Génesis 2:17 - La'aqtaqa Ñim Lo'onatac 'Enauacna 2013

¹⁷ qalaxaye nacharata ara qo'oipaq maye chegaqaigui da qaỹauatton ca no'on, qataq ca qauem, saishet qome da qollec ana ala aramaye, cha'aye qom qollec nache 'aleu.»

Génesis 2:17 Referans Kwoze

Romanos 6:23

Cha'aye cam nachaqrata da ỹo'ottac da ñe'etaxaloxo, nache camaye ỹaconeguet ca nhuaxanaguec, qaq damaye nachera da nleuaxa. Qalaxaye Ñim Lo'onatac 'Enauacna qomi' ỹanema da qanme da nca'alaxa maye chochaq tatec chegoqchigui So Cristo Jesús maye Qarataxala'.

Santiago 1:15

Qaq nam qauem qarqopitaxanaqtaicpi, nachena nam qomi' ỹaueca'alo da so'otaq ca qarasouaxashet. Qataq da nachaqrata da souaqtaigui da so'otaqtac da qauem, nache 'oonolec dam qomi' iuatta'agueta, qaq damaye nachera da nleuaxa maye chochaq tatec.

Génesis 3:19

Qataq ỹataqta 'anchelchaqchiguiñi qome da 'auo'onataxaatac, da yaqto' 'auachiguiñi ca qollec, choche ivitta'a da 'avi'eguelaxaigui ana 'alhua, maye 'auachegaqaigui co'ollaq 'am qaỹo'ot, cha'aye 'am 'alhua lsoche, qaq nam 'alhua lsoche 'apactoigui qome.»

Apocalipsis 21:8

Qalaxaye nam colanqaicpi, qataq nam saq pi'iỹa'a Aỹem, qataq nam ỹo'ot nam qauem maye sa saỹamaxaren qataq nam ỹalauat ca lỹa qataq nam huetapeeguet aca sa lhua maye saq qaỹashen da qaỹo'ot, qataq nam napaxagueetega da naconaxanaxac qataq nam ỹo'oxoreetac nam qanatameetacotpi maye saq 'en, qataq nam tenataxanaxaicpi, 'enauac qome namayepi qaỹasaxangui ca lta'araic norec maye huaña da ỹavictaigui na quiquiaxaraic. Huaña, nache chochaq tatec da saishet da nauane' Ñim Lo'onatac 'Enauacna.»

Colosenses 2:13

Cha'aye qami' co'ollaxa soua ỹoxoguelo vi'iye, qalaq 'eeta'am da qami' leuaxaiqa, souaxat na qarasouaxashechi, nache saishet da qaualliquiitaigui na lalamaxatpi Ñim Lo'onatac 'Enauacna. Qalaxaye nagui Ñimaye qarca'alaxauai naqa'en So Cristo, qataq ỹapalaxat 'enauac na qarasouaxashechi.

1 Timoteo 5:6

Qalaxaye aca pa'ai da nañaneguet da sa ntel-la't, nache quegue da lqopitaxanaqtaic, nache acamaye 'eeso'oye da ña nca'altauec, qalaxaye mashe 'eco' da ileu.

Gálatas 3:10

Qaq ỹoqo'oye huetalec da lta'araic lchec nam huotaique da ỹachegoxotchigui da ỹalaxalec na namaxasoxonaxacpi da huotaique da ỹaỹamaxareeta Ñim Lo'onatac 'Enauacna, cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna, 'eeta': «Ỹataqta qauem qome ca talec nam saishet da ỹalaxalec na namaxasoxonaxacpi.»

1 Corintios 15:22

Qaq 'enauac na shiỹaxauapi ileu 'eeta'am da l-leuaxa so Adán, qaq nache 'eetec nataqa'en da chegoqchigui So Cristo da ishet da 'enauac da ỹe'eguelaxalec da nca'alec na shiỹaxauapi.

1 Juan 5:16

Da huo'otaq huo'o ca ỹauaachigui ca la'amqaanataxanaxaua da huo'o ca ỹo'ot lasouaxashet maye saishet da taỹa'a naqa'en da nleuaxa, qaq no'on da nqouagaxaueetalec camaye da yaqto' Ñim Lo'onatac 'Enauacna ỹami' ca lca'alaxa. Qalaxaye nache qoỹeetec de'era da qaỹaỹaten da ca nasouaxashet saishet da taỹa'a da nleuaxa. Cha'aye huo'o na nasouaxashetpi da dauegaqtaxana da nleuaxa. Qaq aỹem ñeshetaique da qami' shenapegalo da saishet da qanqouagaxauñiilec cam ỹo'ot de'era.

1 Corintios 15:56

Da nleuaxa do'ogoxona da ñe'etaxaloxo da qomi' ique'emaqche't, qaq da ñe'etaxaloxo huo'o da la'añaxac souaxat da do'ogoxona na namaxasoxonaxacpi maye chegoqo'ot so Moisés.

Romanos 1:32

Namayepi ỹaỹateeta da Ñim Lo'onatac 'Enauacna la'aqtac da cam ỹo'ottac ne'enapi, nache taỹa'a da l-leuaxa. Qalaxaye namayepi saishet da nachaqrata da ỹo'ottac damaye, nachaqrata da nataqa'en ntooteguec cam lỹa shiỹaxaua maye ỹo'ot nataqa'en de'era.

Ezequiel 18:32

ye Aỹem sa saỹamaxaren da huo'o ca ileu? Ña qoquiỹa'ai qome da qauem nache qanca'alleeuec. Qaq 'era da ỹa'aqtac Aỹem Nataxala'.

Génesis 3:17

Qataq 'enapega so ỹale, 'eeta': «Qaq souaxat da 'aualaxaguet ara 'arhua, da qollec aso ala ara qo'oipaq maye sheetega co'ollaxa da saishet da qollec, nache nagui ana 'alhua talec qome da qauem, souaxat 'am. Qataq ỹataqta huo'o qome da 'anque'eenaxac da 'auo'onataxan, da yaqto' 'auachiguiñi ca qollec, 'enauaque naua na'axa'te da 'anachaalataxac.

Génesis 3:11

Nache Ñim Lo'onatac 'Enauacna inat 'eeta': «¿Negue't ca 'am da'aqtaxanem da qouetauec? ¿Qollec peta'a ana ala ara qo'oipaq maye 'am shenapega co'ollaxa da sa qollec?»

Efesios 5:14

Qaq ỹoqo'oye huo'o so deraxan co'ollaxa 'eeta': «'Am maye 'auo'ocheta, ña 'anlouec; qoñisheguem, qoca'ai nam leuaxaicpi, cha'aye So Cristo 'am icoỹarelec.»

Romanos 6:16

Qami' qauaỹachiñiita da ca nache 'eetai' da ỹalaqtapeeguet ca lỹa shiỹaxaua, nache ivira'a da l-latac camaye. Qaq nache 'eeteque qomi' seshetaq da salaxasoxoguet da ñe'etaxaloxo, nache seviraqa'a da seleuaq. Qaq da huo'otaq salaxasoxoguet Ñim Lo'onatac 'Enauacna, nache qomi' ỹaỹamaxareete' qataq saconaxaguet da lchoxonnataxanaxa.

Ezequiel 33:8

Qaq da huo'otaq ñasaxauec ca ỹa'aqtac da sauo'o ca nhuaxanaguec ca qauemaic, qaq 'am da saishet da qonapega camaye da naralaxat da lataxac, nache camaye ileu qome souaxat ca lasouaxashet, qalaxaye Aỹem 'am ñemaxalec qome da l-leuaxa camaye.

Ezequiel 18:4

Cha'aye Aỹem ỹalamaxat 'enauac na shiỹaxauapi, na nta'alpi qataq na ñalaqpi. Qaq cam huo'o ca lasouaxashet qalaq ileu qome.

Apocalipsis 20:14

Ime, nache so nleuaxa qataq da lo'onataxanaxac somaye qaỹasaxayingui so lta'araic norec. Qaq nam tangui se'eso lta'araic norec, nache chochaq tatec da sa nauane' Ñim Lo'onatac 'Enauacna.

Romanos 8:2

Qaq nagui da mashe ña'araqtaua'a Somaye, nache So Saqcha'a Na'añaxac Qui'itta, qomi' ilotegueto qataq qomi' ỹanema da qarca'alaxa qataq qomi' isoueeguesopa da ñe'etaxaloxo qataq da nleuaxa.

Apocalipsis 2:11

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem nam lqalaiguesat, qataq nache queto'ot da lpi'iỹaxac Aỹem, nache Ñim Lo'onatac 'Enauacna saishet da ỹalat namayepi.›»

Ezequiel 33:14

Qaq da saneguet ca l-leuaxa cam qauemaic, qaq camaye da ỹaxaañi cam qauem, nache ỹo'ot cam ỹaỹamaqchiguiñi qataq cam nalochiguiñi lataxac,

Deuteronómio 30:19

Qaq nagui ỹauaachigui ñaqa'en na piguem qataq ana 'alhua da qami' sanema da qalca'aiua'a da nca'alaxa huo'otaq da nleuaxa, da no'on huo'otaq da qauem. Qaq no'on qome da qalca'aiua'a da nca'alaxa, yaqto' qanca'alliitauec qome, qataq ca qami' chegoxogueta,

Deuteronómio 30:15

Qaq nagui qami' sanema da qalca'aiua'a da achaalataxac qataq da no'on, huo'otaq da nleuaxa qataq da qauem.

Ezequiel 18:13

qataq nquigaxattec añi iỹaxanaique da qaisheeten aca na'aale alom, qaq que'eca ỹale saishet qome da nca'altauec. Qaq da ime da ỹo'ot 'enauac ne'ena lataxacpi maye Aỹem seqaiga, nache camaye ileu qome, qalaxaye da l-leuaxa camaye, chegoqchigui ca maiche lasouaxashet.

1 Reyes 2:42

Nache so nta'a Salomón, damaxasoneuga co'ollaxa so Simea, nache 'enapega, 'eeta': ¿Saisheto' peta'a da 'aỹa'anot ñaqa'en co'ollaxa so 'ara'aqtac Ñim Nataxala', qataq 'am saỹaanaxanaxanec co'ollaxa, da ca na'a'q da qoca'ai ye Jerusalén, nache 'aleu? Qaq 'am qonapec: ¡Aja', ỹaỹamaqchiguiñi da 'ara'aqtac, qaq aỹem salaxaguet qome damaye!

1 Samuel 14:39

¡Qalaxaye nagui san da ỹa'aqtac, hua'aqchigui Ñim Nataxala', maye lca'alaxaqui na Israel le'ecpi, da ca lasouaxashet de'era nache qaỹalauat, na'aictaxa da nacheso so ỹalec Jonatán! Qalaxaye 'enauac se'eso alleppi qaica ca ỹasateguet somaye.

Deuteronómio 27:26

Ỹataqta qauem qome ca talec nhuaxanaguec ca shiỹaxaua da qaica ca 'enec naqa'en ne'ena nqataxacpi, qataq saishet da ỹo'ot. Nache 'enauac qome na nhuo' le'ecpi, 'eeta': Aja', nache 'eetec.

Números 26:65

cha'aye nache la'aqtac co'ollaxa Ñim Nataxala' da ileuaña somayepi ye toolec 'alhua. Qaq ndotec so Caleb, som llalec so Yefune qataq so Josué, som llalec so Nun da no'oirañi.

Génesis 20:7

Qalaxaye nagui aña'añi 'alo 'avi'eguelaxatem qome ñi lhua, cha'aye ñimaye na'aqtaxanaxanec, qaq 'am nqouagaxaueelec qome da yaqto' 'anca'alec. Qalaxaye qom saishet da 'avi'eguelaxatem ñimaye, nache 'am 'aleu qome, qocañi' na 'aralamaxatpi.»

Génesis 2:9

Ime, nache ñaxaalec naqa'en 'enauac ana ỹotta'a't no'on qo'oipaq, anam huo'o ana ala maye ishet da qanallec. Qaq na laiñi som nanqa' ana nañiguishepi, qalaq ỹanangui aso qo'oipaq maye chegaqaigui da nca'alaxa, qataq aso qo'oipaq maye chegaqaigui da qaỹauatton da no'on qataq da qauem.

Jeremías 26:8

Qaq somaye co'ollaq ime da ỹa'axat dam ỹamaxalec Ñim Nataxala', nache so ntaxaỹaxanaxanecpi qataq so na'aqtaxanaxanecpi qataq 'enauac so nhuo' le'ecpi, ỹaconeua'a somaye nache 'enapega, 'eeta': «¡'Am 'aleu qome!

1 Samuel 22:16

Qalaxaye so nta'a 'enapeco': ¡Ỹataqta 'auaỹateeta 'am Ajimélec, da 'am qataq 'enauac na 'arhuo' le'ecpi qaullivi qome!

1 Samuel 20:31

Cha'aye qom ña nca'altauec so David, nache 'am saishet qome da 'avira'a da 'am nta'a. ¡Qaq ỹoqo'oye nagui 'auamaxasoxona camaye da aỹem qanauegueua'a, cha'aye camaye ỹoqta 'itchiguiñi da ileu qanqa'en!

1 Samuel 14:44

Nache so Saúl, 'enapeco': ¡Ñim Lo'onatac 'Enauacna ỹataqta lta'araic qome naqa'en ca ñeuaxanaguec qom saishet da 'aleu 'am Jonatán!

1 Reyes 2:37

cha'aye ca na'a'q da qojec, da 'aua'axasoxoolec so la'auaxac ye Cedrón, nache 'auaỹateeta da 'aleu, qaq 'am maiche 'anasouaxaala't qome.

Jueces 3:2

Qaq ỹoqo'oye Ñim Nataxala' nache 'ena'ac co'ollaxa de'era da yaqto' nam dalaxaic Israel le'ecpi, maye sa ỹauaneua'a co'ollaxa so hua'au loquiaxac, nagui ishet da ỹaỹaten da deloqui.