Génesis 19:29 - La'aqtaqa Ñim Lo'onatac 'Enauacna 2013

²⁹ Qaq 'era da 'eetec, Ñim Lo'onatac 'Enauacna, co'ollaq ilaxachigui som huaqta'a't nỹecpi maye nangui so ca'amegue, som netaña co'ollaxa so Lot. Qalaxaye tachigui lauel co'ollaxa so Abraham, nache nqateeguesop so Lot, yem 'alhua maye taỹa'a da qanlaxaañi.

Génesis 19:29 Referans Kwoze

Deuteronómio 9:5

Cha'aye saishet da nacheca da ỹaỹamaqchiguiñi maye qauo'ochiitac ca huo'omshe qauacoñiỹa yi'iye na'alhua yemayepi, cha'aye Ñim Nataxala' ỹo'orauec qome yemayepi souaxat da qauem lataxac da yaqto' ipacchigui da ỹachaxanapecot co'ollaxa soua hua'au' qarta'alli', Abraham, Isaac qataq Jacob.

Génesis 8:1

Qaq huaña, nache Ñim Lo'onatac 'Enauacna tachigui lauel so Noé, qataq 'enauac so shiguiỹacpi maye nqotta'ai' somaye aso notaxaqui. Nache ỹo'ot da so la'at ỹasheerelec ana 'alhua, nache so 'etaxat nquiguiñi,

Salmos 25:7

Qataq saishet qome da 'auennatega na ỹasouaxashetpi, qataq na qauemsat maye so'ot co'ollaq ñaq aỹem nsoqolec, 'Am Nataxala', aỹem 'auennata'a qome, souaxat da lta'araic 'arsoxoyec qataq 'arauotaxanaqtaic.

2 Pedro 2:7

Qalaxaye so Lot saishet da ỹavigaxat, cha'aye se'eso ỹale ỹataqta no'on da lataxac, qataq huo'o da nqui'ic da ilotagui na qauem maye ỹo'ottac se'eso shiỹaxauapi.

Oseas 11:8

'Am Efraín, ¿ca sheetectaxa da 'am sheca'ai? 'Am Israel, ¿ca sheetectaxa da 'am salat? ¿Isheto' peta'a da 'am selaxachigui da 'eeta'am so huaqta'a't nỹecpi ye Admá, huo'otaq da 'eeta'am da sheetec co'ollaxa so huaqta'a't nỹecpi ye Seboyin? ¡Da iquiyaqteỹaxac ỹataqta Aỹem iraxanapec, souaxat da ichoxonnataxanaxa da qoneta!

Salmos 145:20

Ñim Nataxala', ntela'a 'enauac nam ỹauotec Ñimaye, qalaxaye taỹa'a da nlaxaañi 'enauac na 'etaxaloxoicpi.

Salmos 136:23

Ñim saishet da qomi' icoua'aisalo na'aictaxa da qomi' qaỹachetraiya', cha'aye da lauotaxanaqtaic chochaq tatec.

Salmos 106:4

Ñaq aỹem 'auennata'a qome 'Am Nataxala', qom ivita da 'anqouaguec na 'aralamaxat nhuo' le'ecpi. Ñaq aỹem 'auennata'a qom ivita ca na'a'q da 'auca'alaqtaxan.

Salmos 105:42

Cha'aye Ñim Lo'onatac 'Enauacna saishet da icoua'ai som ỹan la'aqtac, maye ỹanem co'ollaxa so lamaxashec Abraham.

Nehemías 13:22

Nataqa'en shenapega so leviitapi da nqui'itaxatta, ime, nache naua'n soua laso'omi, yaqto' huo'o naq 'enec qanqa'en so na'a'q mataxaqui. Ime, nache ñatamen, sheeta': 'Am Ñatamnaxala', aỹem 'auennata'a qome souaxat da lta'araic 'arsoxoyec, qataq da 'archoxonnataxanaxa da sheeta.

Nehemías 13:14

Qaq co'ollaq ime, da so'ot de'era nache, sheeta': 'Am Ñatamnaxala', 'auennata'a qataq saishet qome da 'aucoua'ai na ỹaỹamaqchiguiñi maye so'otec añi atamnaxaqui maye 'aralamaqte, qataq da 'año'oxonnataguec.

Génesis 30:22

Qalaxaye Ñim Lo'onatac 'Enauacna, tachigui lauel aso Raquel, qaq hua'axaỹa so natamnaxac asomaye, nache ỹanem da lco'oxoc.

Génesis 12:2

Qaq sachegoxotchigui qome cam 'am chegoxoguetpi, da sauo'o ca qalota shiỹaxauapi, 'am sanem qome da ỹoqouagaxanaqtaic, qataq sauo'o qome ca 'ayo'oxoyec, qataq 'am chegoqchigui qome ca nchoxonnataguec na laỹepi shiỹaxauapi.

Salmos 105:8

Ñimaye saishet da icoua'ai da naỹamaxataxac, dam ỹan la'aqtac maye ỹamaxalec nam shiỹaxauapi qataq cam chegoxoguetpi.

Génesis 11:27

Qaq 'ana ana le'enaxat lmalate som chegoxoguetpi som Téraj, som lta'a so Abram, Najor qataq so Jarán. Qaq so Jarán, nacheso so lta'a so Lot.

Deuteronómio 7:8

Qaq Ñimaye qami' nqateeguesopa co'ollaxa ye Egipto, yem huaña da qami' nlataqa, irolec da ỹataqta lta'araic la'añaxac so lta'a na netaña yemaye, souaxat da qami' ỹauoteque, qataq da yaqto' ipaqueelec da ỹo'ot da la'aqtac maye ỹanem co'ollaxa so hua'au qarta'ailpi.

Deuteronómio 9:27

'Auennata'alo qome soua 'aramaxa'she Abraham, Isaac, qataq Jacob. Nache saishet qome da 'aulotagui da ỹataqta sa ỹalaq ne'ena shiỹaxauapi, qataq qauem da lataxac qataq souaxat na lasouaxashetpi,

Ezequiel 14:16

qaq da netraña taxa que'eca 'alhua se'esoua tres ỹale't, nache saishet taxa da nca'alec 'enauac ca llalaqpi ỹalleppi qataq aca llalpi, qaq nachesouate' taxa soomaye da nca'alde'c, nache que'eca 'alhua ỹe'eguelaxa da toolec. Qaq Aỹem Nataxala', maiche Aỹem da san da ỹa'aqtac.

Da na'aqtaguec so Job 35:8

Nam shiỹaxauapi maye qoneta'am, 'ena maye ishet da na'aqchet ca 'arasouaxashet, qataq nachena na ishet da no'onaxat ca no'on 'aro'onataxanaxac.