Génesis 19:21 - La'aqtaqa Ñim Lo'onatac 'Enauacna 2013

²¹ Qaq huaña nache so 'oonolec soomaye, 'enapeco': «Aja', aỹem sasateguet da so'ot de'era 'auỹaxaneua'a. Saishet qome da selaxachigui yi'iye huaqta'a't nỹecpi maye aỹem 'aua'axatteguem,

Génesis 19:21 Referans Kwoze

Salmos 145:19

Ñimaye ipacchigui naqa'en nam 'eetapeguecpi nam huo'o naq 'enec naqa'en Ñimaye, qataq hua'axaỹa da lỹaxanaxac namayepi nache nca'alaxatec.

Salmos 102:17

Qom ilo'oguet da natamnaxac nam qaica ca mpaxattalecpi, qataq saishet da sa hua'axaỹa da nachoxonnaxac namayepi.

Salmos 34:15

Ñim Nataxala' ntela'a na shiỹaxauapi maye no'on da lataxac, qataq hua'axaỹa na natamnaxacpi.

Hebreos 2:17

Qaq da yaqto' ishet da itauan, nache Somaye, iuen da ỹataqta 'eeta'am naqa'en da lataxac namayepi. Qaq ỹoqo'oye souaxat da chegoqchigui da 'eeta'am naqa'en da shenaqta, nache ivira'a da lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq ishet da qaipi'iỹa'a. Qaq Somaye ỹataqta nlaqchigui da lsoxoyec da do'onataxanot Ñim Lo'onatac 'Enauacna. Qaq 'era da 'eetec Somaye da ỹan da nachaalataxac da 'eeta'am aca nachetaqtaxanaqte yaqto' Ñim Lo'onatac 'Enauacna ỹapalaxat na qarasouaxashetpi.

Lucas 11:8

Qaq da que'eca lỹa da sa nañaxaañi da lỹaxanaxac, nache que'eca pa'atauo ỹami' ca iueetaique camaye. Qalaxaye damaye saishet da naigui da souaxat da auochaxaua, nachaqrata da yaqto' saishet da huo'o ca la'aloxo da ỹauaachigui na shiỹaxauapi.

Mateo 12:20

Qataq saishet da nquigaxatec da nque'eenaxac cam mashe nache 'eetai' da que'emaxaic, qataq saishet da iviraxata'a da ỹalauat, nam mashe ileetapigui'. Nachaqrata da ỹa'añaqchet nam mashe qaica ca la'añaxac qataq iviraxata'a da dauegaxan da 'eetapeguec Ñim Lo'onatac 'Enauacna.

Génesis 18:24

Qaq da huo'otaq huo'o ca cincuenta shiỹaxauapi maye qaica ca ỹasouaxat yi'iye huaqta'a't nỹecpi. Qaq ¿peta'a nache 'ena'am 'aulaxachigui qome yi'iye huaqta'a't nỹecpi, qaq saishet da 'auchoxoren souaxat que'eca cincuenta shiỹaxauapi?

Génesis 12:2

Qaq sachegoxotchigui qome cam 'am chegoxoguetpi, da sauo'o ca qalota shiỹaxauapi, 'am sanem qome da ỹoqouagaxanaqtaic, qataq sauo'o qome ca 'ayo'oxoyec, qataq 'am chegoqchigui qome ca nchoxonnataguec na laỹepi shiỹaxauapi.

Génesis 4:7

Da 'auo'ot taxa ca ỹaỹamaqchiguiñi, qaq ishet taxa da 'anamatasheguem. Qalaxaye ye saishet da 'auo'ot, nache dam nasouaxashet mashe naỹamaxattai' da 'am loxonec qome. Qamaq 'am maye ishet taxa da 'oxonec damaye.»

Jeremías 14:10

Ñim Nataxala', 'eeta' da la'aqtac da detaxaỹa na nhuo' Israel le'ecpi: «Ne'ena nhuo' le'ecpi, ỹataqta lauela da chochaq queta. Qaq ỹoqo'oye sa saỹamaxaren da lataxac namayepi. Qaq nagui, nache seuennate na lasouaxashetpi namayepi, qataq sauo'o ca nhuaxanaguec souaxat namayepi.»

Génesis 19:20

Qaq ne'ena, huo'o ye saqaỹapeque huaqta'a't nỹecpi maye saq 'amaqtaq, yem ishet da she'eguena. ¡Ña aỹem qauasheñeetem da ñeqo'ona yemaye yaqto' ñeca'alec, qaq 'eesa da ỹataqta saq 'amaqtaq yi'iye huaqta'a't nỹecpi!»

Génesis 19:22

qalaxaye ¡qojec! 'anqo'ona yemaye, cha'aye qaica ca so'ot, qom saxanaxa da 'avita yemaye.» Qaq ỹoqo'oye, yi'iye huaqta'a't nỹecpi qoỹanagui da le'enaxat Soar.

1 Samuel 25:35

Ime, nache so David ỹaconeguet 'enauac so ndouec asomaye, huaña nache 'enapega, 'eeta': 'avi'eguelaxa qome ca 'arma', qalaxaye huo'o da 'arlagaxayec, cha'aye mashe 'auaỹaten da 'am salaxaguet, qaq aỹem 'am sanem qome cam 'auỹaxanaique.

Éxodo 33:17

Nache Ñim Lo'onatac 'Enauacna qaltaq, 'eeta': «De'era 'anasaxauec, damaye nataqa'en so'ot qome, cha'aye ỹoqta 'eesa da 'am ỹauotaxat qataq 'am ipe'et.»