Génesis 2:14 - La'aqtaqa Ñim Lo'onatac 'Enauacna 2013

¹⁴ Qataq so lỹa tala qalaq le'enaxat Tigris, maye nacheso som connegue da nala' lliguisheguem yem 'alhua maye le'enaxat Asiria, qaq so lỹa tala qalaq nacheso so le'enaxat Éufrates.

Génesis 2:14 Referans Kwoze

Daniel 10:4

Qaq so na'a'q veinticuatro, so la'auaxanec ca'agoxoic se'eso vi'i, nache aỹem sooto'ot na loigue so lta'araic tala Tigris,

Génesis 15:18

Qaq nache huetoigui se'eso na'a'q da Ñim Nataxala', naỹamaxate' so Abram, nache 'enapega, 'eeta': «Ne'ena 'alhua sanem qome ca 'am chegoxoguetpi, chegoqchiguiña ye tala ye Egipto, nache ivira'a so tala lta'araic Éufrates.

Apocalipsis 9:14

Qaq se'eso na'aqtac 'enapega se'eso namaxashec piguem le'ec maye ỹashettapigui aso lasheere, 'eeta': «'Asore'c qome ñeua cuatro namaxa'she piguem lashe' maye qaicoñettai'salo, huetra'a ye loigue aso tala late'erai le'enaxat Éufrates.»

Deuteronómio 11:24

Nache 'enauac da qaralamaxache qome ye 'alhuapi maye qauapiilec. Qaq naua loga'te ye qana'alhuai chegoqchiguiña qome ye toolec 'alhua nache ivitta'a ye Líbano, qataq chegoqchiguiña ye tala Éufrates, nache ivitta'a aso auaxai Mediterráneo.

Deuteronómio 1:7

Qaq ỹoqo'oye qoqui qome, qanqo'oñiỹa aye qasoxonaxapi maye lalamaqte na amorreopi, qataq na lauoreua 'alhuapi ye Arabá, qasoxonaxapi, qataq ye nalochiguiñi 'alhua ye Néguev, qataq naua loiguiye aso auaxai, qataq ye na'alhua na cananeopi qataq ye Líbano, nache ivitta'a ye lta'araic tala Éufrates.

Génesis 25:18

Qaq soua chegoxogueta somaye, qalaq nache naña yem 'alhua maye vichiguinguilo yeua Javilá qataq ye Shur, yem nalotta ye Egipto da qaỹachegaqa'a ye Asiria. Qaq nache neraña yemaye, na'aictaxa da so lqaỹañecpi saiuoonegueta soomaye.

Génesis 10:22

Qaq soua llalqa so Sem: Elam, Asur, Arfaxad, Lud, qataq so Aram.

Génesis 10:11

Qaq nache chegoqchiguiña co'ollaxa yi'iye 'alhua da nqo'ona ye Asiria. Qaq nache huaña yemaye da no'oxoosheguem so Nínive, Rejobot, Calaj,

Génesis 2:13

Qaq so lỹa tala qalaq le'enaxat Guihón, qaq nacheso so imata da coleesop ye 'alhua maye le'enaxat Cus.

Génesis 2:15

Qaq Ñim Nataxala', co'ollaq mashe ỹanalec so shiỹaxaua yem nanaxanaqa' maye huaña ye Edén da yaqto' do'onataxaalec qataq ilo'ogue,

Ezequiel 23:23

nam Babilonia le'ecpi, Caldea le'ecpi, Pecot le'ecpi, Soa le'ecpi, Coa le'ecpi qataq 'enauac na Asiria le'ecpi, qaq namayepi 'enauac nsoxoppiolec maye ỹataqta 'onaxaicpi, nataxala'pi, nta'alpi, qataq na lataxala' na alleppi, qataq na alaataxacpi, qaq 'enauac namayepi da netalec na caipi.