Génesis 20:18 - La'aqtaqa Ñim Lo'onatac 'Enauacna 2013

¹⁸ Cha'aye souaxat co'ollaxa aso Sara, nache Ñim Nataxala' ỹo'ot da so 'alpi maye hueta'a so lma' so Abimelec, saishet da huo'o ca llalec.

Génesis 20:18 Referans Kwoze

Génesis 12:17

Qalaxaye nataqa'en souaxat aso Saraí, nache Ñim Nataxala' ỹauo'o da nhuaxanaguec so faraón qataq so llalaqpi, irolec so lta'araic napaxa.

Génesis 30:2

Qalaxaye so Jacob, ye ỹataqta dalemataỹa asomaye, nache 'enapego', 'eeta': «¿Peta'a nachaỹemo' maye So'ot 'Enauacna? Ñimaye maye saỹauo'o ca 'aỹa'alaqpi.»

1 Samuel 5:10

Nache som filisteopi qaltaq nquigaxata ye Ecrón aso laỹe' da naỹamaxataxac Ñim Lo'onatac 'Enauacna, qalaxaye co'ollaq ivita yemaye, nache so netaña ye Ecrón ỹa'alaqtagui, 'eeta': «¡Qomi' qanda'alo' ana laỹe' da naỹamaxataxac Ñim Natamnaxala' ye Israel le'ecpi da yaqto' qomi' nmatchiyiñi da qomi' ỹalaua't!»

1 Samuel 1:6

Ỹoqo'oye asom Peniná, maye lasaxaua, ỹataqta saq ỹaxanapec, qataq ỹe'eetac ivitta'a da inogoqchet, cha'aye Ñim Nataxala' saq ỹanem da lco'oxoc asomaye.

Génesis 20:7

Qalaxaye nagui aña'añi 'alo 'avi'eguelaxatem qome ñi lhua, cha'aye ñimaye na'aqtaxanaxanec, qaq 'am nqouagaxaueelec qome da yaqto' 'anca'alec. Qalaxaye qom saishet da 'avi'eguelaxatem ñimaye, nache 'am 'aleu qome, qocañi' na 'aralamaxatpi.»

Génesis 16:2

Nache aso Saraí, 'enapego' so lhua Abram, 'eeta': «Ñaq 'aula'a da Ñim Nataxala', saishet da aỹem ỹanem ca ỹalec, qalaxaye 'am ñachoxonnot da qoue'eguet qome añi ilata Agar, shapegueto' ishet da huo'o ca ỹalec da chegoqchigui añimaye.» Nache so Abram, ỹaỹamaxareeta da la'aqtac aso Saraí,