Génesis 2:8 - La'aqtaqa Ñim Lo'onatac 'Enauacna 2013

⁸ Ime, nache Ñim Lo'onatac 'Enauacna maye Nataxala', ỹo'ot so nanqa' ana nañiguishe, huaigui naqa'en yem 'alhua Edén yem pa'aigue da nala' lliguisheguem. Ime, nache ỹanalec so shiỹaxaua maye lo'onatac.

Génesis 2:8 Referans Kwoze

Ezequiel 28:13

'Am qoueta'a co'ollaxa ye Edén, yem lanaxanaqa' Ñim Lo'onatac 'Enauacna, 'am llo'oxoraxat co'ollaxa na ỹotta'a't no'on coma'pi, na rubí, crisólito, jade, topacio, cornalina, jaspe, zafiro, granate qataq na esmeralda; ana 'ano'otaqtepi qataq ana 'arshetepi qalaq chegaqaigui na oro, maye qaiqataxaatai' so na'a'q co'ollaq 'am qaỹo'ot.

Génesis 3:24

Qaq co'ollaq ime da ỹo'orauec so shiỹaxaua, nache da pa'aigui da nala' lliguisheguem yem nanaxanaqa' maye huaigui ye Edén, ỹanaleguete soua huo'o da lca'alaqa' maye huo'oi naua laua't, qataq som ỹeelonec 'ettaigui maye coleetagui, da yaqto' saishet da huo'o ca ivireua'a aso qo'oipaq, maye chegaqaigui da nca'alaxa.

Génesis 13:10

Nache so Lot, ỹallelec co'ollaxa 'enauac so ca'amegue maye quetot na loigue so tala Jordán, qaq ila'a da ivira'a so nỹecpiolec ye Zoar, da se'eso ca'amegue ỹataqta qalota na 'etaxat, 'eeta'am da lyac ca no'on nanaxanaqa'. Qataq 'eeta'am ye 'alhua Egipto. Qaq 'era da 'eetec da lyac se'eso 'alhua, co'ollaq Ñim Nataxala' saxanaxa da ilaxachigui som huaqta'a't nỹecpi ye Sodoma qataq ye Gomorra.

Joel 2:3

Qaq nache 'eeta'am na norec da nlaguiñi naqa'en 'enauac nam huo'o, nache na ỹataqta chaxaguet le'eraxa ỹavigaxat da taỹa'ague, qataq nache 'eeta'am na le'eraxa da mashe ỹapacauec. Qaq qom saxanaxa da nvi', nache na 'alhua ỹataqta no'on, qalaxaye da ỹoxogue nache ana 'alhua 'eeta'am ca toolec 'alhua. ¡Qaq nache qaica qome ca ỹet!

Isaías 51:3

Aỹem sa'añaqchet qome ye Sión, yem huaqta'a't nỹecpi maye nlachiguiñi co'ollaxa. Yem toolec 'alhua maye deqaqta qalaq she'eguelaxata qome da no'on nanaxanaqa', 'eeta'am som lanaxanaqa' Ñim Nataxala' maye huaña ye Edén. Qaq yemaye qome huo'o da namaicỹaxac qataq da tonaxac, qataq hueta'a da no'onaxanaxac qataq da l-lamaxa ana nvique.

2 Reyes 19:12

Qaq ¿ne'ena atamnaxala'pi peta'a isheto' co'ollaxa da nca'alaxatec som ỹotta'a't shiỹaxauapi, maye nlaxaañi co'ollaxa so ita'alpi, yem: Gozán, Jarán, Resef, qataq so shiỹaxauapi maye Bet Edén le'ecpi maye netaña ye Telasar?

Génesis 4:16

Nache so Caín jec da ca'ai yem huaña da na'aqtaxaatague' Ñim Nataxala', nache nqo'ona da nalec ye 'alhua maye le'enaxat Nod, maye pa'aỹa'ague da nala' lliguisheguem ye Edén.

Ezequiel 31:16

Qaq qom so'ot da taña yem hueta'a na leuaxaicpi da yaqto' ỹalecta'aguet ñaqa'en nam mashe ileupi, nache da l-lamaxa qom huañi, cholaxan naqa'en 'enauac na ỹotta'a't shiỹaxauapi. Qaq qom hueta'a yem pa'aguiñi na 'alhua, nache nomteguet da la'añaxac ana qo'oipaqpi maye huaña ye Edén, qataq anam ỹataqta 'onaxai qataq qaicottalec qo'oipaqpi maye huetalec añi qasoxonaxa Líbano.

Ezequiel 31:18

Qaca co'ollaxa aca qo'oipaq ye Edén da ishet da qanaloqneguet da lyacỹaxac qataq da lalogaxa asomaye, qalaxaye nataqa'en l-llañe' qome ana laỹepi qo'oipaqpi maye naña ye Edén da taña na pa'aguiñi ana 'alhua, da yaqto' ỹalecta'aguet nam ỹaqa'a da la'amqaanataxanaxac, qataq som shiỹaxauapi maye ileuaigui co'ollaxa so alaataxac. Qaq asa'aso qo'oipaq, nacheñi ñi faraón qataq 'enauac na shiỹaxauapi maye ilotague'. Qaq 'era da ỹa'aqtac Aỹem Nataxala'.»

Ezequiel 27:23

Qataq 'am nmeetague' naxa ye Arán, Cane, Edén, qataq na nmenaxaicpi ye Sabá, Asiria qataq 'enauac ye Media,

Génesis 3:23

Qaq ỹoqo'oye Ñim Lo'onatac 'Enauacna maye Nataxala', ỹo'orauec so shiỹaxaua, ca'ai naqa'en so nanaxanaqa' maye huaigui ye 'alhua Edén, nache ỹamaxalec da ỹo'ot na 'alhua, maye maiche chegaqaigui co'ollaxa.