Génesis 19:31 - La'aqtaqa Ñim Lo'onatac 'Enauacna 2013

³¹ Qaq huo'o so na'a'q, nache aso llale ỹe, 'enapego' aso lqaỹa na'asa, 'eeta': «Ñi qarta'a mashe ỹa'axaiqui, qaq ne'ena 'alhua, qaica ca 'oonolec ỹale da qomi' huaronegueta, da yaqto' ipacchigui da maiche lataxac naxa 'enauac na shiỹaxauapi,

Génesis 19:31 Referans Kwoze

Deuteronómio 25:5

Da huo'oi caua nqaỹa't da netraigui ca 'oonolec lma't, qaq da huo'otaq ileu ca 'oonolec caamaye, qaq aca lhua que'eca ileu da ñaq saxanaqca ca llalec, nache aca'aca 'alo maye pa'ai saishet qome da ỹaqa'a ca huaroneguet. Cha'aye que'eca lqaỹa so lhua maye ileu, nacheca qome ca huaroneguet acamaye, yaqto' ipacchigui da lataxac da qaỹaroneguet ca ño'oxoua.

Isaías 4:1

Que'eca na'a'q saq 'amaqtaq qome ca no'onañi ỹalleppi, qaq caua siete 'alol deloctrapigui qome ca 'oonolec ỹale, nache caamaye 'enapega qome camaye, 'eeta': «Qomi' maiche souaqapegue' qome da qarquia'axac, qataq maiche souaqapegue' da qano'otaxac, qaq nacherata qome da qomi' 'aỹa'anema da 'are'enaxat, nache qomi' 'ausoueeguesopa da qarcoxo.»

Génesis 16:4

Nache so Abram hue'eguet co'ollaxa aso Agar, nache asomaye hualaxai. Qalaxaye co'ollaq nomla't asomaye da hualaxai, nache chegoqchiguiña da ỹe'eetac aso na'acoro.

Génesis 16:2

Nache aso Saraí, 'enapego' so lhua Abram, 'eeta': «Ñaq 'aula'a da Ñim Nataxala', saishet da aỹem ỹanem ca ỹalec, qalaxaye 'am ñachoxonnot da qoue'eguet qome añi ilata Agar, shapegueto' ishet da huo'o ca ỹalec da chegoqchigui añimaye.» Nache so Abram, ỹaỹamaxareeta da la'aqtac aso Saraí,

Génesis 6:4

Qaq huo'o co'ollaxa so logoraicpi shiỹaxauapi ana 'alhua, qataq co'ollaq so llalaqpi Ñim Lo'onatac 'Enauacna, huaroneguet aso llalpi so shiỹaxauapi, da yaqto' huo'o ca llalaqpi. Qaq somayepi nacheso som ỹataqta ỹo'oxoraicpi, qataq 'añaxaicpi soua hua'au' vi'iye.

Génesis 4:1

Qaq so ỹale hue'eguet co'ollaxa aso lhua Eva, nache asomaye hualaxai, nache huo'o so llalec le'enaxat Caín. Nache 'enapeco': «Mashe huo'o na ỹalec ỹale. Ñim Nataxala' aỹem ỹanem.»

Génesis 19:28

Nache ỹamata'ague da pa'aigue ye Sodoma qataq ye Gomorra, qataq 'enauac so ca'amegue, nache ila'a da 'enauac se'eso 'alhua nchetapiguisheguem na lmala'q, 'eeta'am aca nqatelaxanaxaqui.

Marcos 9:6

Cha'aye soua lapaxaguenataqa ỹataqta ñi'i' co'ollaxa, ỹoqo'oye so Pedro saỹaỹaten ca 'eetec ca naigui da nasaxauec.