 'eeta': «Ñim Nataxala' 'enapec: Qaq cha'aye 'auo'ot de'era, qataq saishet da aỹem 'aullapeguem ñi 'oonolec 'aỹa'alec, qaq nagui san da ỹa'aqtac,

Génesis 22:12

Nache so namaxashec piguem le'ec, 'enapega somaye, 'eeta': «Saishet qome da huo'o ca qona'ac na nogotolec, cha'aye mashe saỹaten da 'am ỹataqta huo'o naq 'enec 'anqa'en Ñim Lo'onatac 'Enauacna, cha'aye qaica ca 'ectega da aỹem 'aỹa'anot na 'oonolec 'aỹa'alec.»

Génesis 22:1

Qaq co'ollaq mashe qaỹoqteguelo soua vi'iye, nache Ñim Lo'onatac 'Enauacna ỹe'eguen so Abraham, nache iỹaxana somaye, 'eeta': «Abraham.» Nache somaye ỹasat, 'eeta': «Aja', aỹem soota'a ne'ena.»

Génesis 21:18

¡'Asoma, 'avi'eguena'a ñi nogotolec, qaq nache saishet qome da 'aỹa'axanec na lhuaq, cha'aye aỹem so'ot qome da chegoqchigui ñimaye cam qalota shiỹaxauapi!»

Génesis 22:10

Qalaxaye co'ollaq ivita so laloqo' da ỹacona so lainec da ỹalauat so llalec da ỹauo'o lachetaqtaxanaxat,

Génesis 24:7

Cha'aye, Ñim Nataxala' maye neto'ot na piguem, ñim aỹem nqateeguesop co'ollaxa ye lma' so ita'a, qataq ye na'alhua yem ihuo' le'ecpi, qataq aỹem ỹachaxanapeguem ne'ena 'alhua da lma' naqa'en ca aỹem chegoxoguetpi, Ñimaye nataqa'en ỹamaq qome, da ỹa'auaxanegue da 'ata'ague ca lamaxashec piguem le'ec, da yaqto' 'auachegoxota'a yemaye da 'anauec aca lhua ñi ỹalec.

Génesis 31:11

Qaq huaigui se'eso ichoxonaxac da so lamaxashec Ñim Lo'onatac 'Enauacna, iỹaxana da ỹe'enaxat, nache aỹem sasat, sheeta': ‹Aỹem sootai' ne'ena.›

Génesis 46:2

Qaq se'eso pe, nache Ñim Lo'onatac 'Enauacna detaxaỹapegue' so Israel, huaigui naqa'en so lo'ochaxa, da iỹaxana da le'enaxat, 'eeta' ¡Jacob! Nache somaye ỹasat, 'eeta': «Aja', aỹem soota'a ne'ena.»

Génesis 48:16

so namaxashec maye aỹem nca'alaxateeguesop nam qauemsat, ỹanema qome ca lchoxonnataxanaxa ne'enaua nogotolqa. Da yaqto' chegoqchiguilo naamaye da saishet da qaicoua'ai da ỹe'enaxat, qataq da le'enaxat soua ita'al Abraham qataq so Isaac. Qataq ỹataqta qalota qome ca llalaqpi naamaye ana'ana 'alhua.»

Éxodo 3:2

Qaq huaña, nache Ñim Lo'onatac 'Enauacna nachaxana so Moisés, huetaigui so le'eraxa so norec maye huetaigui asotai' qo'oipaqole maye huo'o ana le. Nache so Moisés ichemaxata asomaye. Huaña, nache nanoma da 'ettaigui asomaye qalaxaye saishet da ỹavic.

Génesis 37:13

Qaq huaña nache so Israel 'enapego' so José, 'eeta': «Caua 'arqaỹa't huetra'a ye Siquén, ilotrague' aca qaguetapi. Qaq sauotaique da 'anqo'onalo caamaye.» Nache so José, 'enapeco': «Aja', aỹem ashec qome.»

Jueces 2:1

So nale piguem le'ec Ñim Nataxala', chegoqchiguiña ye Gilgal da taỹa ye Boquín, nache 'enapega so Israel le'ecpi, 'eeta': «Aỹem qami' ñeqateeguesopa co'ollaxa ye Egipto, nache qami' ñauegalo ne'ena 'alhuapi maye sachaxanapecot co'ollaxa som qarta'ailpi co'ollaq san so ỹa'aqtac, sheeta': ‹Aỹem saishet qome da sa sepaguelec da ñaỹamaxataxac da qoñiita,

1 Samuel 3:4

Nache Ñim Nataxala' iỹaxana so Samuel, 'eeta': ¡Samuel! Nache somaye ỹasat, 'eeta': ¡Aja', soota'a ne'ena!

Isaías 6:8

Ime, nache sa'axaỹa da lavilỹaxac Ñim Nataxala', 'eeta': «¿Negue't qome ca ishet da samaq? Qataq ¿negue't qome ca ishet da qara'aqtaxanaxanec?» Nache aỹem sasat sheeta': «Aỹem soota'a ne'ena, qaq aỹem 'auamaq qome.»