Génesis 2:18 - La'aqtaqa Ñim Lo'onatac 'Enauacna 2013

¹⁸ Qaq ime nache Ñim Lo'onatac 'Enauacna maye Nataxala' 'enapeco': «Sa ỹaỹamaxañi da 'oonolec da shiỹaxaua. Aỹem so'ot qome ca ntaunaxaua.»

Génesis 2:18 Referans Kwoze

1 Pedro 3:7

Qaq nache 'eetec nataqa'en qami' ỹalleppi maye mashe qauaroñi, ñi 'oonolec ỹataqta naỹateete' qataq ichoxoren aca lhua, qataq qauaỹachiñiita da saishet da 'eeta'am da qara'añaxaqui acamaye. Cha'aye nataqa'en acamaye Ñim Lo'onatac 'Enauacna ỹachaxanapeguem da nca'alaxa maye chochaq tatec. Qaq qami' da nache qoñiitec de'era, nache Ñim Lo'onatac 'Enauacna hua'axaỹa da qanqouagaxaunaxaqui.

Proverbios 18:22

Ca ỹanata aca lhua qalaq ỹanata da lamaicỹaxac, qataq ỹaconeguet da lqouagaxanaqtaic Ñim Lo'onatac 'Enauacna.

Génesis 3:12

Nache so ỹale ỹasat, 'eeta': «Ara 'alo maye aỹem 'aỹa'anem da ñauegaxaua, aramaye aỹem ỹanem aso ala ara'ara qo'oipaq, nache aỹem sachec.»

Rut 3:1

Qaq huo'o so na'a'q, nache aso Noemí 'enapego' aso Rut, 'eeta': 'Am ỹalole, aỹem iuen da ñemitaique ca 'arhua, yaqto' ỹo'ot da 'auamachiguiñi.

1 Corintios 7:36

Qalaxaye da huo'o ca ỹale da huo'o aca na'aqtaxaatague' da huotaique da lhua, qaq camaye da ila'a da ỹaỹamaqchiguiñi da huaroneguet acamaye cha'aye mashe ivi' ye llaxa da ishet da ỹo'ot de'era, qaq no'on da huarona't, cha'aye de'era saishet da qauem da ỹauaachigui Ñim Lo'onatac 'Enauacna.

Génesis 1:31

Qaq co'ollaq imat Ñimaye 'enauac na lo'onatacpi, nache ila'a da ỹataqta ỹaỹamaqchiguiñi. Qaq nvi' so pe, ime qataq anac so yo'oxoñi, qaq 'era da 'eetec so na'a'q seis.

Génesis 2:20

Nache so shiỹaxaua ỹauo'o na le'enaxat 'enauac na shiguiỹacpi maye huauec qataq na maỹopi maye huaỹotac, qataq 'enauac na shiguiỹacpi maye ishet da nlopi, qalaxaye namayepi qaica ca taiguet da ntaunaxaua somaye.