Génesis 21:8 - La'aqtaqa Ñim Lo'onatac 'Enauacna 2013

⁸ Qaq so nogotolec Isaac nquictasheguem da lañaxataxac, nache ivitta'a da ỹaxaañi da l-llepaxac. Qaq so na'a'q co'ollaq ỹaxaañi da l-llepaxac, nache so Abraham, ỹo'ot so lta'araic lquia'axac.

Génesis 21:8 Referans Kwoze

1 Samuel 1:22

qalaxaye aso Ana saishet da jec, ỹoqo'oye 'enapego' so lhua, 'eeta': «Aỹem saishet da ashec nato' qom ivita da ỹaxaañi da l-llepaxac na nogotolec. Huaña qome nache serouo da sanot Ñim Nataxala' qalaxaye nache naña qome yemaye.»

Oseas 1:8

Qaq aso Gomer, co'ollaq ỹaxaañi naqa'en da l-llepaxac aso Lorrujama, nache asomaye qaltaq hualaxai, nache co'ollaq deco'o, nache ỹale so llalec.

Salmos 131:2

Nacherata da she'emaqtac qataq qaica ca ñanauec, sheeta'am ca nogotolec da cheta'ague da ime da l-llepaxac maye ñaq nsoqtauo aca late'e. Qaq 'era da 'eetec da ñachaalataxac da 'eeta'am ca nogotolec da ñaq cheta'ague da ime da l-llepaxac.

1 Reyes 3:15

Qaq co'ollaq nlouec so Salomón, nache nanoma da dechoxootac. Huaña nache ỹe'eguelaq, taỹa ye Jerusalén, qaq co'ollaq ivireuo nache taua'a ye netaña aso arca maye laỹe' da naỹamaxataxac Ñim Nataxala', nache ỹaneuo aso lachetaqtaxanaqte qaỹavigaxatta, qataq aso qanhuaachigui. Qaq ime, nache ỹo'ot so nquia'axac, nache dequi'iỹa'ai' 'enauac so ltauapi.

2 Samuel 3:20

Nache so Abner co'ollaq ivireua'a ye Hebrón, nache lỹatreuo soua veinte so nalleppi, nache so David ỹo'ot co'ollaxa so lquia'axac so Abner qataq so nnaictague'pi.

Génesis 40:20

Qaq co'ollaq mashe ivita so na'a'q tres, maye laloxoqui som lañoxoc so faraón, nache ỹo'ot so lta'araic lquia'axac da dequi'iỹa'ai' 'enauac so ltauapi. Qaq so faraón co'ollaq ña datataigui so lquia'axauapi, nache damaxasoxoolec da qanqateeguesopa aso ncoñetaxanaxaqui so lataxala' so ỹomaxaqui lo'opi, qataq so lataxala' so nauole lo'opi.

Génesis 29:22

Qaq huaña nache so Labán, icoyeguen 'enauac so lauoreuapi da yaqto' naua'a so naronaxac maye ỹo'ot.

Génesis 26:30

Qaq huaña nache so Isaac ỹo'ot so lta'araic lquia'axac, nache soomaye deque'eta'ape qataq nỹomta'ape.

Génesis 19:3

Qalaxaye so Lot ye ỹataqta ỹe'eguelaqto'oto soomaye, nache ivira'a da ỹañoxo't soomaye da lỹatrac so Lot da nqo'ooreua'a so lma' somaye. Qaq co'ollaq ivildeuo, nache so Lot ỹo'ot so nallec, qataq aso nauole maye sa qaỹauo'o ca lalegue, nache se'esoua maxasoxoiqa deque'e'.

Ester 1:3

Qaq co'ollaq mashe ivi' soua tres vi'iye da lo'onataxanaxac, nache so nta'a Asuero ỹo'ot so nquia'axac, qataq so na'ashaxac, da yaqto' ỹauo'o da llo'oxoyec 'enauac so lo'onataxanaxanecpi, qataq so ltauapi da lo'onataxanaxac da nta'a, qataq so lataxala'pi so alleppi ye Persia qataq ye Medio, qataq so nta'alpi, qataq so nataxala'pi yi'iye 'alhuapi,

1 Samuel 25:36

Nache aso Abigaíl co'ollaq ỹe'eguelaq, nache natenalec so Nabal hueta'a so lma' ỹo'ottac so ỹataqta 'onaxaic lquia'axac maye 'eeta'am da lquia'axac ca nta'a. Qaq somaye ỹataqta machiguiñi qataq mashe taxaic, qaq ỹoqo'oye asomaye saishet da da'aqtaxanem nacherata da iuata'aguet so lỹa na'a'q.

Jueces 14:12

Nache so Sansón 'enapega se'eso treinta nsoxoppi, 'eeta': «Qami' sa'aqtaxanema de'era ỹapogoñi na'aqtac, qaq ne'enaua siete na'axa'te maye huaiguilo ne'ena nquia'axac, da ishet da qauqachiichigui ca naigui damaye, nache ñi 'oonolec da qoñiita sanem qome ca ỹataqta no'on lomaxaqui, qataq caua 'onaxaiqa nogo maye maxasoxoqui'.

Jueces 14:10

Nache so lta'a so Sansón nqo'ona co'ollaxa da na'aqtaxane' asa'aso qa'añole, qaq so Sansón nache ỹo'ot co'ollaxa so nquia'axac, cha'aye maiche lataxac naxa nam nsoxoppi maye lma' yemaye.

Génesis 21:7

¿Negue'tom ca ipettega co'ollaxa da ñi Abraham ishet da huo'o ca llalec? Qalaxaye nagui huo'o na llalec, na'aictaxa da mashe ỹa'axaiquiolec.»

Génesis 21:9

Qalaxaye aso Sara, ila'a co'ollaxa da so llalec aso Agar qataq so Abraham, da ỹe'eetac so Isaac.

1 Samuel 1:24

Qaq co'ollaq mashe ỹaxaañi da l-llepaxac so nogotolec, qalaxaye somaye ñaq qapio'olec, nache ỹauegueua'a aso atamnaxaqui maye lalamaqte Ñim Nataxala' maye naña ye Silo. Nataqa'en ỹauegueuo so huaca llalec maye mashe ivi' soua tres vi'iye, qataq so veinte litro so 'ayiiña, qataq aso 'oonole lo'oc na shiguiỹac nlaqchigui so lataxa.