Génesis 21:1 - La'aqtaqa Ñim Lo'onatac 'Enauacna 2013

¹ Qaq Ñim Nataxala' ipacchigui co'ollaxa dam la'aqtac, nache qocha'a aso Sara, da yaqto' ipacchigui som la'aqtac maye ỹanem co'ollaxa asomaye,

Génesis 21:1 Referans Kwoze

Salmos 12:6

Naua la'aqtaqa Ñim Nataxala' ỹataqta qui'itte', 'eeta'ama na ỹataqta no'on nda'a't lcat plata, maye siete da qaỹe'eguelaxaalec da qanqatel da yaqto' qui'itta.

Génesis 18:10

Nache so 'oonolec soomaye 'enapeco': «Na lỹa vi'i, nache qaltaq ñe'eguelaq qome da 'am ñamaqtega, qalaq nache huetoigui qome da añi 'arhua Sara huo'o ca llalec.» Qaq aso Sara na'axaỹaxaatega 'enauac na ntaxaỹaxacpi, hueta'ague na l-laq so Abraham, asomaye huetaigui so lasom so npe'l.

Génesis 18:14

¿Huo'o peta'a ca alaqaic da saishet da ỹo'ot Ñim Nataxala'? Na lỹa vi'i, nache qaltaq 'am ñamaqtega, qaq mashe huo'o qome ca llalec ara Sara.»

Génesis 17:19

Nache Ñim Lo'onatac 'Enauacna ỹasateguet somaye, 'eeta': «Qalaxaye aỹem mashe shenapec da añi 'arhua Sara huo'o qome ca llalec, qaq camaye 'aỹa'anagui qome da le'enaxat Isaac. Qaq camaye, qataq cam chegoxoguetpi, nache chegoqchigui qome dam llapaxañi ñaỹamaxataxac maye chochaq tatec.

Tito 1:2

qataq ỹaỹateeta da aquitaxac da achaalataxac maye chochaq tatec. Qaq Ñim Lo'onatac 'Enauacna maye sa datenataxan, Ñimaye ỹachaxanapec co'ollaxa de'era achaalataxac co'ollaq saxanaqaca ana 'alhua.

Gálatas 4:23

Qaq som llalec aso nlata, da lañoxoc 'eeta'am 'enauac da lañoxoc da shenaqta, qalaxaye so llalec aso lalamaqte lhua da lañoxoc, nachera da maiche ỹachaxanapecot Ñim Lo'onatac 'Enauacna so Abraham.

Mateo 24:35

Na piguem qataq ana 'alhua imeuo qome, qalaxaye da ỹa'aqtac saishet da imeuo.

1 Samuel 2:21

Nache Ñim Nataxala' ỹanem da lqouagaxanaqtaic aso Ana, qaq ỹoqo'oye asomaye qaltaq hualaxai. Qaq 'era da 'eetec da aso Ana ivi' tres soua llalqa ỹale't, qataq dos soua 'alo. Qaq Ñim Nataxala', nache nquictasheguem naqa'en so nogotolec Samuel maye qoỹanot Ñimaye.

Gálatas 4:28

Ỹaqaỹa't, qami' qoñiita'am so Isaac, som ñalec maye Ñim Lo'onatac 'Enauacna ỹachaxanapecot co'ollaxa so Abraham. Qaq shenapec de'era, cha'aye qami' llalqa Ñim Lo'onatac 'Enauacna maye maiche qami' ỹachaxana'ape co'ollaxa.

Rut 1:6

Qaq huo'o so na'a'q nache aso Noemí, co'ollaq hueta'a ye Moab, nache hua'axaỹapeguelec da Ñim Nataxala' huo'o da lchoxonnataxanaxa so lalamaxat nhuo' Israel le'ecpi, nache vi'iiguet naqa'en se'eso nqouaxa.

Génesis 50:24

Qaq huo'o so na'a'q, nache so José 'enapegalo soua lqaỹa't, 'eeta': «Mashe sa qaỹapeque ye laloqo' da seleu, qalaxaye Ñim Lo'onatac 'Enauacna anac qome da qami' itaua'n nache qami' nqateeguesopa ne'ena 'alhua, da yaqto' qami' ỹauegalo ye 'alhua maye ỹachaxanapeguem co'ollaxa so Abraham, Isaac qataq so Jacob.»

Génesis 17:21

Qalaxaye dam ñaỹamaxataxac nache 'eetai' qome da huetalec ca Isaac, cam llalec añi Sara maye ñiguiñi qom inoxonec na 'oonolec vi'i.

Génesis 17:16

Añimaye saalec qome da ichoxonnataxanaxa, qaq chegoqchigui qome añimaye da 'am sanem ca 'aỹa'alec. Aja', Aỹem saalec qome da ichoxonnataxanaxa. Qaq añimaye, nache late'e qome cam qalota ỹotta'a't shiỹaxauapi, qaq ca chegoxoguetpi nacheca qome cam chegaqaigui ca lta'alpi nam nhuo' le'ecpi.»

Lucas 1:68

«¡Ỹataqta sho'oxorenaq qome Ñim Lo'onatac 'Enauacna maye Lataxala' na Israel le'ecpi, cha'aye Ñimaye qomi' naỹalo da qomi' nca'alaxatre'c!

Éxodo 4:31

Huaña, nache so shiỹaxauapi ỹataqta ỹa'amaqten de'era na'aqtaxanaxac, cha'aye ỹaỹaten da Ñim Nataxala' maiche huapegue' somayepi, qataq da sogote da ỹaỹateeta da nque'eenaxac, huaña nache ỹa'alyiñi naua l-llecte da natamnot Ñimaye.

Salmos 106:4

Ñaq aỹem 'auennata'a qome 'Am Nataxala', qom ivita da 'anqouaguec na 'aralamaxat nhuo' le'ecpi. Ñaq aỹem 'auennata'a qom ivita ca na'a'q da 'auca'alaqtaxan.

Éxodo 20:5

Qataq saishet da 'aua'atto'oto naua 'arllecte qataq saishet da 'avio'oxoreetac, cha'aye aỹem Nataxala' Nachaỹem 'Anatamnaxala', Aỹem ca'alaxanaxaic ỹoqo'oye sauo'o da nhuaxanaguec ca shiỹaxaua maye aỹem nquiỹatega, qataq ca llalaqpi qataq ca laualpi qataq na llalaqpi ca laualpi.

Éxodo 3:16

Qaq 'am, qojec qome, nache 'alaỹona't ca lqueroxonecpi ye Israel le'ecpi. Ime, qaq qonapega, qoneta': «Ñim Nataxala', Ñim Natamnaxala' som hua'au' qarta'alli' aỹem namaxalo qami'. Ñim Natamnaxala' so Abraham, Isaac qataq Jacob, Ñimaye aỹem nachaxana. Qaq aỹem da'aqtaxanem da Ñimaye 'eetega maiche qami' huapegueto, cha'aye ilota'a da saishet da qami' iyacna'ape na Egipto le'ecpi.

Lucas 19:44

Nache qami' ilaxachiguilo ỹataqta qami' nmatchiyiñi. Saishet da huo'o ca 'oonolec da nachattañi na coma'pi maye qarpaqtaxanaxache. Qataq 'enauac da qoñiita qaullivi, qataq qanque'etaxañiigui 'enauac de'era, cha'aye saishet da qaua'amaqchiñi da Ñim Lo'onatac 'Enauacna Aỹem namaq da qami' ñeca'alaxatrec.

Génesis 24:36

Qataq nataqa'en aso lhua Sara, ỹauo'o so llalec co'ollaq mashe ỹa'axaino'ole, qaq ñim ña'aco', nagui ỹanem 'enauac da lsallaxa ñi llalec.

1 Samuel 1:19

Qaq so lỹa na'a'q nache no'ottrashegue'm, qaq co'ollaq ime da nqouagaxaueetracot Ñim Nataxala', nache ỹe'eguelaxara so lma't yem Ramá. Ime, nache so Elcana qaltaq lauatapiguiñi' aso lhua Ana, nache Ñim Nataxala' tachigui lauel da lashelaxanaxac asomaye.

2 Reyes 4:17

Qaq asomaye hualaxai co'ollaxa, qaq nache huetoigui se'eso lỹa vi'i da ñiguiñi so llalec, qaq nache ipacchigui da la'aqtac so Eliseo.