Génesis 21:10 - La'aqtaqa Ñim Lo'onatac 'Enauacna 2013

¹⁰ Nache jec da 'enapega so Abraham, 'eeta': «¡'Auamaqauec qome añi nlata qataq ñi llalec! Ñim ỹalec Isaac, saishet qome da nhuana'ai' ñim llalec añi nlata da taleguete na 'aralamaxatpi.»

Génesis 21:10 Referans Kwoze

Juan 8:35

Qaq cam choche nlatac, camaye saishet da nache 'eetai' da ỹalectaigui cam llalaqpi ca do'onataxaatacot, chaqcata cam ỹoqta ñalec maye nache 'eetai' da ỹalectaigui ca laỹepi ñalaqpi.

1 Juan 2:19

Ne'ena ipa'agueetacpi So Cristo qomi' ỹalectaiguilo naxa da llaponaqta'a't, qalaxaye ỹoqta 'eesa da namayepi saishet da qaraỹepi. Cha'ayectaxa da ỹoqta 'eesa da maiche qaraỹepi, nache saishettaxa da qomi' ca'aisalo. Qalaxaye namayepi nỹotec da yaqto' ỹoqta ỹachaxan da saishet da 'enauac naxa nam salegaqta'aguet da ỹoqta qaraỹepi.

1 Pedro 1:4

qataq qomi' ỹanema 'enauac nam qomi' ỹachaxanapecoto maye iqataxaatai' hueta'ague da piguem. Qaq cam qomi' ỹachaxanapecoto, camaye saishet da ishet nlaguiñi, qataq saishet da nshepaxan, qataq saishet da deqaqa da 'ena'am aca huoue.

Gálatas 4:7

Qami' mashe saishet da qoñiita'am ca camachaqca nlatac, cha'aye mashe qami' llalqa Ñim Lo'onatac 'Enauacna. Qaq nagui da ỹoqta qami' llalqa, nache nataqa'en qauacoñiiguet qome da lsallaxa.

Gálatas 3:18

Cha'aye Ñimaye da ỹami' cam ỹachaxanapec nam ỹalaxalec na namaxasoxonaxacpi, nache de'era ỹan saishet da ỹachaxanapec. Qalaxaye Ñim Lo'onatac 'Enauacna ỹataqta 'eesa de'era ỹachaxanapecot so Abraham qaq damaye saishet da huo'o aca lasheue naqa'en.

Mateo 22:13

Nache so nta'a ỹamaxalec so lamaxashecpi, 'eeta': ‹Qaucoñiyiỹa't naua lchel qataq naua lhua'q, nache qauasaqaiuga ye napalaxa, yem huaña da na shiỹaxauapi ỹataqta nỹen qataq inaga't naua lhue da nqui'ic.›

Génesis 25:19

Qaq 'era da 'eetec da na'aqtaguec so Isaac, som llalec so Abraham.

Génesis 25:6

Qaq so llalaqpi asom ỹaqauga lhuapi so Abraham, qalaq nacherata da ỹauo'o so nme ñi 'oonolec somayepi. Qaq co'ollaq ña nca'altauec so Abraham, nache se'eso llalaqpi ca'ai naqa'en so Isaac, nache ỹamaxa ye 'alhua maye pa'aigue da nala' lliguisheguem.

Génesis 22:10

Qalaxaye co'ollaq ivita so laloqo' da ỹacona so lainec da ỹalauat so llalec da ỹauo'o lachetaqtaxanaxat,

Génesis 20:11

Nache so Abraham ỹasateguet somaye, 'eeta': «Aỹem sepettega da ne'ena nma' da qaica ca 'enec qanqa'en Ñim Lo'onatac 'Enauacna, qataq da aỹem qaỹalauat souaxat añi ihua.

Génesis 17:21

Qalaxaye dam ñaỹamaxataxac nache 'eetai' qome da huetalec ca Isaac, cam llalec añi Sara maye ñiguiñi qom inoxonec na 'oonolec vi'i.

Génesis 17:19

Nache Ñim Lo'onatac 'Enauacna ỹasateguet somaye, 'eeta': «Qalaxaye aỹem mashe shenapec da añi 'arhua Sara huo'o qome ca llalec, qaq camaye 'aỹa'anagui qome da le'enaxat Isaac. Qaq camaye, qataq cam chegoxoguetpi, nache chegoqchigui qome dam llapaxañi ñaỹamaxataxac maye chochaq tatec.

Proverbios 22:10

'auamaqauec qome ca sancherapec yaqto' imeuo da loquiaxac, qataq imeuo na cotaxacpi qataq da nsheunaxanaxac.

Jueces 11:2

Qaq aso ỹoqta lhua so lta'a, huo'o so laỹepi llalaqpi, nache co'ollaq mashe ỹepi somayepi, nache ỹo'orauec so Jefté, ca'ai naqa'en so lma'. Nache 'enapego', 'eeta': «'Am saishet qome da huo'o ca 'am taỹot nam lalamaxatpi so qarta'a, cha'aye 'am llalec aso lỹa 'alo.»