Génesis 2:25 - La'aqtaqa Ñim Lo'onatac 'Enauacna 2013

²⁵ Qaq so ỹale qataq aso 'alo, soomaye huetrauec co'ollaxa, qalaxaye soomaye saishet da ncoqta'ape.

Génesis 2:25 Referans Kwoze

Génesis 3:7

Qaq huaña, nache soomaye ne'ettrec naua la'ai'te, qataq ntoue'n, nache ilora'a da huetrauec. Qaq huaña nache ỹo'o't aso higo laue da ỹauo'o lo'ola't.

Romanos 10:11

Cha'aye naua ñiyigui'she maye nanettalec ana nere maye huetalec na la'aqtacpi Ñimaye 'eeta': «Ñim Lo'onatac 'Enauacna saishet da ỹo'ot la'aloxo nam ỹa'amaqten Ñimaye.»

Joel 2:26

Qaq nache qaviyeeta'a da ỹataqta qami' comaraxaiqa, huaña, nache qavio'oxoreñi da le'enaxat Ñim Nataxala' maye Qanatamnaxala'ai, maye qami' ỹo'oteque nam ỹataqta lta'araic maye ỹo'ot da na'aalaxa. Huaña nache ne'ena ỹalamaxat nhuo' le'ecpi, saishet qome da huo'o ca na'aloxootaique.

Jeremías 17:13

'Am Nataxala', nache 'am da 'am hueto'ot da naquitaxac na Israel le'ecpi. Qaq 'enauac qome nam 'am ca'ai huo'o da la'agaxa. 'Enauac qome nam 'am ca'ai, namayepi deqat qome 'eeta'am ca nerec maye qoỹettalec ca namoxoỹaxa, souaxat da 'am ỹalat, 'Am maye qoneta'am ca atom mpa'axaatasheguem 'etaxat.

Isaías 47:3

yaqto' qaimeten da 'aro'ocỹaxac maye huetauec, aja', ỹataqta imauec qome da qaỹauaachigui da 'aro'ocỹaxac qom qouetauec, cha'aye Aỹem sepalaique ivi', nache qaica ca sechoxoreetac.

Lucas 9:26

Da huo'o ca Aỹem ncoxolec qataq da ỹapaxaguenataxanaxac, nache Aỹem Shiỹaxaua Llalec nataqa'en ñecoxolec camaye, qom ivita da ñe'eguelaq da ñanactaigui da ỹa'añaxac qataq da la'añaxac Ñi Ita'a qataq nam qui'itta lamaxashecpi.

Ezequiel 16:61

Qaq qom 'am sanem da 'eeta'am aca 'aỹa'ale aso 'arqaỹa ỹe, qataq aso 'arqaỹa na'asa, qaq na'aictaxa da som qanaỹamaxataxac saishet da Aỹem ỹamaqtalec da so'oteque de'era soomaye, qaq huaña qome nache tachigui 'arhuel som hua'au 'arataxac, nache huo'o da 'ara'agaxa.

Isaías 54:4

Qaq saishet da 'añi'i cha'aye saishet qome da 'am qaỹe'eetac saishet qome da 'am qaisheueetac qataq saishet da huo'o ca 'ancoqtaique. Nacherata da 'acoua'ai da 'arcoxo maye huaigui so 'annogotshec qataq saishet da 'auennatega da 'ane'enaguec co'ollaq 'am pa'ai.

Salmos 25:3

Qataq saishet qome da 'auo'ot ca la'aloxo na ỹataqta 'am pe'etega, Nacherata da 'auo'ot da la'aloxo na choche chegoqchiiya' da 'am dataỹa'aguet.

Éxodo 32:25

Nache so Moisés co'ollaq ila'a da se'eso Israel le'ecpi qaica ca 'eco' ỹaueca'aguet, cha'aye so Aarón sa ỹaỹaten co'ollaxa da ilo'ogue somayepi. Nataqa'en tachigui lauel da huo'o qome da le'enaxanaxac so npa'aguenaxauapi se'eso nhuo' le'ecpi.

Marcos 8:38

Da qaualliquiitaigui ne'ena shiỹaxauapi maye 'etaxaloxoicpi qataq saishet da ỹaconeguet Ñim Lo'onatac 'Enauacna, nache saishet da Aỹem qaua'aquiiteguelec qataq naua ỹa'aqtaqa. Qaq da Aỹem qaua'aquiilec, nache nataqa'en Aỹem Shiỹaxaua Llalec qami' sa'agueleguete qom ñe'eguelaq da ñanactaigui da la'añaxac Ñim Ita'a qataq na lamaxashecpi.»

Jeremías 6:15

¡Qaq iuen taxa da huo'o da la'agaxa da ỹo'ottac nam qauem maye seqaiga! Qalaxaye namayepi qaica ca la'aloxo qaq ỹoqo'oye qom sauo'o ca nhuaxanaguec namayepi nache huañi qome, 'eeta'am na laỹepi shiỹaxauapi. Qaq 'era da ỹa'aqtac Aỹem Nataxala'.»

Isaías 44:9

Nam ỹo'ottac na lqolacpi namayepi qaica ca naigui, qataq qaica ca naigui nam ỹo'ottac nqolacpi maye ỹataqta lauotaxat. Qaq nam natameetacot nam nqolacpi, namayepi sanauaañi, qataq qaica ca laỹaanataxanaxac, qaq ỹoqo'oye namayepi taỹa'a da ne'enaguec.

Salmos 31:17

'Am Nataxala', saishet qome da 'aua'aqta'a da qaỹo'ot ca ỹa'aloxo, nacherata da 'auo'ot ca la'aloxo na qauemaicpi, nache ỹe'emaqtom 'anqa'en da huetangui aca huachiqui.