Génesis 21:7 - La'aqtaqa Ñim Lo'onatac 'Enauacna 2013

⁷ ¿Negue'tom ca ipettega co'ollaxa da ñi Abraham ishet da huo'o ca llalec? Qalaxaye nagui huo'o na llalec, na'aictaxa da mashe ỹa'axaiquiolec.»

Génesis 21:7 Referans Kwoze

Isaías 66:8

Qaq ¿negue't co'ollaxa ca hua'aqchigui cam 'ena'am de'era? ¿Negue't ca ỹauaachigui co'ollaxa ca 'ena'am de'era? ¿Peta'a ishet da huaigui ca 'oonolec na'a'q da ñiguiñi na ỹotta'a't shiỹaxauapi? ¿Peta'a ishet da nque'elaxatta da ñiguiñi ca nhuo' le'ecpi? Qalaxaye ye Sión co'ollaq choche nomteguet da nqui'ic, nache saqaỹaloq da ñiguiñi so llalaqpi.

2 Ts 1:10

'Ena nam huo'o qom ñe'eguelaq So Qarataxala' Jesucristo ñe'eguelaxa nam lalamaxatpi, yaqto' namayepi ỹo'oxoren qataq huo'o da la'aalaxa. Qaq qami' nache qaraỹepi ne'ena shiỹaxauapi, cha'aye qaua'amaqchiñi da na'aqtaxanaxac maye qami' sanaxama.

Efesios 3:10

Qaq qoỹeetec de'era nagui, yaqto' ishet da chegoqchigui qanqa'en na 'amqaanataxanaxaicpi da 'enauac nam 'añaxaicpi qataq nam damaxasoxonapecpi maye hueto'ot na piguem ishet da ỹaỹaten 'enauac na ỹotta'a't laỹaaneguesat Ñim Lo'onatac 'Enauacna.

Números 23:23

Nache qaica ca ishet da ỹo'otec ca qauem so Jacob, huo'otaq camachaqca ne'enaxanaxac na Israel le'ecpi. Qaq da qaitaxaỹa so Jacob qataq na Israel le'ecpi nache qoỹeeta': Ña qauloỹa da ỹo'otec Ñim Nataxala' namayepi.

Salmos 86:10

Cha'aye nache 'amta da 'am 'amaqtaqaic qataq 'auo'ot nam ỹo'ot da na'aalaxa, qaq nache 'amta da 'Am Atamnaxala'.

Salmos 86:8

Cha'aye qaica ca lỹa atamnaxala' da 'am 'eeta'am, 'Am Nataxala', qataq qaica ca no'onatac da 'eeta'am na 'aro'onatacpi.

Isaías 49:21

Qaq 'am 'auennataxaatac qome nache qoneta': ¿negue't co'ollaxa cam aỹem ỹanem ne'ena ỹalaqpi? Ye aỹem qaica co'ollaxa ca ỹalaqpi qataq saishet da seco'o, qataq aỹem qaỹauec co'ollaxa nache aỹem qaiỹotauga. Qaq ¿negue't co'ollaxa ca ỹaqchet namayepi? Aỹem qaỹalata'a't co'ollaxa, ¿qaq cam chegaqa'ague namayepi?

Génesis 17:17

Nache so Abraham, ỹa'alyiñi naua l-llecte nache iviraxata'aguet na latap na 'alhua, nache daỹalliguiye ye lhuennataxac, nache 'eeta': «¿Isheto' peta'a da huo'o ca llalec ca shiỹaxaua da mashe ivi' caua cien vi'iye da nachaalataxac? ¿Isheto' peta'a da huo'o ca llalec añi Sara, nagui da mashe ivi' naua noventa vi'iye da nachaalataxac?»

Génesis 18:13

Nache Ñim Nataxala' 'enapego' so Abraham, 'eeta': «¿Ta'ainco' da daỹalliguiye ara Sara? ¿Saishet peta'a da ỹa'amaqten da huo'o ca llalec, souaxat da mashe ỹe?

Génesis 21:8

Qaq so nogotolec Isaac nquictasheguem da lañaxataxac, nache ivitta'a da ỹaxaañi da l-llepaxac. Qaq so na'a'q co'ollaq ỹaxaañi da l-llepaxac, nache so Abraham, ỹo'ot so lta'araic lquia'axac.

Jeremías 20:15

¡Ỹataqta qauem cam ỹa'axatem co'ollaxa so ita'a da somaye nañiguiñi so llalec ỹale!

1 Reyes 3:21

Qaq so ñelouec so nte'etom da yaqto' sellipaxan so ỹalec, nache selalec da ileu somaye. Qalaxaye so mashe ỹataqta yo'oxoñi, nache semeten somaye, nache ñanoma da se'eso nogotolec saishet da nacheso so ỹoqta ỹalec.

1 Reyes 11:20

Nache aso lqaỹa aso Tapenés, deco'oiguet so Hadad, nache ỹale so llalec nache ỹanagui da le'enaxat Genubat, qaq aso Tapenés nache ỹaqchet co'ollaxa somaye, nache ỹaigui naqa'en so lma' lta'araic so faraón, ỹalectaigui naqa'en so maiche llalaqpi.