Génesis 20:17 - La'aqtaqa Ñim Lo'onatac 'Enauacna 2013

¹⁷ Qaq huaña, nache so Abraham nqouagaxaunot Ñim Lo'onatac 'Enauacna, nache Ñimaye qaltaq no'oita naqa'en so Abimelec, qataq aso lhua. Qataq nataqa'en nataren 'enauac aso l-latapi da yaqto' ishet da huo'o ca llalec.

Génesis 20:17 Referans Kwoze

Santiago 5:16

Qaq ỹoqo'oye ñi 'oonolec da qoñiita da'aqtaxanem ca lỹa ca lasouaxashet, qataq ñi 'oonolec nqouagaxaueetalec ca lỹa, yaqto' Ñim Lo'onatac 'Enauacna qami' natare'n. Da nqouagaxaunaxac ca no'on shiỹaxaua ỹataqta huo'o da la'añaxac, cha'aye Ñim Lo'onatac 'Enauacna ỹataqta hua'axaỹa.

Filipenses 4:6

Qataq saishet da huo'o ca qami' ỹaquicoqchetta'ape, nacherata da ỹataqta qaua'aqtaxañiitem Ñim Lo'onatac 'Enauacna da ivita da qanqouagaxauñiitacot. Qauỹaxañiỹot Ñimaye cam qaviñiitaique, qataq nataqa'en qaỹa'añiitacot da qana'achecỹaxaqui.

1 Ts 5:25

Qami' qarqaỹa't, nataqa'en qomi' qanqouagaxauñiitaleguete.

Mateo 7:7

Qauỹaxañiỹot Ñim Lo'onatac 'Enauacna, qaq Ñimaye qami' ỹanema ca qauỹaxañiỹaique; qautaqỹapegue' Ñimaye, yaqto' qauanachiỹa ca qanmichiitaique; qataq qauaxañiỹa't naua qarhuaxayilli', yaqto' qami' ilo'ogueta.

Isaías 45:11

Ñim Nataxala', maye Qui'itta Natamnaxala' na Israel le'ecpi, ñim ỹo'ot co'ollaxa namayepi, 'eeta': ¿Ishet peta'a da aỹem qaunacheeto'ot ca 'eetec da taỹa'ague nam ỹalaqpi, huo'otaq da Aỹem qauapaxaguiñic ca sheetec da so'ot nam ỹo'onatacpi?.

Proverbios 15:8

Ñim Nataxala' saisheteguet aca lachetaqtaxanaqte na qauemaicpi, qalaxaye ỹamaateguet da natamnaxac na no'on da lataxac.

Esdras 6:10

Cha'aye sauotaique da camayepi qom ỹavigaxat ca lachetaqtaxanaxat nache ỹataqta ỹaỹamaxareeta Ñim Lo'onatac 'Enauacna maye neto'ot na piguem, qataq da nqouagaxaueelec da ñachaalataxac qataq na ỹalaqpi.

Génesis 29:31

Qaq Ñim Nataxala' co'ollaq ila'a da so Jacob saishet da ỹauotec aso Lea, nache Ñimaye ỹo'ot da asomaye huo'oi soua llalqa, qaq aso Raquel qalaq ỹanem da saishet da deco'o.

Génesis 20:7

Qalaxaye nagui aña'añi 'alo 'avi'eguelaxatem qome ñi lhua, cha'aye ñimaye na'aqtaxanaxanec, qaq 'am nqouagaxaueelec qome da yaqto' 'anca'alec. Qalaxaye qom saishet da 'avi'eguelaxatem ñimaye, nache 'am 'aleu qome, qocañi' na 'aralamaxatpi.»

Hechos 3:24

Cha'aye 'enauac som hua'au na'aqtaxanaxanecpi, chegoqchiguiña so Samuel qataq anac so laỹepi, nache 'enauac qaỹa'axatta'agueta ne'enaua na'axa'te maye souaqtaiguilo.

Proverbios 15:29

Ñim Nataxala' qaỹoqtaique naqa'en na qauemaicpi, qalaxaye hua'axaỹa da natamnaxac ca no'on da lataxac.

Números 12:13

Nache so Moisés nachoxonnot Ñim Nataxala', 'eeta': «'Am Ỹataxala', 'Am ñachoxonnot da 'anataren aramaye nagui.»

Números 21:7

Nache somayepi nqo'oneua'a co'ollaxa so Moisés nache, 'eeta': ¡Qomi' huo'o da qarasouaxashet souaxat da qolaqtapeguelec Ñim Nataxala', qataq 'am! ¡Qaq no'on da 'anachoxonnot qome Ñim Nataxala' da yaqto' qomi' ca'aisalo naqa'en na na'araxanaqpi! Nache so Moisés nachoxonnot co'ollaxa Ñim Nataxala'.

Da na'aqtaguec so Job 42:8

Qaq qauacoñiiua'alo qome caua siete huaca llalqa, qataq caua siete qagueta lhuaraiqa, nache qanqo'oñiỹa qome ñi ỹamaxashec Job, yaqto' qaỹa'añiiuo da nachetaqtaxanaqte qaỹavigaxatta, qaq ñi ỹamaxashec Job, qami' natameeleguete qome. Nache aỹem saconeguet qome ca nqouagaxaunaxac ñimaye nache saishet da huo'o ca qami' shena'aque, souaxat da saishet da qaua'axache da ỹaỹamaqchiguiñi ỹataxac, cha'aye qami' saishet da qoñiita'am ñi ỹamaxashec Job.»

Génesis 12:17

Qalaxaye nataqa'en souaxat aso Saraí, nache Ñim Nataxala' ỹauo'o da nhuaxanaguec so faraón qataq so llalaqpi, irolec so lta'araic napaxa.