Génesis 21:32 - La'aqtaqa Ñim Lo'onatac 'Enauacna 2013

³² Qaq co'ollaq ime se'eso aỹamaxataxac maye huaña ye Berseba, nache so Abimelec qataq so Ficol, ỹe'eguelaxalo yem na'alhua na filisteopi.

Génesis 21:32 Referans Kwoze

1 Samuel 18:3

Qaq huaña nache so Jonatán naỹamaxate' so David, da nache 'eetai' da auochaxau', cha'aye da lauoche somaye 'eeta'am da maiche nachaalataxac.

Jueces 13:1

Qalaxaye so Israel le'ecpi qaltaq ỹe'eguelaxalec da ỹo'ot co'ollaxa nam ỹataqta sa ỹaỹamaxaren Ñim Nataxala'. Ỹoqo'oye Ñimaye ỹaneguet co'ollaxa somayepi da la'añaxac so filisteopi soua cuarenta vi'iye.

Éxodo 13:17

Qaq so faraón co'ollaq ỹasheetem da jec so Israel le'ecpi, nache Ñim Lo'onatac 'Enauacna saishet da ỹauecteuga so nqa'aic maye taalec ye na'alhua so filisteopi som sa qaỹalec nqa'aic, cha'aye Ñimaye tachigui lauel da so Israel le'ecpi saishet da deloqui da huo'otaq qailoquiaxan, qaq sa iuena'a da huo'o da ntogotaxac nache saqalaq da ỹe'eguelaxa ye Egipto.

Génesis 31:53

Qaq maiche qomi' nmi't qome Ñim Natamnaxala' so 'arapi' Abraham, qataq som ỹapi' Najor. Qaq huaña, nache so Jacob ỹanot so la'aqtac Ñim Lo'onatac 'Enauacna maye natameetacot co'ollaxa so lta'a Isaac.

Génesis 26:14

Ỹataqta qalota aso lalo qaguetapi, qataq huacapi, qataq so lamaxashecpi, qaq ỹoqo'oye so filisteopi, huo'o da lquiỹaxa co'ollaxa somaye.

Génesis 26:8

Qaq so mashe qaỹoqteguelo soua na'axa'te da netaña se'eso 'alhua. Qaq huo'o so na'a'q, nache so Abimelec, ỹalletaviigui som nalloxoqui, nache ilota'a so Isaac, da nqapaltague' aso lhua Rebeca.

Génesis 21:27

Qaq huaña, nache so Abraham ỹaconeua'a aso lalo qaguetapi, qataq aso huacapi, nache ỹanem so Abimelec. Qaq nacheso se'eso na'a'q da soomaye ỹo'o't som naỹamaxataxa'c.

Génesis 14:13

Qalaxaye huo'o so ỹale maye qoỹet co'ollaxa, somaye da'aqtaxanem co'ollaxa 'enauac de'era so Abram som hebreo le'ec, maye netaña yem huaña aso qo'oipaqpi le'enaxat encina, maye lalamaxat so Mamre, som amorreo le'ec. Qaq so Mamre nache lqaỹa so Escol, qataq so Aner, qaq soomaye nache huaqtapeegueta naxa so Abram.

Génesis 10:14

patruseopi, Casluhiitapi qataq so caftoriitapi, som chegoxoguet so filisteopi.

Génesis 21:31

Qaq ỹoqo'oye yi'iye 'alhua, qoỹanagui da le'enaxat Berseba, cha'aye nache huaña co'ollaxa da soomaye ỹa'n so la'aqta'c.

Génesis 21:33

Qaq huaña ye Berseba, nache so Abraham ỹaañi aso qo'oipaq le'enaxat tamarisco, qaq nache huaña da iỹaxaatega da le'enaxat Ñim Nataxala', Ñim Lo'onatac 'Enauacna maye chochaq tatec.

Génesis 31:44

Qaq ỹoqo'oye 'auanac, 'am qataq aỹem so'otaq qome ca qanaỹamaxataxac maye ỹa'axat dam qanaỹamaxataxac qomi' dos.»