Génesis 19:35 - La'aqtaqa Ñim Lo'onatac 'Enauacna 2013

³⁵ Qaq nacheso se'eso pe, da qaltaq nỹomaxa'n so lta'a', nache aso na'asa lauañi' somaye, qalaxaye so Lot nataqa'en sa nanoma asomaye co'ollaq nnaañi, qataq co'ollaq ñisheguem asomaye.

Génesis 19:35 Referans Kwoze

1 Pedro 4:7

Mashe nayeeta'a ye loga't 'enauacna. Qaq ỹoqo'oye ỹataqta qanloitec, qataq ỹataqta sa qauasaguiyi da qanqouagaxauñiitac.

Lucas 21:34

Qalaxaye maxatchaxa, saishet da qaumiiguet da qauennacheetega da qauo'oche ca qarquia'axaqui qataq da qaumiiguet da qartaqai, qataq saishet da qaumachiỹalec nam chochaqna, yaqto' que'eca na'a'q saishet da qami' ique'elaxa't,

Eclesiastés 7:26

Qataq huo'o da selalec maye ỹataqta huo'o da lqui'ic, damaye ỹataqta napacalec da nleuaxa, qaq 'eeta': aca 'alo da do'ogoxona da lquiyaqteỹaxac da lapaxañi aca lqoina, qataq naua lhuaxaye da nsoxouo ca loxonec. Qaq cam ỹalaxaguet Ñim Lo'onatac 'Enauacna nache saishet da loxonec acamaye, qalaxaye cam 'etaxaloxoic nache ishet da taigui ca laleguec acamaye.

Proverbios 24:16

cha'aye na'aictaxa da siete da huañi ca no'on da lataxac, qalaxaye nache 'ena'am ishet da qaltaq ñisheguem, qaq nam qauemaicpi qalaxaye nache taỹañicra da lachoxoyec.

Salmos 8:4

nache aỹem sheeta': «¿Negue'to' ca naigui ca shiỹaxaua da 'auennatega? ¿Qataq cam shiỹaxaua llalec da sa 'aucoua'ai?»

Génesis 19:34

Qaq so lỹa na'a'q, nache aso ỹe, qaltaq 'enapega aso na'asa, 'eeta': «So pe aỹem ỹauatañi' ñi qarta'a. Qaq ỹoqo'oye ne'ena pe, qaltaq setaqchetaq qome, yaqto' 'arauañi' ñimaye, yaqto' 'enauaque qomi' da huo'oi caua qochalqa chegoqchiguilo ñimaye.»

Génesis 19:36

Qaq 'era da 'eetec soua dos llalel so Lot, da hualaxail co'ollaxa, deualaxaigueta so lta'a'.