Génesis 20:5 - La'aqtaqa Ñim Lo'onatac 'Enauacna 2013

⁵ Ye ñi Abraham aỹem da'aqtaxanem da 'eetega lqaỹa aña'añi 'alo, qataq nataqa'en añimaye ỹa'axat da lqaỹa ñimaye. Qaq ỹoqo'oye ỹataqta qaica ca sauotaique da so'ot 'enauac de'era. Qaq nachera da huo'omshe sa'amaqten da qaica ca so'ot qauem.»

Génesis 20:5 Referans Kwoze

Salmos 7:8

'Am Nataxala', 'am maye 'anmit qome na ỹotta'a't shiỹaxauapi, qaq da aỹem 'anmit qalaq 'aulochigui da no'on ỹataxac, qataq 'aulochigui da qaica ca sasouaxat.

1 Reyes 9:4

Qaq 'am, da 'ano'onaxat da 'arataxac da 'eeta'am co'ollaxa so 'arta'a David, da ỹataqta nalochiguiñi da lquiyaqteỹaxac, qataq ỹaỹamaqchiguiñi da lataxac, nache da ỹataqta 'auo'ot na 'am samaxalecpi, qataq 'aualaxagueta naua iqataxaco, qataq naua llapaxayiñi lataxaco,

1 Timoteo 1:13

Qaq Somaye aỹem ỹo'otec de'era, na'aictaxa da so lỹa na'a'q ỹataqta sasaxaleguete na itaxaỹaxaco qauema da sa seyacnapec, qataq secaatac, qataq sesheueetac. Qalaxaye Ñim Lo'onatac 'Enauacna ỹataqta aỹem ichoxoren, cha'aye saxanaxa da sa'amaqten So Jesús, qataq ỹataqta sa saỹaten da so'ottac.

1 Ts 2:10

Qami' huo'o da qarpi'iỹaxaqui Ñim Lo'onatac 'Enauacna qataq qomi' co'ollaq qami' souaqta'agueta, qalaq ỹataqta no'on da qarataxac. Qaq Ñimaye ỹataqta ỹaỹateeta da 'eesa de'era, nataqa'en qami'. Ỹoqo'oye qaica ca ishet da huo'o ca qomi' ỹasaxaleguete ca qarasouaxashet.

2 Corintios 1:12

Qomi' ỹa'añaqche't da saỹaanaq da ỹaỹamaqchiguiñi da qarataxac, qataq ỹataqta qomi' 'eesora nagui da souaqta'aguet 'enauac na shiỹaxauapi, qataq ỹactec naxa da qami' souaqta'agueta. Qaq de'era saishet da so'otaq da seca'ataqtague' da maiche qaraỹaanec, nachaqrata da ltaunaxanaxac Ñim Lo'onatac 'Enauacna, qataq sanaqtac da qana'achecỹaxac souaxat da lta'araic lsoxoyec.

Daniel 6:22

Ñim Ñatamnaxala' namaq so lamaxashec piguem le'ec, qaq somaye ỹapogui na alap na llonpi, da yaqto' saishet da aỹem ique'emaqchet, cha'aye Ñim Lo'onatac 'Enauacna ỹaỹaten da aỹem qaica ca ỹasouaxashet, qataq qaica ca so'ot qauem da 'am hueto'ot 'am nta'a.

Proverbios 20:7

¡Ỹataqta ỹo'oxoraq ca no'on da lataxac, qataq machiguiñi ca llalaqpi da quetegue da no'on lataxac camaye!

Proverbios 11:3

Na no'on da lataxac qalaq taỹa'a da no'oitegue da llecỹaxac, qaq na saq ỹataxalec da lataxac qalaq ilaxachigui da maiche lle'etaxaloxo.

Salmos 78:72

Nache so David ilo'ogue co'ollaxa na lalamaxat nhuo' le'ecpi Ñim Lo'onatac 'Enauacna, nache ilotague' qataq ỹauecta'aguet, qaica da nqalaate' da ilotague', qataq da lquiyaqteỹaxac ỹataqta huesota.

Salmos 73:13

Qaq ỹataqta qaica ca naigui da qui'itta ñaqa'en añi iquiyaqte, qataq da qui'itte' ñaqa'en naua ihua'q da saishet da ỹashelgui ca qauem.

Salmos 26:6

Ỹoqo'oye seỹote' naua ihua'q, maye qaica ca ỹasouaxa't, cha'aye sauotaique da secoleetacot añi nca'atoxonaxalate maye 'aralamaqte,

Salmos 25:21

Ñaq aỹem mpaxaalec qome da ño'oxonnataguec qataq da qaica ca sasouaxat, cha'aye ỹataqta 'am sacheto'ot da ñaquitaxac.

Salmos 24:4

Qomye nachecata ca qui'itte' naua lhua'q qataq ỹaỹamaqta da lquiyaqteỹaxac, qataq saishet da natameetacot na nqolacpiolec, qataq saishet da ỹanot ca la'aqtac nam saq 'en atamnaxala'pi.

Da na'aqtaguec so Job 33:9

«Aỹem qui'itta, qaica ca sasouaxat, qaica ca ñe'enaxac, qataq qaica ca ỹasouaxashet.

1 Crónicas 29:17

'Am Ñatamnaxala', aỹem saỹaten da 'am 'auauatto'n naua nhuennataxaco, qataq 'auaỹamaxareeta da nalochiguiñi lataxac. Ỹoqo'oye aỹem, nachera da ỹaỹamaqchiguiñi iquiyaqteỹaxac da huo'omshe maiche aỹem chegoqchigui da 'am sanot 'enauac ne'ena ỹogoxoshetpi. Qaq nagui, sa'amaqchiguiñi da sauaachigui ne'ena lapoota'a't 'aralamaxat nhuo' le'ecpi, da maiche chegoqchigui da 'am ỹanot na lachetaqtaxanaxatpi.

2 Reyes 20:3

«'Am Nataxala', 'am ñachoxonnot, da 'antoueeta'ac qome da ỹataqta 'am salaxaguet co'ollaxa, qataq ỹataqta imauec da iquiyaqteỹaxac da so'ot nam 'auaỹamaxareeta.» Nache so Ezequías ỹataqta lta'araic da nnoinaxac souaxat da laquicoxo.

Josué 22:22

«Ñim Nataxala' maye Lo'onatac 'Enauacna maye nataỹaña 'enauac na atamnaxala'pi, Ñimaye ỹaỹaten da saishet da so'otaq de'era da yaqto' sataỹaqa'aguet huo'otaq da qolaqa'ai Ñimaye. Qaq Ñimaye ỹaỹaten de'era, qataq 'enauac da qami' ỹaỹaanaxanaxaneque, qaq da huo'otaq saq 'en de'era, ¡nache qomi' ỹalaua't nagui!

Génesis 12:13

Qaq ỹoqo'oye aỹem 'arqouaguec qome, da qonapec da aỹem 'arqaỹa, yaqto' saqca ca dá aỹem, qataq saishet da aỹem qaỹalauat, souaxat 'am.»

Génesis 20:13

Ñim Lo'onatac 'Enauacna co'ollaq aỹem 'enapega da sheca'ai ye lma' so ita'a, nache setaxaỹot añimaye da huo'otaq huo'o ca seviraxa nma', nache ỹa'axat da ỹaqaỹa.»

Génesis 20:16

Qaq nataqa'en 'enapega aso Sara, 'eeta': «Nam sanempi da 'arqaỹa, ỹataqta saqaỹoqtegue añi ivi' lasheue, qaq namayepi nala'aguet qome da npaxaalec da no'on 'ana'aqtaguec, da yaqto' na 'am neto'otpi saishet da 'am ỹasaxalec ca sa ỹaỹamaxañi ltaxaỹaxac.»

Salmos 7:9

'Am maye 'Aro'onatac 'Enauacna maye nalochiguiñi da 'arataxac, maye 'aumeteeta'ape naua nhuennataxaco qataq añi nquiyaqte, ñaq imeuo 'anqa'en da lle'etaxaloxo na qauemaicpi, qalaxaye saishet qome da 'auraxanai' ca no'on da lataxac.