Génesis 21:23 - La'aqtaqa Ñim Lo'onatac 'Enauacna 2013

²³ Qaq ỹoqo'oye nachena ne'ena souaqta'a nagui, da huaña da 'aỹa'anot ca 'ara'aqtac Ñim Lo'onatac 'Enauacna, da saishet da aỹem 'auo'otec qome ca qauem, qataq na ỹalaqpi, qataq ca aỹem chegoxoguetpi, 'aỹa'an ca 'ara'aqtac da aỹem 'auo'otec cam no'on, 'eeta'am da sheetec co'ollaxa 'am, qataq nataqa'en 'auo'otec cam ỹaỹamaqchiguiñi nam shiỹaxauapi maye hueta'a ne'ena 'alhua maye qonetaña nagui.»

Génesis 21:23 Referans Kwoze

Josué 2:12

Qaq ỹoqo'oye qami' seỹaxanoto da aỹem qaỹa'añim nagui ca qara'aqtaqui, hua'aqchigui qanqa'eñi Ñim Nataxala' da ỹataqta qaica qome ca qoñiỹa'ac naua maiche ỹalamaqa'ate ihuo' lashe', 'eeta'am qanqa'eñi da qami' sheeteque da ỹataqta qami' selo'ogueta. Qataq qauauo'oi qome ca la'anaxat da ỹoqta qami' 'eesora,

Génesis 20:14

Qaq huaña nache so Abimelec, ỹe'eguelaxatem so Abraham aso lhua Sara. Qaq nataqa'en ỹanem somaye aso qaguetapi, huacapi, qataq so l-latacpi, qataq aso l-latapi 'alpi,

Hebreos 6:16

Da huo'otaq huo'o ca ỹan ca la'aqtac, qalaq iuen ca le'enaxat ca 'amaqtaqaic, yaqto' 'eeta'am da nacheca ca da'aqtaxan.

2 Corintios 1:23

Qaq aỹem huo'o da iuennataxac da qami' ñamaqtegalo. Qalaxaye saxanaxa nagui da qami' seviralo, cha'aye nachera da 'enec ñaqa'en da qoñiita. ¡Qaq Ñim Lo'onatac 'Enauacna ishet da nqat da ñachaalataxac qom choche satenataxaatac!

Jeremías 4:2

qaq da 'auachegoxotchigui da 'eesa qataq da nalochiguiñi lataxac qataq da no'on nataxac da 'aỹa'anot ca 'ara'aqtac Ñim Nataxala', nache da ỹe'enaxat, nachera da chegoqchigui qome da nchoxonnataguec qataq da llo'oxonnataxanaxac nam ỹotta'a't shiỹaxauapi.»

1 Samuel 30:15

Nache so David inat somaye, 'eeta': ¿Peta'a ishet da aỹem 'auauega ca hueta'a que'eca cachaxaicpi? Nache so Egipto le'ec 'enapeco': Aja', qalaxaye da 'aỹa'anot ca 'ara'aqtac Ñim Lo'onatac 'Enauacna da saishet da aỹem 'aualauat qataq da saishet da aỹem 'aỹa'aneguet ca ña'aco', nache ishet da 'am sauega ye hueta'a yemayepi.

1 Samuel 20:42

Ime co'ollaxa, nache so Jonatán 'enapega so David, 'eeta': 'Aue, qojec nacherata da qaica camachaqca qome da 'icỹaxac, cha'aye qomi' mashe sanaqot so qara'aqtac Ñim Nataxala' da nache 'eetai' qome da qomi' hueta'agueta, qataq cam qomi' chegoxogueta. Ime, nache jec so David, qaq so Jonatán, qalaq ỹe'eguelaxaua'a so lma'.

1 Samuel 20:17

Qaq cha'aye so Jonatán ỹataqta ỹauotec so David, nache qaltaq ỹe'eguelaxaalec da ỹan naqa'en da la'aqtac da nache 'eetai' da nauochaxaua somaye.

1 Samuel 20:13

Qalaxaye ñi ita'a, qom qauem ca lhuennataxac da qoneta, qaq Ñim Nataxala' ỹataqta lta'araic qome naqa'en ca ñeuaxanaguec, da saishet da 'am sesoxon da yaqto' 'ananeltaxan. ¡Qaq Ñim Nataxala' ỹataqta 'am itauan qome, 'eeta'am da 'eetec co'ollaq itauaatac ñi ita'a!

Deuteronómio 6:13

Ỹoqo'oye huo'o naq 'enec qanqa'eñi Ñim Nataxala' maye Lo'onatac 'Enauacna, qataq nacheñita qaualaqaiguet. Qataq da qaỹa'añi ca qara'aqtaqui qalaq qauacoñiỹa da le'enaxat Ñimaye.

Génesis 31:53

Qaq maiche qomi' nmi't qome Ñim Natamnaxala' so 'arapi' Abraham, qataq som ỹapi' Najor. Qaq huaña, nache so Jacob ỹanot so la'aqtac Ñim Lo'onatac 'Enauacna maye natameetacot co'ollaxa so lta'a Isaac.

Génesis 31:44

Qaq ỹoqo'oye 'auanac, 'am qataq aỹem so'otaq qome ca qanaỹamaxataxac maye ỹa'axat dam qanaỹamaxataxac qomi' dos.»

Génesis 26:28

Nache soomaye 'ena'apo': «Qomi' selaqa'a da Ñim Nataxala' 'am hueta'aguet, nache qomi' tachigui qarhuel da 'am ñeca'ataxa da 'am ñaỹamaxataxai'. Qaq que'eca qanaỹamaxataxac qome, 'eeta':

Génesis 24:3

nache 'aỹa'anot ca 'ara'aqtac Ñim Nataxala' maye lo'onatac na piguem qataq ana 'alhua, da yaqto' saishet da 'auashenem ñi ỹalec Isaac, da huaroneguet aca 'alo maye lma' na 'alhua Canaán, maye soota'a nagui,

Génesis 21:24

Nache so Abraham, 'enapeco': «Aja', aỹem sanot da ỹa'aqtac Ñim Lo'onatac 'Enauacna.»

Génesis 47:31

Nache so Israel qaltaq ỹe'eguelaxalec da la'aqtac, 'eeta': «¡'Aỹa'an qome ca 'ara'aqtac! Nache so José ỹan so la'aqtac, nache so Israel naqchiguiñi, naqtelec so na'axanaqa' so lmala'.»

Génesis 39:3

Qaq so na'aco' noma co'ollaxa da Ñim Nataxala' hueta'aguet so José, qaq ỹoqo'oye so José ỹaỹamaqchiguiñi 'enauac nam ỹo'otpi.