Génesis 20:9 - La'aqtaqa Ñim Lo'onatac 'Enauacna 2013

⁹ Qaq ime co'ollaxa, nache so Abimelec iỹaxaneuga so Abraham, nache 'enapega, 'eeta': «¡Ña 'aula'a dam qomi' 'auo'oteque! ¿Negue't cam 'am so'otec qauem da yaqto' aỹem 'auasaxalec da lta'araic ỹasouaxashet, qataq na selotague' shiỹaxauapi? De'era aỹem 'auo'otec, damaye saỹaỹamaxañi.»

Génesis 20:9 Referans Kwoze

Génesis 12:18

Qaq ỹoqo'oye so faraón damaxasoxoneuga da qanauegueuo so Abram, nache 'enapega, 'eeta': «¿Ta'ainco' da aỹem 'auo'otec de'era? ¿Ta'ainco' da saishet co'ollaxa da aỹem 'aua'aqtaxanem, da ara'ara 'alo, maiche 'arhua?

Génesis 39:9

Qaq ỹoqo'oye ne'ena nỹec qaica ca lỹa 'amaqtaqaic nachaqaỹemta. So ña'aco' qaica ca aỹem illapeguem, qaq nachaq'amta, cha'aye 'am lhua. Qaq ỹoqo'oye, ¡ca 'eeteco' da so'ot ca qauem, qataq da sacho'ot ca ỹasouaxashet Ñim Lo'onatac 'Enauacna!»

Génesis 26:10

Qalaxaye so Abimelec, 'enapeco': «¿Ta'ainco' ye qomi' 'auo'oteque de'era? Cha'aye da shenaqta saxanaqca qapio'olec, qaq huo'o ca lauañi' aram 'arhua, qaq 'am choche 'auauota'a ctaxa ca qarasouaxashet.»

Hebreos 13:4

Qataq qami' iuen da ỹataqta qanchelỹa'a da qarhuaỹaxaqui qataq ỹataqta lta'araic qanqa'eñi da naigui. Caua namoxou' iuen da ỹataqta nde'n, cha'aye Ñim Lo'onatac 'Enauacna ỹauo'o qome da nhuaxanaguec na quisheguetaxaicpi qataq nam sa iren da lhuaỹaxac.

Tito 1:11

Namayepi iuen da qaỹapoguilo naua ala'api, cha'aye ỹataqta sa nhuoona't naqa'en na nhuo' le'ecpi, souaxat da dapaxaguenataxaatapeguec na sa lataxac, cha'aye choche nshetaique da nauec ana anom da ỹachegoxotaigui da latenataxanaxac.

Romanos 2:11

Cha'aye Ñim Lo'onatac 'Enauacna saishet da lca'atagui na shiỹaxauapi.

Proverbios 28:10

Ca ỹauecta'a ca qauem nqa'aic ca no'on da lataxac, camaye tangui aca maiche lqoina, qalaxaye ca ỹale nalochiguiñi da lataxac, camaye talec da no'on.

2 Samuel 13:12

Qalaxaye asomaye, 'enapeco': «'Am ỹaqaỹa, saishet da aỹem 'auo'otec de'era saỹaỹamaxañi, cha'aye de'era sa qaỹaỹamaxaren da qaỹo'ot ne'ena Israel. Saishet qome da 'auo'ot de'era qauem.

2 Samuel 12:5

Nache so David ỹataqta dalemata souaxat da ỹo'ot se'eso ỹale, nache 'enapego' so Natán, 'eeta': ¡'Am 'aua'aqchigui da ỹa'aqtac da sanot Ñim Nataxala', da ỹataqta 'eesa qome da que'eca shiỹaxaua maye ỹo'ot de'era, iuen da qaỹalauat!

Josué 7:25

Huaña, nache so Josué 'enapego' somaye, 'eeta': «¿Ta'ainco' da qomi' taleguete 'anqa'en de'era qauem? Qaq nagui, Ñim Nataxala' 'am talec naqa'en de'era qauem maye qomi' 'auo'oteque.» Qaq co'ollaq choche ime da nasaxauec de'era so Josué, nache 'enauac so Israel le'ecpi irota'a na coma' da ỹalauat so Acán qataq so lalamaxat llalaqpi, ime nache qaỹavigaxat somayepi.

Levítico 20:10

Qaq ca shiỹaxaua da lauañi' aca lhua ca lỹa, nache que'eca ỹale qataq aca 'alo qaỹalaua't.

Éxodo 32:35

Nache Ñim Nataxala' namaxa da nhuaxanaguec se'eso nhuo' le'ecpi, souaxat da natamnot so ne'enaqtac huaca llalec maye lo'onatac co'ollaxa so Aarón.

Éxodo 32:21

Ime, nache 'enapega so Aarón, 'eeta': «¿Negue't ca 'am ỹo'otec ne'ena shiỹaxauapi ye 'auauega da ỹo'ot da lta'araic lasouaxashet?»

Génesis 38:24

Qaq co'ollaq mashe inoxoorec soua tres ca'agoxoiqa, nache qaỹauo'o da la'axaỹaxac so Judá, maye 'eeta': «Añi Tamar maye 'arate, yo'oqta da lauatapiguiñi' ca lỹa ỹale, ỹoqo'oye añimaye hualaxai.» Nache so Judá, 'enapeco': «¡Qanqacheeuec qome acamaye! ¡Ime, nache qauavigaxache!»

Génesis 34:7

Qaq co'ollaq nvildeuo soua llalqa so Jacob chegoqtrauga so no'onaxa, nache co'ollaq ỹaỹate'n da qanayeuaigui, nache soomaye ỹataqta dalematai'. Cha'aye damaye ỹo'ot da ỹataqta lta'araic ne'enaguec so Israel, da so Siquén lauañe' co'ollaxa aso llale so Jacob. ¡Damaye ỹataqta sa qaishetapec da qaỹo'ot!

Génesis 20:8

Qaq so nte'etom so lỹa na'a'q, nache so Abimelec ñisheguem, nache iỹaxaneuga 'enauac so lamaxashecpi, nache da'aqtaxanem 'enauac som dechoxootega somaye. Qaq somayepi co'ollaq hua'axaỹa de'era, nache ỹataqta qalota da lcolanaxa.

Génesis 20:10

Qaq nataqa'en so Abimelec 'enapega co'ollaxa so Abraham, 'eeta': ¿Negue't cam tatapigui ye 'arhuel co'ollaq 'auo'ot de'era?

Génesis 29:25

Qaq so nte'etom so lỹa na'a'q, nache so Jacob noma da lauatañi' so pe aso Lea, nache 'enapega so Labán, 'eeta': «¿Negue't dam aỹem 'auo'otec? ¿Saisheto' peta'a da so'onataxaateguelec aso Raquel? Qaq ¿ta'ainco' da aỹem 'auatenachet?»