Biblia Todo Logo
Bib sou entènèt

- Piblisite -




Génesis 19:9 - La'aqtaqa Ñim Lo'onatac 'Enauacna 2013

9 Qalaxaye somayepi 'enapeco': «¡Ñaq qoca'ai ne'ena! Maye isheto' peta'a da ca chegaqauec maye 'eeta'am 'am, da qomi' ỹama'q. Qaq nagui qalaq ỹactec da saishet da 'am seyacnaqapec, nache saishet da qoneta'ama ñeqa'ena'q caamaye.» Nache somayepi saỹaỹaloxon da sa icherapec so Lot, nache nquigueua'a so lasom da yaqto' ỹamaxañi,

Gade chapit la Kopi




Génesis 19:9
21 Referans Kwoze  

Nache se'eso hebreo le'ec 'enapeco': «¿Negue't ca 'am ỹanagui da 'am qarataxala' qataq da qomi' 'anmi't? ¿Qalqo' 'auauotaique da aỹem 'aualauat da 'eeta'am 'anqa'en so 'aualauat co'ollaxa Egipto le'ec?» Qaq co'ollaq hua'axaỹa de'era so Moisés, nache ỹataqta huo'o da lcolanaxa, cha'aye tachigui lauel da mashe ya'aqlec da l-leuaxa se'eso lalaatac Egipto le'ec.


Qaq so Abram, nache no'onalec co'ollaxa ye 'alhua Canaán, qaq so Lot qalaq nqo'ona da yaqto' naña, som huaqta'a't nỹecpi maye nangui so ca'amegue, som sa qaỹapeque so huaqta'a't nỹecpi ye Sodoma


Saishet qome da qaỹa'añim na pioxoppi cam lalamaxat Ñim Lo'onatac 'Enauacna. Qataq saishet da qauasaqaiua'a aca cos late'epi ca 'otaxat maye no'on. Cha'aye saishet da huo'o ca 'oonolec caamaye da huo'o ca naigui naqa'en camaye, nachaqrata da petapigui, qataq ishet da ivira'a da qami' ina'c.


¡Qamaq iuen taxa da huo'o da la'agaxa da ỹo'ot de'era maye sa sesheteguet! ¡Qalaxaye namayepi qaica ca la'agaxa! Ỹoqo'oye qom sauo'o ca nhuaxanaguec, nache depoxolaxaañi qataq huañi, 'eeta'am so laỹepi. Qaq 'era da ỹa'aqtac Aỹem Nataxala'.


¡Qaq iuen taxa da huo'o da la'agaxa da ỹo'ottac nam qauem maye seqaiga! Qalaxaye namayepi qaica ca la'aloxo qaq ỹoqo'oye qom sauo'o ca nhuaxanaguec namayepi nache huañi qome, 'eeta'am na laỹepi shiỹaxauapi. Qaq 'era da ỹa'aqtac Aỹem Nataxala'.»


Ỹoqo'oye qaỹaloqta da huo'o ca auot qataq qaica ca auot ye nauoxo. 'Am qoneta'am da lataxac aca quisheguetaxai, ¡Qamaq ishet taxa da huo'o da 'arcoxo!


Nache 'enapec naxa: «Nache qoueta'acna saishet qome da aỹem 'anquigueua'a, cha'aye aỹem ỹataqta aỹem qui'itta nache saishet da aỹem 'apottegueua'a.» Ne'ena shiỹaxauapi 'eeta'am ca norec maye imauec ye na'a'q da 'ettaigui, nache ỹataqta aỹem saỹalemaxat, 'eeta'am ca lmala'q da taiguilo naua imic lauaco.


Cha'aye da da'aqtaxan, qalaq nda'a't da ỹa'axattac da 'oopashec, qaq nache ivitta'a da ỹataqta qaica ca naiguilo naua la'aqtaqa.


Qaq huo'o dam ỹactec da qauem maye huetaigui 'enauac nam qaỹo'otpi ana'ana 'alhua: da 'enauac 'eeta'a't da 'oonolec ye taỹa'a loga't. Qataq dam lquiyaqteỹaxac ca shiỹaxaua nlaqchigui na qauem, qataq dam 'oopashaxac nache huetaigui ye lhuennataxa 'enauaque naua na'axa'te da nachaalataxac, qaq da ivita ye loga't, nache tauga ye huetaña na leuaxaicpi.


Na coma'pi qataq na lsoche namaye ỹataqta qapa'atta, qalaxaye ỹactec da qapa'atta da lalemataic ca qaica ca ỹaỹaanapec.


Ỹataqta huo'o naq naigui da qanatena'aguet aca potai maye denotegueleguete caua llalqa, qaq saq 'ena'am ca qaica ca ỹaỹaanapec maye ỹo'ottac da no'oopashaxac.


Ca ỹaanaxanaxaic ñi'iỹa'aguet ca qauem qataq ca'ai camaye, qaq ca qaica ca ỹaỹaanapec qalaq qaica ca huotaique.


Qalaxaye ñim 'arhua, ye ỹataqta qauem da lataxac, qataq saishet da qaitaxaỹot, qaq 'onaxaic qome da 'auo'ot ca 'auataxaateuga de'era, cha'aye so David mashe lhuennataxa da iloquiaxan ñim qana'aco' qataq 'enauac na lauo' le'ecpi.


Qataq 'enapego', 'eeta': ¡Ña 'auanaicna'a, yaqto' sami' da chec na 'arapat na maỹopi piguem le'ecpi, qataq nam huauec shiguiỹacpi!


nache 'eeta': «Namayepi maiche nhuo' le'ecpi, qataq 'eeta'a't naua la'aqtaqa, ỹoqo'oye ỹacoolec de'era no'onataxanaxac, qaq nagui, nache qaica ca nqanaxat qome de'era ỹacoolec da ỹo'ot.


Qaq naxa ñim shiỹaxaua da 'enapec: «Ña 'auata'a da ỹavic na lcheta, cha'aye nachera da lataxac qanqa'en. Ime, nache maiche 'oiqueetac qome ca 'auaconeua'a,» nache so namaxashec, 'eeta': «¡'A'i, nache aỹem 'aỹa'anem nagui! Qaq qom saishet da aỹem 'aỹa'anem, nache seuotaxanec qome.»


Qaq 'ena nam lasouaxashetpi co'ollaxa aso 'arqaỹa Sodoma, asomaye qataq nam salamai' nỹecpiolec maye coleesop, huo'o co'ollaxa da ño'oxonnaxac souaxat da saqoue na aloq, qataq souaxat da huetaigui da qaica ca iuen, qalaxaye saỹauano' da itauan ca choxoraq qataq ca deuenaxaatac.


Swiv nou:

Piblisite


Piblisite