Biblia Todo Logo
Bib sou entènèt

- Piblisite -




Génesis 21:20 - La'aqtaqa Ñim Lo'onatac 'Enauacna 2013

20 Qaq Ñim Lo'onatac 'Enauacna, nache hueta'aguet co'ollaxa so nogotolec, qaq somaye nache nquictasheguem da lañaxataxac, qataq nache netaña yem toolec 'alhua, qaq somaye ivira'a da ỹataqta ỹaỹaten da do'ogoxona na checnec.

Gade chapit la Kopi




Génesis 21:20
13 Referans Kwoze  

Qaq Aỹem 'am soota'aguet, qaq maicheye cam 'aigue qalaq 'am ñepaxattalec qome, qataq 'am ñe'eguelaxata qome ne'ena 'alhua. Saishet qome da 'am salat, choche ivitta'a da sepacchigui da so'ot 'enauac nam 'am sachaxanapecotpi.»


qalaxaye nache 'ena'am Ñim Nataxala' hueta'aguet somaye, qataq nache queto'ot da ỹachaxaatega da lauotaxanaqtaic, qataq ỹo'ot da so ilotague' aso ncoñetaxanaxaqui ỹauotec somaye,


Qaq camaye ỹataqta huegaqaic qome, 'eeta'am da lhuegaxayec ca shiguiỹac maye huauec, camaye delogui' qome 'enauac na chochaqna, qataq 'enauac na chochaqna delogui' qome camaye, qalaxaye cam chegoxoguetpi nquictauec qome da la'añaxac, na'aictaxa da ca lqaỹañecpi dataỹa'aguet camaye.»


Nache so nogotolec Juan nquictasheguem da llaxa qataq lta'araic da la'añaxac saqcha'a maye chegoqo'ot Ñim Lo'onatac 'Enauacna. Somaye netauga so toolec 'alhua, choche ivitta'a so na'a'q co'ollaq Ñim Lo'onatac 'Enauacna ỹamaq da ỹache de'era la'aqtaxanaxac, da da'aqtaxanem na Israel le'ecpi.


Nache so nale piguem le'ec Ñim Nataxala', nachaxana somaye nache, 'eeta': «¡Ñim Nataxala' 'am hueta'aguet, cha'aye 'am 'añaxaic, qataq qaramchigui ye 'arhuel!»


Qaq se'esoua nogotolqa nquictrasheguem da lañaxataxa'c. Qaq so Esaú qalaq ỹataqta nqopita da netalec na no'onaxa, nache ivitta'a da ỹataqta ỹaỹaten da ñi'ipiaxac. Qaq so Jacob qalaxaye qaica ca taigue, nacherata da nqopita da hueta'a so nanataqa'.


Qaq nataqa'en mashe 'am sa'aqtega da 'auquicteguelec ñi Ismael, qaq ñimaye nataqa'en saalec qome da ichoxonnataxanaxa, qaq so'ot qome da qalota ca llalaqpi, qataq nquictauec qome cam chegoxoguetpi. Qaq ñi Ismael, nacheñi qome ñi lta'a caua doce nataxala'ate maye 'amaqtaqaiqa, qataq so'ot da nache chegoqchigui qome ñimaye ca qalota shiỹaxauapi.


Qaq so Nimrod, qalaq chegoqchigui co'ollaxa Ñim Nataxala' da ima'aguet da 'ipiaxac. Qaq ỹoqo'oye qoỹenacnaxa da huo'o ñi 'ipiaxaic: «'Eeta'am so Nimrod, maye chegoqchigui Ñim Nataxala', da ima'aguet da 'ipiaxac.»


Qaq ỹoqo'oye sauotaique da 'anqo'oneuga na no'onaxa, 'auache ca 'archecnec qataq caua 'archecnal, da 'aulaique ca 'ane'epet shiguiỹac.


Qaq so nogotolec Jesús nquictasheguem da lañaxataxac qataq da la'añaxac saqcha'a. Qataq Somaye ỹataqta nlaqchigui da laỹaanataxanaxac, qaq Ñim Lo'onatac 'Enauacna ỹataqta lta'araic da ntootapeguec Somaye.


Swiv nou:

Piblisite


Piblisite