Génesis 2:10 - La'aqtaqa Ñim Lo'onatac 'Enauacna 2013

¹⁰ Qaq so 'alhua maye le'enaxat Edén chegoqchiguiña so tala, qaq somaye cuatro soua la'auaxaco, nache ipettalec so nanqa' ana nañiguishe.

Génesis 2:10 Referans Kwoze

Apocalipsis 22:1

Ime, nache so namaxashec piguem le'ec aỹem ỹachaxana so tala maye chegoqtapoigui da nca'alaxa chochaq tatec. Se'eso tala chegoqteua'a aso nso'onaxaqui Ñim Lo'onatac 'Enauacna qataq Ñim Qagueta Llalec, somaye ỹataqta chauec, 'eeta'am na 'etaxat da ỹataqta qui'itta.

Salmos 46:4

Na la'auaxac so tala ỹataqta machiguiñi naqa'en ye huaqta'a't nỹecpi maye lalamaxat Ñim Lo'onatac 'Enauacna, yem ỹataqta qui'itta lanataqa' Ñim Nataỹaña 'enauacna.

Génesis 13:10

Nache so Lot, ỹallelec co'ollaxa 'enauac so ca'amegue maye quetot na loigue so tala Jordán, qaq ila'a da ivira'a so nỹecpiolec ye Zoar, da se'eso ca'amegue ỹataqta qalota na 'etaxat, 'eeta'am da lyac ca no'on nanaxanaqa'. Qataq 'eeta'am ye 'alhua Egipto. Qaq 'era da 'eetec da lyac se'eso 'alhua, co'ollaq Ñim Nataxala' saxanaxa da ilaxachigui som huaqta'a't nỹecpi ye Sodoma qataq ye Gomorra.