Génesis 20:1 - La'aqtaqa Ñim Lo'onatac 'Enauacna 2013

¹ Qaq so Abraham ca'ai co'ollaxa ye netaña, nache nqo'ona ye 'alhua le'enaxat Néguev. Qaq nache naña ye huaqta'a't nỹecpi ye Gerar, maye vichiguinguilo yeua Cades qataq Shur.

Génesis 20:1 Referans Kwoze

Génesis 26:6

Qaq huaña nache so Isaac, naña co'ollaxa ye Gerar,

Génesis 26:1

Qaq se'eso na'a'q, huo'o so lta'araic nqouaxa, 'enauac se'eso 'alhua, qaq 'eeta'am so nqouaxa som na'a'q co'ollaq ñaq nca'altauec so Abraham. Ỹoqo'oye so Isaac, taỹa ye Gerar, yem netaña so Abimelec, maye nta'a ye Filistea.

Salmos 29:8

Da lavilỹaxac Ñim Nataxala' ỹataqta ỹacholaxan naqa'en ye toolec 'alhua. Ñim Nataxala' ỹataqta cholaxan naqa'en ye toolec 'alhua ye Cades.

Génesis 18:1

Ñim Nataxala' nachaxana so Abraham co'ollaq huaña yem lma' ana qo'oipaqpi le'enaxat encina maye lma' so Mamre. Qaq so Abraham co'ollaq nso'ootañi netaña so lasom so lpe'l, se'eso na'a'q laiñi,

1 Samuel 15:7

Nache so Saúl qataq so nalleppi iloquiaxan co'ollaxa som amaleciitapi, nache ỹachegoxotchiguiña ye Javilá da icaatac, nache iviraxatta'a so ñegueuo ye Shur, maye loga't ye 'alhua Egipto, huaña nache nauec somayepi,

Deuteronómio 32:51

Qaq 'era da 'eetec qome, cha'aye qami' ỹauaachiguilo co'ollaxa 'enauac na Israel le'ecpi, co'ollaq qoviita'a ye huaña na npaxaatasheguem 'etaxat ye Meribá Cadés, yem toolec 'alhua ye Sin, co'ollaq qaica ca 'enec qanqa'eñi Aỹem.

Deuteronómio 1:19

«Nache salaxasoxoguet da lamaxasoxonaxac Ñim Nataxala' maye Qanatamnaxala', nache qolqa'ai ye Horeb da ñeqo'onaxa aye qasoxonaxapi maye huaigui ye na'alhua na amorreopi. Nache sa'axasoxonaxalec ye ỹataqta qalochiguiñi toolec 'alhua, maye mashe qauauañiỹa qataq seviraqta'a ye Cadés Barnea.

Números 20:16

qaq huaña, nache qomi' seỹaxanaqot Ñim Nataxala', nache Ñimaye hua'axaỹa so qarỹaxanaxac, nache namaq so nale piguem le'ec da qomi' nqateeguesopa ye Egipto. Qaq nagui sonaqtaña na Cades, nam loga't na 'ana'alhua.

Números 13:26

nache soomaye ỹe'eguelaxara ye Cades, yem toolec 'alhua ye Parán. Yem hueta'a so Moisés, Aarón qataq 'enauac so Israel le'ecpi. Nache da'aqtaxaarem somayepi 'enauac da lauanaqchec co'ollaxa soomaye, qataq qaỹachaxan aso ala ana nañiguishe yi'iye 'alhua.

Génesis 26:26

Qaq huo'o so na'a'q nache so Abimelec chegoqchiguiña ye Gerar da nqo'ona so Isaac da detaxaỹapegue'. Qaq nnaictague' so nauochaxaua le'enaxat Ajuzat qataq Ficol som lataxala' so nalleppi somaye.

Génesis 26:20

Qalaxaye so qagueta lo'opi, maye hueta'a so ca'amegue ye Gerar, delogui' co'ollaxa som qagueta lo'opi, maye ilotague' aso qaguetapi maye lalopi so Isaac, cha'aye somayepi 'eetega da maiche lalamaxat se'eso 'etaxat. Qaq ỹoqo'oye so Isaac ỹanagui asa'aso ñi'illoxoqui da le'enaxat «Loquiaqa'», cha'aye huaña da qailoctapigui asomaye.

Génesis 24:62

Qaq so Isaac, maye netaña ye 'alhua le'enaxat Néguev, somaye mashe ñe'eguelaxauo co'ollaxa, chegaqaama aso nshere maye le'enaxat: «Ñim nca'altauec, qataq aỹem ila'a.»

Génesis 13:1

Qaq so Abram ca'ai ye Egipto, da nqo'ona ye Néguev, nache lỹatec aso lhua, qataq 'enauac so lalamaxatpi, qaq so lasoshec Lot nache ca'ateguelo soomaye.

Génesis 10:19

Qaq so na'alhua so cananeopi nquictauec, chegoqchiguiña ye Sidón, nache ivitta'a ye 'alhua Gerar qataq ye Gaza, qataq dataigue da pa'aigue ye Sodoma, Gomorra, Adma, qataq ye Zeboyin, nache ivira'a ye Lasa.

Génesis 16:14

Qaq nataqa'en aso mpaxaatasheguem na 'etaxat, ỹanagui da le'enaxat, «Nshere lalamaqte ñim nca'altauec, qataq aỹem ila'a.» Qaq asa'aso nshere ñechiguingui na laiñi yeua Cades qataq ye Bered.

Génesis 16:7

Qalaxaye som lamaxashec Ñim Nataxala', natenalec asomaye co'ollaq huaña so toolec 'alhua, hueta'a so loigue aso npaxaatasheguem na 'etaxat, maye naña na loigue so nqa'aic maye taỹa'a ye Shur.

Génesis 16:1

Qaq aso Saraí ye sareco'o, nache so lhua Abram qaica co'ollaxa ca llalaqpi, qalaxaye huo'o co'ollaxa aso l-lata Egipto lashe maye le'enaxat Agar.

Génesis 14:7

Qaq co'ollaq ñe'eguelaq so Quedorlaomer, qataq so nnaictague'pi somaye, nache nvira'a ye Enmispat, maye da lỹa le'enaxat Cades. Qaq huaña, nache loxonec 'enauac yem na'alhua so Amalec le'ecpi, qataq nataqa'en som amorreopi maye netaña co'ollaxa ye 'alhua Jasesón Tamar.

Génesis 12:9

Qaq ime co'ollaxa nache so Abram qaltaq jec, nqocheeta choche ivitta'a ye 'alhua Néguev.

Génesis 25:18

Qaq soua chegoxogueta somaye, qalaq nache naña yem 'alhua maye vichiguinguilo yeua Javilá qataq ye Shur, yem nalotta ye Egipto da qaỹachegaqa'a ye Asiria. Qaq nache neraña yemaye, na'aictaxa da so lqaỹañecpi saiuoonegueta soomaye.

Éxodo 15:22

Nache so Moisés ca'ai naqa'en so Israel le'ecpi aso Auaxai Togaxarai, nache somayepi nqo'ona ye toolec 'alhua Shur, nache ivi' soua tres na'axa'te da quetalec so toolec 'alhua, qalaq saishet da ỹanata ca 'etaxat.

Génesis 21:34

Qaq so Abraham, ỹataqta saqaỹoqteguelo co'ollaxa soua vi'iye, da netalec ye na'alhua na filisteopi.