Génesis 21:6 - La'aqtaqa Ñim Lo'onatac 'Enauacna 2013

⁶ Nache aso Sara 'enapeco': «Ñi Lo'onatac 'Enauacna ỹauo'o da ỹaỹalliguiyec, qaq 'enauac qome ca aỹem la'axaỹaxac da huo'o na ỹalec, nataqa'en ỹaỹalliguiyaxaua qome.

Génesis 21:6 Referans Kwoze

Isaías 54:1

Ñaq 'aua'alaq qome souaxat da 'auamachiguiñi 'am 'alo maye sa 'auco'o qataq qaica ca 'aỹa'alaqpi, ñaq 'ana'axannec da 'auo'onaxan souaxat da 'antonaxac, 'am maye sa ỹauanega da huo'o ca 'aỹa'alec, cha'aye Ñim Nataxala', 'eeta': «Aca 'alo maye qaỹalat, acamaye qalota qome ca llalaqpi, saq 'ena'am aca 'alo maye huo'o ca lhua.»

Salmos 126:2

Huaña, nache ỹataqta lta'araic da qaraỹalliguiyec, qataq so'onaxanaqtac souaxat da qantonaxac, huaña nache ivira'a na laỹepi shiỹaxauapi, 'eeta': «¡Ñim Nataxala' ỹataqta lta'araic da ỹo'otec namayepi!»

Génesis 17:17

Nache so Abraham, ỹa'alyiñi naua l-llecte nache iviraxata'aguet na latap na 'alhua, nache daỹalliguiye ye lhuennataxac, nache 'eeta': «¿Isheto' peta'a da huo'o ca llalec ca shiỹaxaua da mashe ivi' caua cien vi'iye da nachaalataxac? ¿Isheto' peta'a da huo'o ca llalec añi Sara, nagui da mashe ivi' naua noventa vi'iye da nachaalataxac?»

Lucas 1:58

nache 'enauac na lauoreuapi qataq nam lauo' le'ecpi ỹataqta lta'araic da ntonaxac, cha'aye qaila'a Ñim Lo'onatac 'Enauacna da ỹataqta lta'araic da lauotaxanaqtaic.

Lucas 1:14

Da lañoxoc camaye 'am ỹo'otec qome da ỹataqta lta'araic da 'antonaxac, qataq qalota nataqa'en qome na machiguiñi.

Isaías 49:21

Qaq 'am 'auennataxaatac qome nache qoneta': ¿negue't co'ollaxa cam aỹem ỹanem ne'ena ỹalaqpi? Ye aỹem qaica co'ollaxa ca ỹalaqpi qataq saishet da seco'o, qataq aỹem qaỹauec co'ollaxa nache aỹem qaiỹotauga. Qaq ¿negue't co'ollaxa ca ỹaqchet namayepi? Aỹem qaỹalata'a't co'ollaxa, ¿qaq cam chegaqa'ague namayepi?

Salmos 113:9

Qataq Ñimaye ỹo'ot da huo'o ca lma' aca 'alo maye sa deco'o, qataq ỹanem da ntonaxac da ishet da nate'e acamaye. ¡Qaỹo'oxoren qome Ñim Nataxala'!

Romanos 12:15

Da huo'o ca matapiguiñi, nache camaye qantonaxauai qome; qaq da huo'o ca daquicotac, nache nataqa'en qami' qaraquicoxouai camaye.

Hebreos 11:11

So Abraham huo'o da lpi'iỹaxac Ñimaye, ỹoqo'oye na'aictaxa da aso lhua Sara ñaq saxanaxa da deco'o qataq somaye mashe ỹa'axaiqui, qalaxaye nache 'ena'am Ñim Lo'onatac 'Enauacna ỹami' da la'añaxac somaye da yaqto' huo'o ca llalec. So Abraham ỹataqta huo'o da lpi'iỹaxac Ñim Lo'onatac 'Enauacna, da Ñimaye ipaqueelec dam ỹachaxanapeguem somaye da huo'o ca llalec.

1 Samuel 1:26

Nache aso Ana 'enapego' somaye, 'eeta': «Aỹem 'auchoxoren 'am ỹataxala', qalaxaye ỹataqta 'eesa da 'am 'anca'altauec, qaq nachaỹem maye soota'a caillaye ne'ena da ñeqouagaxaueetacot Ñim Nataxala', qaq 'am saqaỹapeque caillaye.

Isaías 49:15

Qalaxaye, ¿ishet peta'a aca nate'e da icoua'ai ca llalec, huo'otaq da vi'iiguet da lauoche cam lalamaxat llalec? Qaq na'aictaxa da acamaye icoua'ai ca llalec, qalaxaye Aỹem saishet da 'am secoua'ai.

Jeremías 20:15

¡Ỹataqta qauem cam ỹa'axatem co'ollaxa so ita'a da somaye nañiguiñi so llalec ỹale!