Génesis 22:1 - La'aqtaqa Ñim Lo'onatac 'Enauacna 2013

¹ Qaq co'ollaq mashe qaỹoqteguelo soua vi'iye, nache Ñim Lo'onatac 'Enauacna ỹe'eguen so Abraham, nache iỹaxana somaye, 'eeta': «Abraham.» Nache somaye ỹasat, 'eeta': «Aja', aỹem soota'a ne'ena.»

Génesis 22:1 Referans Kwoze

Hebreos 11:17

So Abraham huo'o da lpi'iỹaxac Ñim Lo'onatac 'Enauacna co'ollaq Ñimaye ỹe'eguen da huo'otaq ỹalaq somaye huo'otaq saishet. Ỹoqo'oye so Abraham ỹauec so Isaac da ỹalauat da yaqto' ỹavigaxat da ỹanot Ñim Lo'onatac 'Enauacna, saishet da ỹectega da 'oonolec llalec. Huo'otaq da 'eetega da nacheso som ỹachaxanapecot co'ollaxa Ñim Lo'onatac 'Enauacna,

Deuteronómio 8:2

Qataq saishet qome da qaucouaỹa'ai 'enauac so qanque'eenaxaqui maye huaiguilo se'esoua cuarenta vi'iye co'ollaq qoquiitalec ye toolec 'alhua, co'ollaq Ñimaye ỹe'eguen da qarquiyaqteỹaxaqui da ỹoqta 'eesa da qaupaquiichiguilo naua lamaxasoxonaxaco huo'otaq saishet.

1 Pedro 1:7

Cha'aye dam qarpi'iỹaxaqui Ñim Lo'onatac 'Enauacna maye qami' neto'oto, 'eeta'am na lcat oro: qaq 'eeta'am da 'eetec da lyac na lcat oro da qaiỹo da qaỹasaxangui ca norec, qaq nache 'ena'am da qarpi'iỹaxaqui Ñim Lo'onatac 'Enauacna da qaỹe'eguen, chegoqchigui na lqalaiguesat. Qaq ỹoqo'oye qami' de'era qarpi'iỹaxaqui da huo'otaq nache 'eetec de'era da qaỹe'eguen, nache ỹataqta napacalec da lyac ca lcat oro, cha'aye que'eca lcat oro ishet da dolagui. Qaq nache 'eetec So Jesucristo qom nachaxan, nache ỹataqta qaỹaỹamaxareeta qataq huo'o da ño'oxonnataguec dam qami' hueto'oto qarpi'iỹaxaqui Ñim Lo'onatac 'Enauacna.

Santiago 2:21

So hua'au qarta'a Abraham, Ñim Lo'onatac 'Enauacna ỹataqta ỹaỹamaxareeta co'ollaxa somaye, souaxat da ỹaneuo so llalec Isaac da ỹauo'o lachetaqtaxanaxat ỹavigaxatta. Qaq Ñim Lo'onatac 'Enauacna ỹaỹamaxareeta somaye.

1 Corintios 10:13

Da qañe'eguenataguiiqui maye qami' nvittegalo, damaye nachera da 'eeta'am da ñe'eguenataguec na 'enauac shiỹaxauapi. Qalaxaye qami' ishet da qaupi'iỹa'ai Ñim Lo'onatac 'Enauacna, cha'aye Ñimaye saishet da qami' ỹasheetema ca qañe'eguenataguiiqui da huo'otaq sa qanaloỹeeguet. Nachaqrata da huo'otaq nvi' ca qañe'eguenataguiiqui, nache Ñim Lo'onatac 'Enauacna qami' ỹachaxanalo ca lataxac da yaqto' ishet da qanaloỹa'aguet camaye.

Proverbios 17:3

Na oro qataq na plata qalaq qaỹauota'a na norec na qaỹe'eguen da ỹoqta 'eesa, qaq na nhuennataxacpi qalaq nacheñi Ñim Nataxala' ñi ỹe'eguen.

Deuteronómio 8:16

qataq huaña yi'iye toolec 'alhua da qami' iquia'axaneque so nallec maye chegaqasheguem le'enaxat maná, som nallec maye sa ỹauanapega co'ollaxa da chec so hua'au qarta'ailpi, qataq huaña da ỹo'ot so lta'araic qanque'eenaxaqui qataq so qañe'eguenataguiiqui da yaqto' qauaỹachiñi da qami' ỹaỹamaxattrapiguiñi Ñimaye.

Éxodo 3:4

Qaq Ñim Nataxala' co'ollaq ila'aguet so Moisés da nquigueua'a da ỹauotaique imeten asomaye, nache deỹaxan, chemaqtoigui asa'aso qo'oipaqole, 'eeta': «¡Moisés! ¡Moisés!» Nache so Moisés ỹasat, 'eeta': «Aja', nachaỹem.»

Génesis 22:11

nache so lamaxashec Ñim Nataxala', chemqot na piguem, da deỹaxan, 'eeta': «¡Abraham! ¡Abraham!» Nache so Abraham 'enapeco': «Aja', aỹem soota'a ne'ena.»

Génesis 22:7

Qaq co'ollaq mashe qaỹata'aguelo, nache so Isaac inat so Abraham, 'eeta': «¡Taxare!» Nache so Abraham 'enapeco': «¿Negue'tca, ỹalec?» Nache so Isaac 'enapec: «Qomi', huo'o na qanqo'oipaqpi qataq na qal-le', qalaxaye ¿hua'ague ca hueta'ague ca qagueta llalec da savigaxataq da yaqto' qarachetaqtaxanaxat?»

Isaías 6:8

Ime, nache sa'axaỹa da lavilỹaxac Ñim Nataxala', 'eeta': «¿Negue't qome ca ishet da samaq? Qataq ¿negue't qome ca ishet da qara'aqtaxanaxanec?» Nache aỹem sasat sheeta': «Aỹem soota'a ne'ena, qaq aỹem 'auamaq qome.»

2 Crónicas 32:31

Qaq 'era da 'eetec nataqa'en co'ollaq so nataxala'pi ye Babilonia, da ỹauo'oi soua ỹama'q da yaqto' namaqtrega, qataq yaqto' ỹaỹate'n so sa qaỹauanepega maye huaña yi'iye 'alhua. Qaq Ñim Lo'onatac 'Enauacna ca'ai co'ollaxa so Ezequías, da yaqto' ỹe'eguen qataq yaqto' ỹauatton yem ỹoqta pa'auo lhuennataxac somaye.

Éxodo 16:4

Nache Ñim Nataxala' 'enapega so Moisés, 'eeta': «Aỹem ñanacot qome ca nallec chegoqo'ot na piguem 'eeta'am na auot. Qaq na shiỹaxauapi ỹe'eguenauga qome ca nalota'ai' da chec ye na'a'q. Aỹem sauotaique da saỹaten ca ỹoqta ỹalaxalec da iqataxac qataq ca saishet da ỹalaq.

Deuteronómio 13:3

Nache saishet qome da qaualaqaiguet que'eca 'eetega na'aqtaxanaxanec huo'otaq choxonaxaic. Cha'aye Ñim Nataxala' maye Qanatamnaxala'ai choche qami' ỹe'egueeta'ape da 'eesa da ỹataqta qauauochec, qataq qaumachiỹot da qarquiyaqteỹaxaqui qataq da qanachaalataxaqui.

Jueces 2:22

Qaq cha'aye Ñim Nataxala', huotaique co'ollaxa da ỹauaachigui da so Israel le'ecpi ỹataqta quegue da llecỹaxac Ñim Nataxala', 'eeta'am da 'eetec co'ollaxa som hua'au lta'alpi.»

2 Samuel 24:1

Qaq Ñim Nataxala' ỹe'eguelaxalec co'ollaxa da dalemataỹa so Israel le'ecpi, nache ỹayena'a so David da ỹo'ot aso le'enaxat lmalate ye Israel qataq ye Judá.

Salmos 11:5

Ñim Nataxala' nache nauaatac na no'on da lataxac qataq na qauemaicpi, qataq ỹataqta ỹaỹemec na lqopitaxat da nloquiaxac.

Génesis 15:1

Qaq co'ollaq ime de'era, nache Ñim Nataxala' detaxaỹot so Abram, huaigui naqa'en so lauanaqchec, 'eeta': «Abram, saishet da 'añi'i, cha'aye aỹem 'arpaqtaxanaxat. Ca 'ansheetenaguec ỹataqta lta'araic qome.»

Génesis 21:11

Qaq so Abraham, co'ollaq hua'axaỹa de'era nache ỹataqta qalota da nqui'ic, cha'aye maiche lalamaxat llalec som qaitaqtega.

Génesis 37:13

Qaq huaña nache so Israel 'enapego' so José, 'eeta': «Caua 'arqaỹa't huetra'a ye Siquén, ilotrague' aca qaguetapi. Qaq sauotaique da 'anqo'onalo caamaye.» Nache so José, 'enapeco': «Aja', aỹem ashec qome.»

Génesis 46:2

Qaq se'eso pe, nache Ñim Lo'onatac 'Enauacna detaxaỹapegue' so Israel, huaigui naqa'en so lo'ochaxa, da iỹaxana da le'enaxat, 'eeta' ¡Jacob! Nache somaye ỹasat, 'eeta': «Aja', aỹem soota'a ne'ena.»

1 Samuel 3:4

Nache Ñim Nataxala' iỹaxana so Samuel, 'eeta': ¡Samuel! Nache somaye ỹasat, 'eeta': ¡Aja', soota'a ne'ena!