Génesis 21:14 - La'aqtaqa Ñim Lo'onatac 'Enauacna 2013

¹⁴ Qaq so lỹa na'a'q, nache no'ottasheguem so Abraham, nache ỹanem aso Agar aso nauole, qataq aso lo'oc maye lỹoxoso huetagui so 'etaxat, nache ỹacheleguete naua lallaco, qataq ỹanem asomaye so nogotolec Ismael, qaq ime nache 'enapega da jec. Qaq asomaye jec, qalaq saỹaỹaten ca dataigue, nache chochaq coleetapeguelec ye toolec 'alhua ye Berseba.

Génesis 21:14 Referans Kwoze

Juan 8:35

Qaq cam choche nlatac, camaye saishet da nache 'eetai' da ỹalectaigui cam llalaqpi ca do'onataxaatacot, chaqcata cam ỹoqta ñalec maye nache 'eetai' da ỹalectaigui ca laỹepi ñalaqpi.

Eclesiastés 9:10

Qataq 'enauac nam ishet da 'auo'ot, qalaq ỹataqta 'anasapattelec qome da 'auo'ot, cha'aye añi huachiqui maye 'aỹa'a, qaica ca no'onataxanaxac, qataq qaica ca qaiuennatega da qaỹo'ot, qataq qaica ca nauattonaxanaxac qataq ca naỹaanec.

Proverbios 27:14

Da qaỹa'alaxalec da qaiquin ca auochaxaua da ña qaỹa'aguet na na'a'q, nache damaye 'eeta'am da qainogoqchettac camaye.

Salmos 119:60

Nache ỹataqta seỹalapigui', saishet da ñaỹaloxon, da yaqto' sepacchiguilo naua 'aramaxasoxonaxaco.

Salmos 107:4

Nam nsomaxaatapigui' co'ollaq quetalec ye toolec 'alhua, qataq saỹanata ca nqa'aic maye taỹa'a ca huaqta'a't nỹecpi da yaqto' naña.

1 Reyes 19:3

Qaq so Elías co'ollaq ỹaỹaten de'era, nache ỹataqta ñi'i, nache datauec taỹa ye Berseba maye huaigui ye 'alhua Judá, qaq huaña yemaye nache icotanaña so lamaxashec.

Génesis 26:31

Qaq so nte'etom so lỹa na'a'q nache ñiyishegue'm, nache ñi 'oonolec soomaye ỹanot da la'aqtac so lỹa. Qaq ime, nache so Isaac nquineto, nache soomaye je'c, qalaxaye ỹachetrec da l-lagaxaye'c.

Génesis 25:6

Qaq so llalaqpi asom ỹaqauga lhuapi so Abraham, qalaq nacherata da ỹauo'o so nme ñi 'oonolec somayepi. Qaq co'ollaq ña nca'altauec so Abraham, nache se'eso llalaqpi ca'ai naqa'en so Isaac, nache ỹamaxa ye 'alhua maye pa'aigue da nala' lliguisheguem.

Génesis 21:31

Qaq ỹoqo'oye yi'iye 'alhua, qoỹanagui da le'enaxat Berseba, cha'aye nache huaña co'ollaxa da soomaye ỹa'n so la'aqta'c.

Génesis 16:7

Qalaxaye som lamaxashec Ñim Nataxala', natenalec asomaye co'ollaq huaña so toolec 'alhua, hueta'a so loigue aso npaxaatasheguem na 'etaxat, maye naña na loigue so nqa'aic maye taỹa'a ye Shur.

Isaías 16:8

Ye uva lma'pi ye Hesbón qataq ye Sibemá qalaq ỹataqta deqaqa, cha'aye ilaxachigui nam lta'alpi na ỹotta'a't shiỹaxauapi, ana lcouepi co'ollaxa qalaq ivira'a ye Jazer, qataq imattalec ye toolec 'alhua, nache ivitta'a ye pa'aicra'a aye auaxai.

Génesis 46:1

Qaq huaña, nache so Israel jec, ỹache 'enauac som huo'o logoxoshetpi. Qaq co'ollaq ivita ye Berseba, nache ỹauo'o aso ỹavigaxat lachetaqtaxanaqte da ỹanot Ñim Natamnaxala' so lta'a Isaac.

Génesis 37:15

nache isomapec, hualec so no'onaxa. Qaq huo'o so shiỹaxaua natenalec somaye, nache inattaco', 'eeta': «¿Negue't ca 'anmittaique?»

Génesis 26:33

Nache so Isaac ỹanagui da le'enaxat «Sebá» asa'aso nshere. Qaq ỹoqo'oye nachera da huo'omshe qoỹanagui da Berseba yi'iye huaqta'a't nỹecpi, choche ivitta'a nagui.

Génesis 24:54

Qaq co'ollaq ime de'era, nache somaye, qataq soua nnaictagueto, cheta'ague da deque'e' qataq nỹo'm, qataq nache huera'a se'eso nma' se'eso pe. Qaq so lỹa na'a'q co'ollaq ñiyishegue'm, nache so namaxashec, 'enapeco': «Ñaq aỹem qauashiñiita da she'eguelaxague da lma' ca ña'aco'.»

Génesis 22:19

Qaq ime, nache so Abraham ỹe'eguelaxa som huetra'a soua lamaxa'she. Ime, nache 'enauaque nnaictega't da je'c, ỹe'eguelaxara ye Berseba, qaq so Abraham, nache naña co'ollaxa ye Berseba.

Génesis 22:3

Qaq so nte'etom so lỹa na'a'q, nache so Abraham ñesheguem, nache ỹo'oolec so lalo 'ashena, qataq iquesoq so qo'oipaqpi da yaqto' lalonaxat acam lachetaqtaxanaqte, nache jec da nqo'ona so 'alhua maye ỹachaxana Ñim Lo'onatac 'Enauacna, qaq nache lỹatac so Isaac, qataq soua dos lamaxa'she.

Génesis 21:33

Qaq huaña ye Berseba, nache so Abraham ỹaañi aso qo'oipaq le'enaxat tamarisco, qaq nache huaña da iỹaxaatega da le'enaxat Ñim Nataxala', Ñim Lo'onatac 'Enauacna maye chochaq tatec.

Génesis 19:27

Qaq so nte'etom so lỹa na'a'q, nache so Abraham, tauga som huaña co'ollaxa da detaqtague' Ñim Nataxala'.

Génesis 21:13

Qaq ñim llalec añi nlata, qalaq nataqa'en so'ot qome da chegoqchigui ca qalota shiỹaxauapi, cha'aye ñimaye nataqa'en 'aralamaxat 'aỹa'alec.»

Génesis 21:15

Qaq co'ollaq imeuo so 'etaxat, maye huetagui aso lo'oc maye lỹoxoso, nache icotano'ot na la'a' asotai' qo'oipaqole so nsoqolec,

Proverbios 27:8

Qataq 'eeta'am ca qoỹo da huaỹoteguelec ca huaña cam qaỹoqta naña ca lpata'c, nachera da 'eetec ca shiỹaxaua da coleeteguelec ca huaña cam qaỹoqta naña ca lma'.

Génesis 28:18

Qaq so lỹa na'a'q, nache so Jacob ñisheguem co'ollaq ña nte'etom, nache ỹacona so coma' maye na'axaatalec co'ollaxa so pe, nache nachaalataxaañi, ime nache icorelec somaye so aceite.

Josué 3:1

Qaq co'ollaq ñaq nte'etom so lỹa na'a'q, nache so Josué qataq 'enauac so Israel le'ecpi ca'ai ye Sitín, nache co'ollaq ivita so tala Jordán, qaq saishet da nache ỹa'axasoxoolec, nacherata da hua'a da nmataqa' so loigue.

1 Samuel 15:12

Qaq so lỹa na'a'q, nache ỹataqta no'ottasheguem da nqo'ona so Saúl. Qalaxaye qaicoyeguen co'ollaxa somaye da so Saúl mashe naỹa ye Carmel, yem huaña co'ollaxa da nauaxaỹaxaasheguem so coma' da yaqto' nhuennataxat, qaq ime, nache ỹe'eguelaxa da taỹa ye Gilgal.

2 Crónicas 29:20

Qaq so nta'a Ezequías ñesheguem so nte'etom, nache laỹona't so nataxala'pi so huaqta'a't nỹecpi, ime nache taỹa aso atamnaxaqui maye lalamaqte Ñim Nataxala'.