Génesis 20:11 - La'aqtaqa Ñim Lo'onatac 'Enauacna 2013

¹¹ Nache so Abraham ỹasateguet somaye, 'eeta': «Aỹem sepettega da ne'ena nma' da qaica ca 'enec qanqa'en Ñim Lo'onatac 'Enauacna, qataq da aỹem qaỹalauat souaxat añi ihua.

Génesis 20:11 Referans Kwoze

Proverbios 16:6

Da qaỹapalaxat ca nasouaxashet qalaq qaỹauota'a da nauotaxanaqtaic qataq da 'eesa lataxac. Qataq da huo'o naq 'enec qanqa'en Ñim Nataxala', nache ỹo'ot da qanayeca'ai na qauem.

Proverbios 2:5

Qaq huaña qome nache 'auaỹaten da 'eetec da huo'o naq 'enec qanqa'en Ñim Nataxala', ¡qataq 'auaỹaten da 'eetec da nauattonaguec Ñim Lo'onatac 'Enauacna!

Nehemías 5:15

Qaq so nta'alpi maye hua'aulec co'ollaxa da ilotague' somayepi, ỹataqta qalota nataqa'en aso isheeten se'eso nalamaxat nhuo' le'ecpi, cha'aye ye 'oonolec na'a'q, nache ỹataqta iỹaxaataua'a na nallec, lataxa nache añi lasheue ivi' aso cuarenta lcatpiole plata. Nataqa'en so ltauapi somayepi ỹataqta ỹoqolavin so shiỹaxauapi. Aỹem, qalaxaye saishet da sheetec de'era, cha'aye souaxat da sauotec qataq huo'o naq 'enec ñaqa'en Ñim Lo'onatac 'Enauacna.

Génesis 26:7

Qaq som netaña yi'iye 'alhua, co'ollaq inat somaye da denataxaateguec aso Rebeca, nache so Isaac, huo'o da lcolanaxa da ỹa'axat da lhua asomaye, nache da'aqtaxanem somayepi, da 'eetega lqaỹa asomaye. Qaq aso Rebeca ye ỹataqta 'onaxai, qaq nachera da huo'omshe so Isaac, lhuennataxac co'ollaxa da som ỹalleppi maye lma' yi'iye 'alhua, ishet da ỹalauat souaxat asomaye.

Génesis 12:12

ỹoqo'oye na Egipto le'ecpi qom 'am ila'a, nache ishet da 'enapec: ‹¿Ara'ara 'alo peta'a lhua de'era ỹale?› Qaq huaña qome, nache aỹem qaỹalauat, qaq 'am, qalaq 'am qanca'alaxattauec da yaqto' 'ano'ona'aguet namayepi.

Da na'aqtaguec so Job 28:28

Nache Ñimaye 'enapego' na shiỹaxauapi, 'eeta': ‹Da huo'o naq 'enec qanqa'en Ñim Nataxala', nachera da ỹoqta 'eesa naỹaanec›, qataq da qanayeca'ai na qauemsat, ‹nachera da ỹo'ot da qaica ca qanqalaate'.›»

Génesis 42:18

Qaq so na'a'q tres, nache 'enapegalo' soomaye, 'eeta': «Aỹem huo'o da icolanaxa Ñim Lo'onatac 'Enauacna. Qaq ỹoqo'oye no'on da qauo'oche da ỹa'aqtac yaqto' qarca'alleeuec:

Génesis 22:12

Nache so namaxashec piguem le'ec, 'enapega somaye, 'eeta': «Saishet qome da huo'o ca qona'ac na nogotolec, cha'aye mashe saỹaten da 'am ỹataqta huo'o naq 'enec 'anqa'en Ñim Lo'onatac 'Enauacna, cha'aye qaica ca 'ectega da aỹem 'aỹa'anot na 'oonolec 'aỹa'alec.»

Romanos 3:18

qataq saishet da huo'o ca 'enec naqa'en Ñim Lo'onatac 'Enauacna.»

Proverbios 8:13

Da huo'o naq 'enec qanqa'en Ñim Nataxala' qalaq nachera da ỹo'ot da qaỹaỹemec na qauem. Aỹem saỹemec da 'amqaanaxac qataq apagaqaanaxac, qataq da qauem nataxac qataq na qauema na'aqtaqa.

Proverbios 1:7

Da naỹaanec, damaye chegoqchigui da huo'o naq 'enec qanqa'en Ñim Nataxala', cam qaica ca ỹaỹaana'a qalaq ỹo'otan da naỹaanec qataq da napaxaguenataxanaxac.

Salmos 14:4

Qaica ca laỹaanataxanaxac na ỹo'ottac na qauem, nam chectac na ỹalamaxatpi, 'eeta'am naqa'en da chec ca nallec, nam saishet da nqouagaxaueetega da le'enaxat Ñim Nataxala'.

Da na'aqtaguec so Job 1:1

Qaq ye 'alhua maye le'enaxat Uz, nache naña so ỹale le'enaxat Job, somaye no'on da lataxac, qataq qaica ca ỹasouaxat, qataq ỹataqta ỹalaxaguet Ñim Lo'onatac 'Enauacna, qataq ỹataqta saishet da huo'otaq huo'o ca ỹo'otec ca sa ỹaỹamaxañi.

Génesis 20:10

Qaq nataqa'en so Abimelec 'enapega co'ollaxa so Abraham, 'eeta': ¿Negue't cam tatapigui ye 'arhuel co'ollaq 'auo'ot de'era?

Génesis 20:12

Qalaxaye 'eesa da añimaye maiche ỹaqaỹa, añimaye llale so ita'a, qalaxaye saishet da llale aso ỹate'e. Ỹoqo'oye ishet da saroneguet añimaye.