Génesis 19:2 - La'aqtaqa Ñim Lo'onatac 'Enauacna 2013

² nache 'enapegalo, 'eeta': «Qami' Ỹataxala'ate, aỹem qarqouaquic qome da qoviỹa'a ne'ena pe, ye lma' ne'ena qarlataqui. Qaq yaqto' huaña yemaye da qauỹoi' naua qarapia'achilli', qaq qonte' nte'etom, nache qaltaq qoqui qome.» Qalaxaye soomaye 'ena'apo': «'A'i, qana'achec. Ne'ena pe nache souaqta'a na nqa'aic.»

Génesis 19:2 Referans Kwoze

Génesis 18:4

Da 'auaỹamaxareeta, nache seỹaxanaique ca 'etaxat, da yaqto' qauỹoi' naua qarapia'achilli', ime, nache cara'acolec qanmachiiuec, qoñiỹo'ot ye lpaqal ara qo'oipaq.

Hebreos 13:2

Qataq saishet da qaucoviỹa'ai da ỹataqta qauloỹeeguet na shiỹaxauapi maye nvireua'a ca qarmaye. Cha'aye damaye nachera da chegoqchigui da huo'o co'ollaxa so shiỹaxauapi saq noma da ỹaconeguet so namaxashec piguem le'ecpi.

Hechos 16:15

Ime, nache asomaye qanachelaxan, nataqa'en 'enauac so llalaqpi. Qaq co'ollaq ime, nache ỹataqta qomi' ỹe'eguelaqto'oto da souaqa'a ca lma', nache qomi' seca'ataxague asomaye.

Lucas 7:44

Nache So Jesús ỹamato'ot aso 'alo. Ime, qaq 'enapega so Simón, 'eeta': –¿'Am peta'a 'aulota'a ana'ana 'alo? Can ñenoxonoigui na 'arma', qalaq saishet da Aỹem 'aỹa'anem ca 'etaxat da seỹoi' naua ichel. Qaq ana'ana 'alo anamaye iỹota'ape naua ichel, deỹoxonalo naua lache', qataq ỹaqaxaỹaxa't, ỹauota'a na laue.

Juan 13:5

Nache icoyingui so 'etaxat so pilotaxaqui, nache iỹoi' naua lapia'ate soua lapaxaguenataqa qataq ỹaqaxaỹaxa't, huota'a naqa'en so pilotaxat hualoq laỹe.

Génesis 19:1

Qaq co'ollaq mashe napaltapiguiñi nache soua dos namaxa'she piguem lashe' ivildeua'a so huaqta'a't nỹecpi ye Sodoma. Qaq so Lot nso'ootañi co'ollaxa, netaña so ñegueuo se'eso huaqta'a't nỹecpi, som laponqa' naxa 'enauac na shiỹaxauapi. Qaq co'ollaq ila'agueta soomaye, nache ñesheguem da nqo'onegueta. Qaq co'ollaq iviregueta, nache ỹa'alyiñi naua l-llecte, nache iviraxata'aguet na latap na 'alhua,

Génesis 19:3

Qalaxaye so Lot ye ỹataqta ỹe'eguelaqto'oto soomaye, nache ivira'a da ỹañoxo't soomaye da lỹatrac so Lot da nqo'ooreua'a so lma' somaye. Qaq co'ollaq ivildeuo, nache so Lot ỹo'ot so nallec, qataq aso nauole maye sa qaỹauo'o ca lalegue, nache se'esoua maxasoxoiqa deque'e'.

Génesis 24:31

nache 'enapega, 'eeta': «'Aỹala, 'auanac, 'am lchoxonnatac Ñim Nataxala'. ¡Ta'ainco' taxa da nache qoueta'a ne'ena pa'auec, ye mashe saqataxanai' ye 'arma', qataq ye lma' naua 'arelo cameello!»

Génesis 43:24

Qaq ime co'ollaxa nache 'enauaque soomaye da ỹauegueua'alo so lma' so José, nache ỹanema so 'etaxat da iỹoi' naua lapia'ate, qataq nataqa'en iquia'axa'n soua 'ashenal.

Cantares 5:3

«Mashe sogote da ñeqa't naua aỹogo, ¿qaq 'eeteco' da qaltaq saayiñi? Mashe ime da seỹota'ape naua ỹapia'ate, ¿qaq 'eeteco' da qaltaq ỹe'eguelaxalec da seshepaxanaqche't?»

2 Samuel 11:8

Qaq ime co'ollaxa, nache so David 'enapega so Urías da tauga so lma', qataq iỹoi' naua lapia'ate. Qaq co'ollaq choche ca'ai so nỹec lta'araic so Urías, nache so nta'a ỹamaxaueegue somaye so lachetaqtaxanaxat som ỹataqta no'on nallec.

Da na'aqtaguec so Job 31:32

qataq na chegaqauecpi saishet da huo'o ca do'ochauga ñaqa'en na nqa'aic, qataq saishet da sa sauatoigui ñi lasom ñi ima' da yaqto' pa'auo ca queuoxoic.

Proverbios 25:17

Da 'anamaqtega ca 'anauochaxaua, qalaq saishet da nache 'avi'eguelaqta'a, cha'aye sa iuena'a da 'am nasamiisop nache 'am ỹaỹemec.