Génesis 20:6 - La'aqtaqa Ñim Lo'onatac 'Enauacna 2013

⁶ Nache Ñim Lo'onatac 'Enauacna ỹasateguet somaye huaigui so lchoxonaxac, 'eeta': «Aỹem saỹateeta da ỹataqta qaica ca 'auauotaique da 'auo'ot de'era. Ỹoqo'oye saishet da 'am sasheetem da 'arauañi' añimaye, yaqto' saishet da Aỹem huo'ot ca 'arasouaxashet.

Génesis 20:6 Referans Kwoze

1 Samuel 25:34

Qaq cha'aye nca'altauec Ñim Nataxala' maye Natamnaxala' na Israel le'ecpi, maye nacheñi ñi aỹem nqanaxat da saishet da 'am so'otec ca qauem. Cha'aye taxa da sa 'auỹalapigui' da 'auanac da aỹem 'auqata'aguet, nache qonte' nte'eta nache saishettaxa da 'oonolec ca nca'altauec nam nalleppi ñi Nabal.

1 Samuel 25:26

Qalaxaye nagui Ñim Nataxala' 'am saỹashenem da 'aucoldec naua ntago'q, qataq da 'auo'ogoxona da 'ara'añaxac da 'apalaique 'arvi'. Qaq 'eeta'am qome so Nabal ca nhuaxanaguec nam 'ampa'aguenaxauapi, qataq 'enauac nam huotaique da 'am ỹo'otec ca qauem 'am ỹataxala'.

Proverbios 21:1

Da ntoonaxac ca nta'a da huetaiguilo naua lhua'q Ñim Nataxala', qalaq 'eeta'am na 'etaxat so tala da jec, nache taigue cam ỹamaxague Ñim Nataxala'.

Génesis 35:5

Qaq co'ollaq jec somayepi, nache Ñim Lo'onatac 'Enauacna, ỹo'otec da lta'araic lcolanaxa 'enauac se'eso lauoreuapi somayepi. Qaq ỹoqo'oye qaica ca ishet da icaalec som llalaqpi so Jacob.

Génesis 31:7

Qalaxaye ñimaye aỹem ỹatenachet, cha'aye naralaxatta'aguet da lataxac da ỹashiichiỹaxac. Qalaxaye Ñim Lo'onatac 'Enauacna, saishet da ỹashenem ñimaye, da aỹem ỹo'otec ca sa ỹaỹamaxañi.

2 Ts 2:7

Cha'aye de'era 'eetapeguec maye saqcha'a, damaye mashe huo'o nagui; nachaqrata da saxanaxa da qanqateeguesop nam nqanaxattac que'eca ỹale.

Salmos 84:11

Cha'aye Ñim Lo'onatac 'Enauacna maye Nataxala', Ñimaye qomi' icoỹattaleguete qataq qomi' npaxattaleguete, Ñim Nataxala' chochaq ỹaatem da lchoxonnataxanaxa, 'enauac nam nalochiguiñi da lataxac.

Éxodo 34:24

Nache, Aỹem qome samaqauec 'enauac na ỹotta'a't shiỹaxauapi naua 'aleu', yaqto' qalochiguiñi ca qana'alhuaipi, nache qaica ca anac da namataxaalec, da ivita da qauanaqui da Aỹem qavio'oxoyiñi. Qaq ye 'oonolec vi'i tres qome da Aỹem qauanaiua'a.

2 Corintios 6:17

Qaq ỹoqo'oye nataqa'en Ñim Nataxala', 'eeta': «Qoquiỹa'ai qome namayepi, qataq qauỹocheelec; qataq saishet qome da qa'aitapegueua'a ca ishet da deshepaxanaqtaxan. Yaqto' Aỹem ishet da qami' saconegueta.

Salmos 81:12

Qaq ỹoqo'oye namayepi saxanec da quegue ca maiche 'eetapeguec, qataq maicheye ca lauela da ỹo'ot.

Salmos 51:4

Qaq nachaq 'amta da 'am hueto'ot na ỹasouaxashetpi, aja', nachaq 'amta, cha'aye so'ot co'ollaxa na qauemsat, nam sa 'auaỹamaxaren da qaỹo'ot. Qaq ỹoqo'oye naua 'arhuaxanaxanaxaco ỹataqta nalochiyiñi, ỹataqta 'am saqaimaqpec da huo'o ca 'anmit.

Génesis 39:9

Qaq ỹoqo'oye ne'ena nỹec qaica ca lỹa 'amaqtaqaic nachaqaỹemta. So ña'aco' qaica ca aỹem illapeguem, qaq nachaq'amta, cha'aye 'am lhua. Qaq ỹoqo'oye, ¡ca 'eeteco' da so'ot ca qauem, qataq da sacho'ot ca ỹasouaxashet Ñim Lo'onatac 'Enauacna!»

Génesis 20:18

Cha'aye souaxat co'ollaxa aso Sara, nache Ñim Nataxala' ỹo'ot da so 'alpi maye hueta'a so lma' so Abimelec, saishet da huo'o ca llalec.

2 Ts 2:11

Ỹoqo'oye Ñim Lo'onatac 'Enauacna hua'axaỹa'a namayepi da quegue da nsomaxac, yaqto' ỹa'amaqten da choche natenataxanaxac.

1 Corintios 7:1

Aso qara'aqtaqui lmalate maye saconeguet qalaq qami', aỹem qaunacheetac da ỹaỹamaqchiguiñi da na shiỹaxauapi saishet da huaron.

Levítico 6:2

«Qaq da huo'otaq huo'o ca shiỹaxaua da npe'eeleguete naua lamaxasoxonaxaco Ñim Nataxala', souaxat da ỹatenachet ca lỹa, qataq ỹoxooñi ca nogoxoshet maye qaicotano'ot da ilo'ogue, huo'otaq da ỹoqta decachiỹa, huo'otaq da deuotaxanec ca lalamaxat ca lỹa,

Génesis 26:11

Qaq huaña, nache so Abimelec 'enapega 'enauac so lauo' le'ecpi, 'eeta': «Da huo'otaq huo'o ca sa ỹalemaxat de'era ỹale, huo'otaq ara lhua, nache camaye qaỹalauat qome.»

Génesis 3:3

qalaxaye chaqarata ara qo'oipaq maye nangui na laiñi ne'ena nanaxanaqa', Ñim Lo'onatac 'Enauacna qomi' 'enapegalo da saishet da sacheguenaq, qataq saishet da sepotaqpegueua'a ana ala aramaye. Cha'aye da shenaqtec de'era, nache seleuaq.»

Mateo 27:19

Qaq so Pilato co'ollaq ñaq nmittac de'era, nache aso lhua namaxai' da la'aqtac, 'eeta': «Saishet qome da 'aỹapegueua'a que'eca ỹale maye no'on da lataxac, cha'aye so pe ỹataqta qaica ca 'ena'am da lchec so ichoxonaxac, souaxat camaye.»

Génesis 31:24

Qalaxaye se'eso pe, nache Ñim Lo'onatac 'Enauacna, ỹachaigui so lchoxonaxac da nachaxana so Labán som arameo, nache 'enapego', 'eeta': «Ñaq aỹem 'ana'axaỹaxana, saishet qome da sa 'auchera'ape naua 'ara'aqtaqa da qonapega so Jacob.»

Proverbios 6:29

Qataq ca lauañe' aca ỹaqa'a 'alo, qalaq camaye saishet da saqca ca nhuaxanaguec.