Génesis 2:5 - La'aqtaqa Ñim Lo'onatac 'Enauacna 2013

⁵ nache saxanaxa co'ollaxa da huo'o aca ñaxat ana qo'oipaq qataq na 'auaqpi, cha'aye Ñim Nataxala' saxanaxa da ỹauo'o ca auot da yaqto' talec ana 'alhua, qataq saxanaqca ca ishet da do'onataxaalec.

Génesis 2:5 Referans Kwoze

Génesis 3:23

Qaq ỹoqo'oye Ñim Lo'onatac 'Enauacna maye Nataxala', ỹo'orauec so shiỹaxaua, ca'ai naqa'en so nanaxanaqa' maye huaigui ye 'alhua Edén, nache ỹamaxalec da ỹo'ot na 'alhua, maye maiche chegaqaigui co'ollaxa.

Hebreos 6:7

Qaq de'era, na shiỹaxauapi 'eeta'am ca 'alhua. Nam ỹa'amaqteetac So Cristo 'eeta'am ca 'alhua maye taleguete naua lta'araiqa auo'oche, ime, nache huo'o da no'on alaỹaxac na lañiguishec cam danaxaatac. Qaq Ñim Lo'onatac 'Enauacna ỹaalec da nqouagaxa.

Da na'aqtaguec so Job 5:10

Ñimaye namaxa ana 'alhua ca auot, qataq ca 'etaxat, icorelec 'enauac na no'onaxa,

Génesis 4:12

Qaq na'aictoxo' da 'auo'onataxaalec na 'alhua, qalaxaye qaica qome ca ala ca 'añiguishec. Qataq chochaq tatec qome da 'aucoleeteguelec ana 'alhua, nache saishet da 'anmatec.»

Génesis 4:2

Qaq ime co'ollaxa, nache qaltaq huo'o so lỹa llalec, le'enaxat Abel, som lqaỹa so Caín. Qaq so Abel, ỹataqta nalemaqteguet co'ollaxa da ilotague' ana qaguetapi, qaq so Caín, qalaq nalemaqteguet da ỹo'ottac na 'alhua.

Jeremías 14:22

¿Qaq peta'a huo'o ne'ena saq 'en atamnaxala'pi ca ishet da ỹo'ot da huo'o na auot? Qataq ¿peta'a ishet na piguem da maichena da namaq aca auot? ¡'A'i saishet, 'Am Nataxala' qataq Qanatamnaxala'! 'Am maye ishet da 'anamaq namaye, 'Am maye 'auo'ot 'enauac nam huo'opi, ¡Qaq ỹoqo'oye qomi', 'Am seuataqta'aguet!

Salmos 135:7

Qataq naỹoxoosheguem naqa'en na lo'oc, chegoqchiguiñalo naqa'en naua loga'te ana 'alhua, qataq ỹo'ot na nqashelgaxa maye ỹa'axata'aguet ca auot, qataq chegoqchiguiñalo naua laponaqa'ate da naỹoxoosheguem naqa'en na la'at.

Salmos 104:14

Qataq ñaxat 'anqa'en na 'auaqpi da yaqto' aloq na shiguiỹacpi, qataq acam nañiguishe maye ỹaañi ca shiỹaxaua, da yaqto' huo'o ca aloq ỹachegoxotaigui ana 'alhua,

Mateo 5:45

Yaqto' qauachaxañi da qarataxaqui da qoñiita'am Ñim Qarta'ai maye Lo'onatac 'Enauacna maye neta'ague da piguem. Ñimaye nnoxoosheguem naqa'en añi nala' da icoỹarelec nam qauem da lataxac qataq na no'on da lataxac, qataq da ivita da namaq na auot, qalaq talec naqa'en nam ỹalaxaguet Ñimaye qataq nataqa'en nam saishet da ỹalaq.

Génesis 2:6

Qaq nachaqnata na 'etaxat da chegoqtapoigui ana 'alhua, nache icottalec 'enauac ana 'alhua.

Jeremías 10:12

Ñim Nataxala', irolec da la'añaxac co'ollaq ỹo'ot ana 'alhua, qataq irolec da laỹaanec co'ollaq ỹaỹamaxaañi ana 'alhua, qataq irolec da laỹaanec co'ollaq ilagaxaañi na piguem.

Jeremías 10:13

Da detaqa Ñimaye nache laỹona't na 'etaxat na piguem, qataq chegoqchiguiña naqa'en naua loga'te ana 'alhua da naỹoxoosheguem naqa'en na lo'oc na piguem qataq qashelecteguiñi naqa'en na le'eraxa na auot qataq na la'at chegoqchiguiña naqa'en cam laỹonaqa'.