Génesis 21:5 - La'aqtaqa Ñim Lo'onatac 'Enauacna 2013

⁵ Qaq so Abraham mashe ivi' soua cien vi'iye da nachaalataxac co'ollaq ñiguiñi so Isaac.

Génesis 21:5 Referans Kwoze

Génesis 17:17

Nache so Abraham, ỹa'alyiñi naua l-llecte nache iviraxata'aguet na latap na 'alhua, nache daỹalliguiye ye lhuennataxac, nache 'eeta': «¿Isheto' peta'a da huo'o ca llalec ca shiỹaxaua da mashe ivi' caua cien vi'iye da nachaalataxac? ¿Isheto' peta'a da huo'o ca llalec añi Sara, nagui da mashe ivi' naua noventa vi'iye da nachaalataxac?»

Romanos 4:19

Na'aictaxa da mashe yaqta'a da ivi' naua cien vi'iye da llaxa qataq mashe saqaỹaloq da ileu, qalaxaye so Abraham saishet da ỹaxaañi da lpi'iỹaxac Ñim Lo'onatac 'Enauacna. Na'aictaxa da ỹaỹaten da aso lhua Sara da saishet da huo'o ca llalec,

Génesis 17:1

Qaq so Abram mashe ivi' co'ollaxa soua noventa y nueve vi'iye da nachaalataxac, co'ollaq Ñim Nataxala' nachaxana somaye, nache 'enapega, 'eeta': «Aỹem, nachaỹem Ỹo'onatac 'Enauacna, maye Qaica ca Seqalanapec, saisheto' qome da 'aushepaxanaqchet da 'anachaalataxac da aỹem qoueto'ot,

Hebreos 6:15

So Abraham huo'o da lhualaxavic co'ollaq iuattaique de'era, qaq Ñim Lo'onatac 'Enauacna ỹataqta ipaqueelec co'ollaxa de'era ỹachaxanapec.

Génesis 16:16

Qaq so Abram, mashe ivi' co'ollaxa soua ochenta y seis vi'iye da nachaalataxac, co'ollaq ñiguiñi so Ismael.

Génesis 17:24

Qaq so Abraham, qalaq mashe ivi' co'ollaxa soua noventa y nueve vi'iye da nachaalataxac, co'ollaq qaỹauo'o so na'anaxat na lo'oc,

Génesis 25:26

Qaq ime, qaltaq ñiguiñi so lqaỹa, qaq somaye ỹacootagui ana lla'axa so Esaú, qaq ỹoqo'oye qoỹanagui da le'enaxat Jacob. Qaq so Isaac mashe ivi' co'ollaxa soua sesenta vi'iye da nachaalataxac, co'ollaq deco'o aso Rebeca.

Jeremías 20:15

¡Ỹataqta qauem cam ỹa'axatem co'ollaxa so ita'a da somaye nañiguiñi so llalec ỹale!