Génesis 19:19 - La'aqtaqa Ñim Lo'onatac 'Enauacna 2013

¹⁹ Qami' mashe lta'araic da qarqouagaxanaqtaiqui aỹem, qataq ỹataqta sa qalota da qarsoxoyiqui da aỹem qarca'alaxachiiuec, qalaxaye aỹem saishet da ñeqo'ona aye qasoxonaxapi. Cha'aye de'era nlaqtaxanaxac, ishet qome da aỹem iviralec da huangui na nqa'aic nache seleu.

Génesis 19:19 Referans Kwoze

1 Reyes 9:9

Nache qaỹasateguet qome, qoỹeeta': ‹Qomye namayepi ca'ai Ñim Nataxala', Ñim Natamnaxala' maye nqateeguesop co'ollaxa ye Egipto som hua'au lta'alpi namayepi, nache ca'ata da natamnot na ỹaqa'a atamnaxala'pi, ỹoqo'oye Ñim Nataxala' talec naqa'en da qauem namayepi.›»

1 Samuel 27:1

Qaq so David deuennataxaataco', nache, 'eeta': «Yo'oqta da huo'o ca huaña ne'enaua na'axa'te, da so Saúl aỹem ỹalauat. Qaq ỹoqo'oye nagui no'on da ñeqo'ona da sonaña ye lma' ye filisteopi, yaqto' so Saúl aỹem ỹaxaañi qome da aỹem nmittaique ne'ena na'alhua na Israel le'ecpi, nache aỹem she'emaqtac qome.»

Deuteronómio 31:17

Qaq que'eca na'a'q qom yo'oq de'era, nache 'eroigui qome da ỹayeloxo da salemataỹa namayepi, qataq sheca'ai, nache saishet da seqocha'a, qataq soxochiisop da ỹashiguiỹaxac. Qaq huaña qome nache namayepi sa qalaq da noxonec, qataq da nvita na qalota qauemsat, qaq huaña nache choche, 'eetac: ‹¿Chaq ta'ainco' da qomi' nvitalo 'enauac ne'ena qauemsat, peta'a souaxat da mashe saishet da qomi' hueta'agueta Ñim Qanatamnaxala'?›

Génesis 12:13

Qaq ỹoqo'oye aỹem 'arqouaguec qome, da qonapec da aỹem 'arqaỹa, yaqto' saqca ca dá aỹem, qataq saishet da aỹem qaỹalauat, souaxat 'am.»

Romanos 8:31

Qaq ỹoqo'oye ¿negue't ca lỹa qara'aqtac? Ye 'oonolec dam ishet da qara'aqtac, 'eeta': Da Ñim Lo'onatac 'Enauacna da qomi' hueta'agueta, nache qaica ca ishet da qomi' dataỹa'agueta.

Marcos 9:19

Nache So Jesús 'enapeco': –¿Ta'ainco' ye sa qauaỹaañi da qaupi'iỹa'ai Ñim Lo'onatac 'Enauacna? ¿Peta'a ỹapac da saishet da huo'o ca qauañoxoche da saishet da qami' soota'agueta? ¡Ñaq Aỹem qanaviquiỹa na nsoq!

Lucas 1:58

nache 'enauac na lauoreuapi qataq nam lauo' le'ecpi ỹataqta lta'araic da ntonaxac, cha'aye qaila'a Ñim Lo'onatac 'Enauacna da ỹataqta lta'araic da lauotaxanaqtaic.

Génesis 6:8

Qalaxaye Ñim Nataxala' nachesota so Noé da ỹaỹamaxareeta co'ollaxa.

Génesis 19:18

Qalaxaye so Lot, 'enapeco': «¡'A'i, qami' ỹataxala'ate, aỹem qarqouaquic!

Génesis 19:20

Qaq ne'ena, huo'o ye saqaỹapeque huaqta'a't nỹecpi maye saq 'amaqtaq, yem ishet da she'eguena. ¡Ña aỹem qauasheñeetem da ñeqo'ona yemaye yaqto' ñeca'alec, qaq 'eesa da ỹataqta saq 'amaqtaq yi'iye huaqta'a't nỹecpi!»

Génesis 19:30

Qaq co'ollaq qaỹata'ague de'era, nache so Lot, huo'o co'ollaxa da lcolanaxa da nache netaña ye Soar, ỹoqo'oye ca'ai yemaye, nache ỹaue'c soua dos llalel, da taỹa ye 'alhua maye huo'o ana qasoxonaxapi, qaq nache neraña yemaye netraigui so auac.

Génesis 39:4

Qaq de'era, nachera da ỹo'ot da som na'aco' so José, ỹataqta ỹauotec somaye, qaq ỹoqo'oye nache ỹauo'o ltaua somaye, qataq ipataxalec da ilo'ogue so lma', qataq 'enauac som logoxoshetpi somaye.