Génesis 2:7 - La'aqtaqa Ñim Lo'onatac 'Enauacna 2013

⁷ Qaq huaña nache Ñim Nataxala', ỹo'ot so shiỹaxaua ỹachegoxotaigui na 'alhua. Ime, nache iquichichiguilo naua nmic lauaco, qataq ỹanem da lca'alaxa. Nache so shiỹaxaua huo'o da lca'alaxa.

Génesis 2:7 Referans Kwoze

1 Corintios 15:45

Qaq ỹoqo'oye ana nere maye huetalec na la'aqtacpi Ñim Lo'onatac 'Enauacna 'eeta': «So hua'auchiguiñi ỹale, le'enaxat Adán, nacheso so la'auaxanec da huo'o da lca'alaxa.» Qalaxaye So Cristo som pa'atec Adán, nacheso som saqcha'a maye ishet da ỹan da nca'alaxa.

Da na'aqtaguec so Job 33:4

Ñim Lo'onatac 'Enauacna maye Qaica ca Ỹaqalanapec aỹem lo'onatac, qataq naua la'a'che Ñimaye, ỹo'ot da ica'alaxa.

Eclesiastés 12:7

Cha'aye qom ime de'era, nache nam lsoche na 'alhua, ỹe'eguelaxaigui ana 'alhua, 'eeta'am da 'eetec co'ollaxa, qaq som saqcha'a nca'alaxa ỹe'egueloqot Ñim Lo'onatac 'Enauacna, maye ỹan co'ollaxa.

Isaías 64:8

Qalaxaye 'am Nataxala', nache 'am maye 'Am qarta'a, qomi' qalaq shenaqta'am ca nshaxa, qaq 'Am qalaq nache 'Am maye 'auo'ot da qarataxac, qaq 'enauac da shenaqta, qomi' lo'onataqa naua 'arhuaxaye.

Hechos 17:25

Qataq saishet da iuen ca ltaunaxanaxac ca choche shiỹaxaua. Cha'aye Ñimaye nacheñi Ñim chegoqo'ot 'enauac da qarca'alaxa, qataq naua qara'a'che, qataq 'enauac nam ishet da iuen ca shiỹaxaua.

1 Corintios 15:47

So hua'auchiguiñi shiỹaxaua, qaỹachegoxotaigui ana 'alhua. Qalaxaye so pa'atec shiỹaxaua, Somaye chegoqo'ot na piguem.

Génesis 3:19

Qataq ỹataqta 'anchelchaqchiguiñi qome da 'auo'onataxaatac, da yaqto' 'auachiguiñi ca qollec, choche ivitta'a da 'avi'eguelaxaigui ana 'alhua, maye 'auachegaqaigui co'ollaq 'am qaỹo'ot, cha'aye 'am 'alhua lsoche, qaq nam 'alhua lsoche 'apactoigui qome.»

Da na'aqtaguec so Job 27:3

qaq da ñaq ñeca'altauec, qataq da ñaq ñauecta'ape naua ỹa'a'che,

Génesis 7:22

Qaq ileu co'ollaxa 'enauac so huetalec ana 'alhua som huo'o da lca'alaxa, qataq som huo'oi naua la'a'che.

Zacarías 12:1

Qaq 'era da la'aqtac Ñim Nataxala', da ỹa'axata'a da 'eetec qome nam Israel. Ñim Nataxala' maye ỹo'ot co'ollaxa na piguem, qataq ỹo'ot ana 'alhua, qataq ỹanem da lca'alaxa ca shiỹaxaua, da la'aqtac 'eeta':

Salmos 103:14

cha'aye Ñimaye ỹaỹateeta da qarataxac, ỹaỹateeta da sachegoxosoxoigui ana 'alhua.

Salmos 100:3

Qauauattoñiita da Ñim Nataxala' nacheñi Ñim Lo'onatac 'Enauacna, Ñimaye qomi' lo'onataqa qataq qomi' lalamaqa'ate, qomi' maye nhuo' le'ecpi, qomi' lalamaxatpi Ñimaye, shenaqta'am aca lalo qaguetapi da hueta'a ca lquia'axanataxanaqa' Ñimaye.

Romanos 9:20

nache aỹem ishet da sasateguet camaye sheeta': «'Am ñauochaxaua, ¿negue't 'am da qonetega sa ỹaỹamaxaayiñi naua lhuennataxaco Ñim Lo'onatac 'Enauacna?» Aca taxaqui maye no'oxona 'alhua, saishet da quetapeguelec cam ỹo'oxon souaxat da lataxac acamaye.

Isaías 2:22

Qaỹa'axañiiñi qome da qaua'amaqchiñiitac cam shiỹaxaua maye qaica ca naigui, cha'aye da nachaalataxac cam shiỹaxaua 'eeta'am da 'oonolec da qanaue'c naua na'a'che.

Génesis 3:23

Qaq ỹoqo'oye Ñim Lo'onatac 'Enauacna maye Nataxala', ỹo'orauec so shiỹaxaua, ca'ai naqa'en so nanaxanaqa' maye huaigui ye 'alhua Edén, nache ỹamaxalec da ỹo'ot na 'alhua, maye maiche chegaqaigui co'ollaxa.

Hebreos 12:9

Co'ollaq ñaq qomi' nogotolqa, nache soua yo'oqchiguilo qarta'al qomi' ỹapaxagueeta'ape, qaq qomi' nache huo'o naq 'ene'c ñaqa'ena'q soomaye. Qalaq ta'ainectoxo' da saq ỹactec da salaxasoxoguet Ñim Lo'onatac 'Enauacna maye Qarta'a maye neta'ague da piguem, cha'aye da nache shenaqtec de'era, nache huo'o ca qarca'alaxa chochaq tatec.

Números 16:22

Qalaxaye soomaye ỹa'alyiñi naua l-llectel, nache iviraxata'agueta naua lata'pi na 'alhua, nache 'ena'apo': 'Am Nataxala' maye 'Am Natamnaxala' 'enauac na shiỹaxauapi, ¿Peta'a 'aualemataỹa 'enauac ne'ena shiỹaxauapi maye laỹoota'a't, ye 'oonolec som huo'o da lasouaxashet?

Proverbios 20:27

So saqcha'a lca'alaxa ca shiỹaxaua maye chegoqo'ot Ñim Lo'onatac 'Enauacna nacheso so ỹataqta nmi't naua saqcha'alo lhuennataxaco camaye.

Da na'aqtaguec so Job 33:6

Cha'aye 'am qataq aỹem, nache shenaqta'a't da souaqto'ot Ñim Lo'onatac 'Enauacna, aỹem nataqa'en aỹem qaỹachegoxotaigui na 'alhua co'ollaq aỹem qaỹo'ot.

2 Corintios 5:1

Qaq ỹoqo'oye qomi' saỹaanaq da huo'otaq nlaguiñi de'era qaro'ocỹaxac, maye 'eeta'am ca nỹec maye saq 'eetai', qalaxaye Ñim Lo'onatac 'Enauacna sogote da iqataxaatai' ca qarma' da piguem maye qaica ca loga't. Camaye saishet da choche shiỹaxaua ca lo'onatac.

2 Corintios 4:7

Co'ollaq Ñim Lo'onatac 'Enauacna qomi' ỹanema da no'on na'axaỹaxac, nache ỹachagui de'era nsallaxa asom qaica ca la'añaxac no'oxona 'alhuole. Yaqto' da sa'axataqtac da no'on na'axaỹaxac, nache na shiỹaxauapi ỹaỹaten da de'era na'añaxac chegoqo'ot Ñim Lo'onatac 'Enauacna, qaq saishet da nache qomi' maye shenaqta'am acatai' 'alhuole maye qaica ca la'añaxac.

Juan 20:22

Nache Somaye iquetetoiguilo soomaye so la'at, nache 'enapegalo, 'eeta': –Qauacoñiiguet qome na Saqcha'a Na'añaxac Qui'itta.

Da na'aqtaguec so Job 4:19

¡Qaq taloxoche saq 'ena'amo' ca choche shiỹaxaua, maye netaigui ca nỹec 'alhuolec maye na'attalec na 'alhua maye sara'angui, nache ishet da qaipataxañi 'eeta'am catai' lalaxat ca nogoxot!

Números 27:16

'Am Nataxala', maye 'Am Natamnaxala' 'enauac na shiỹaxauapi, ñaq 'auauo'o qome ca lataxala' ne'ena nhuo' le'ecpi,

Eclesiastés 3:7

Huo'o ye laloqo' da huo'o na qaicolaxattac, qataq huo'o ye laloqo' da qantet namaye, huo'o ye laloqo' da ñe'emaxat ca shiỹaxaua, qataq huo'o ye laloqo' da detaqa ca shiỹaxaua.

1 Timoteo 2:13

Cha'aye Ñim Lo'onatac 'Enauacna hua'auchiguiñi co'ollaxa da ỹo'ot so Adán. Qaq co'ollaq ime, nache ỹo'ot aso Eva.

Génesis 2:6

Qaq nachaqnata na 'etaxat da chegoqtapoigui ana 'alhua, nache icottalec 'enauac ana 'alhua.

Lamentaciones 4:20

Qaq nataqa'en som lca'aguishec Ñim Nataxala' noxonec, som ỹa'añaqchettac co'ollaxa da qanachaalataxac, som nta'a maye setaxasoqtega naxa shenaqta': «Souaqto'ot qome na lpaqal da salegaqtaigui na ỹotta'a't shiỹaxauapi».

Ezequiel 37:5

Ñim Nataxala' qami' 'enapegalo, 'eeta': Qami' senoxonaqchetoiguilo qome ca nca'alaxa, da yaqto' ỹe'eguelaxa da qaltaq huo'o da qarca'alaqai.

Génesis 1:27

Nache Ñim Lo'onatac 'Enauacna ỹo'ot so shiỹaxaua, ỹe'enaxatchigui da maiche lataxac Ñimaye, ỹo'o't soua ỹale qataq aso 'alo.

Ezequiel 37:6

Qami' sanaguilo qome ana qaro'otaipi, qataq sanauo na qarapache, qataq sauo'o na qaro'oqui, qataq sauo'oi naua qara'achelli', yaqto' ishet da qaltaq huo'o da qarca'alaqai. Qaq huaña qome nache qami' qauaỹacheñi da Aỹem nachaỹem Nataxala'.»