Génesis 20:2 - La'aqtaqa Ñim Lo'onatac 'Enauacna 2013

² Qaq co'ollaq hueta'a yemaye, nache ỹa'axat da 'eetega lqaỹa aso Sara maye lhua somaye. Nache so Abimelec maye nta'a ye Gerar, damaxasoxoneuga co'ollaxa da qanauegueuo aso Sara da yaqto' ỹauo'o lhua.

Génesis 20:2 Referans Kwoze

Génesis 12:15

Qaq nataqa'en so ltauapi so faraón som nta'a ye Egipto, ila'a co'ollaxa asomaye, nache da'aqtaxanem so nta'a da asa'aso 'alo ỹataqta 'onaxai. Qaq huaña, nache asomaye qaỹauegueua'a so lma' lta'araic so faraón.

Génesis 26:7

Qaq som netaña yi'iye 'alhua, co'ollaq inat somaye da denataxaateguec aso Rebeca, nache so Isaac, huo'o da lcolanaxa da ỹa'axat da lhua asomaye, nache da'aqtaxanem somayepi, da 'eetega lqaỹa asomaye. Qaq aso Rebeca ye ỹataqta 'onaxai, qaq nachera da huo'omshe so Isaac, lhuennataxac co'ollaxa da som ỹalleppi maye lma' yi'iye 'alhua, ishet da ỹalauat souaxat asomaye.

Colosenses 3:9

qataq saishet da huo'o ca ỹatenachet ca lỹa, cha'aye qami' mashe sogote da qaualache da qarataxaqui maye ỹo'ottac da ñe'etaxaloxo.

Efesios 4:25

Qaq ỹoqo'oye ñi 'oonolec saishet da ỹatenachettac ca lỹa. Cha'aye 'enauac qomi' ña'araqtaua'a da 'oonolec no'ocỹaxac. Ỹoqo'oye ñi 'oonolec da qoñiita ỹataqta 'eesa qome da huo'o ca la'aqtac.

Eclesiastés 7:20

Qalaxaye ỹoqta 'eesa da qaica ca ỹale ana'ana 'alhua, da na'aictaxa da no'on da lataxac qataq ỹo'ottac ca ỹaỹamaqchiguiñi da qaica ca lasouaxashet.

Proverbios 24:16

cha'aye na'aictaxa da siete da huañi ca no'on da lataxac, qalaxaye nache 'ena'am ishet da qaltaq ñisheguem, qaq nam qauemaicpi qalaxaye nache taỹañicra da lachoxoyec.

2 Crónicas 32:31

Qaq 'era da 'eetec nataqa'en co'ollaq so nataxala'pi ye Babilonia, da ỹauo'oi soua ỹama'q da yaqto' namaqtrega, qataq yaqto' ỹaỹate'n so sa qaỹauanepega maye huaña yi'iye 'alhua. Qaq Ñim Lo'onatac 'Enauacna ca'ai co'ollaxa so Ezequías, da yaqto' ỹe'eguen qataq yaqto' ỹauatton yem ỹoqta pa'auo lhuennataxac somaye.

2 Crónicas 19:2

Qalaxaye so na'aqtaxanaxanec Jehú, som llalec so Jananí, ca'ata'aguet somaye nache inat, 'eeta': ¿Ta'ainco' da 'autauan nam qauemaicpi, qataq 'auauo'o 'anauochaxaua na npa'aguenaxauapi Ñim Nataxala'? Qaq souaxat de'era 'auo'ot, nache Ñim Nataxala', 'am dalemataỹa.

Génesis 26:16

Qaq huaña, nache so Abimelec 'enapego' so Isaac, 'eeta': «Qoca'aisalo qome qomi', cha'aye mashe 'avita da 'am sallaxanec, qomi' 'anapacaleguete.»

Génesis 26:1

Qaq se'eso na'a'q, huo'o so lta'araic nqouaxa, 'enauac se'eso 'alhua, qaq 'eeta'am so nqouaxa som na'a'q co'ollaq ñaq nca'altauec so Abraham. Ỹoqo'oye so Isaac, taỹa ye Gerar, yem netaña so Abimelec, maye nta'a ye Filistea.

Génesis 20:12

Qalaxaye 'eesa da añimaye maiche ỹaqaỹa, añimaye llale so ita'a, qalaxaye saishet da llale aso ỹate'e. Ỹoqo'oye ishet da saroneguet añimaye.

2 Crónicas 20:37

Huaña nache so Eliezer, som llalec so Dodías, maye lma' ye Maresa, huo'o so la'aqtaxanaxac ỹanem so Josafat, 'eeta': «Ñim Nataxala', ilaxachigui qome nam 'auo'ottacpi souaxat da 'auauaxaiguet so Ocozías.» Qaq huaña, nache aso notaxaquipi dolagui, nache somayepi saishet da nqo'ona ye Tarsis.

Génesis 21:22

Qaq nache huetoigui se'eso na'a'q, da so Abimelec nqo'ona so Abraham da detaxaỹapegue'. Qaq nnaictague' co'ollaxa so Ficol, som lataxala' so nalleppi. Nache so Abimelec 'enapego' so Abraham, 'eeta': «Qomi' selaqa'a da Ñim Lo'onatac 'Enauacna, 'am itauaatac 'enauac nam 'auo'otpi.

Proverbios 29:25

Da qañe'etega na ỹalleppi damaye nachera da icoñerai' ca shiỹaxaua, qalaxaye ca pi'iỹa'a Ñim Nataxala' camaye ỹataqta qanpaxattalec.

Proverbios 6:29

Qataq ca lauañe' aca ỹaqa'a 'alo, qalaq camaye saishet da saqca ca nhuaxanaguec.