Génesis 19:17 - La'aqtaqa Ñim Lo'onatac 'Enauacna 2013

¹⁷ Qalaxaye co'ollaq mashe quera'ai se'eso huaqta'a't nỹecpi, nache so 'oonolec se'esoua namaxa'she, 'enapeco': «¡'Auachegaqañi qome, 'ananeltaxan! Saishet da 'anamata'ague na 'al-laq, qataq saishet da 'avi'iiguet qom huaña yi'iye ca'amegue. 'Anqo'ona aye qasoxonaxapi, qom 'anshetaique da 'anca'alec.»

Génesis 19:17 Referans Kwoze

Lucas 9:62

Nache So Jesús 'enapego' 'eeta': –Saishet da ỹaỹamaxañi da qanayeetaigui da lo'onataxanaxac Ñim Lo'onatac 'Enauacna, nache qaỹe'enaxat dam qauem lataxac ca ỹale maye ỹo'ottac na 'alhua. Cha'aye ca na'ayisheguem ca na'alhua da namata'ague na l-laq, nache ca lo'onatac camaye ỹataqta namaxagui.

Génesis 19:26

Qalaxaye aso lhua so Lot maye nca'ataxaatauo, ỹamata'ague co'ollaxa da chegaqa'ague, nache nque'elaxatta da nañigui toue, qataq 'eeta'am ca ne'enaqtac.

Génesis 19:22

qalaxaye ¡qojec! 'anqo'ona yemaye, cha'aye qaica ca so'ot, qom saxanaxa da 'avita yemaye.» Qaq ỹoqo'oye, yi'iye huaqta'a't nỹecpi qoỹanagui da le'enaxat Soar.

Mateo 3:7

Qalaxaye so Juan co'ollaq ila'a da ỹataqta qalota so chegaqaigui na fariseopi qataq so chegaqaigui na saduceopi da anac da huotaique da nachelaxan, nache somaye 'enapega, 'eeta': «¡Qami' maye qoñiita'am da lataxac ca na'araxanaq! ¿Qaupicheetega peta'a da qami' ỹe't da lhuaxanaxanaxac Ñim Lo'onatac 'Enauacna maye naỹa'acna?

Jeremías 48:6

¡Ñaq qauataiuec qome! ¡Maicheye cam ishet da nca'alec! ¡Qaue'enaxache aca qo'oipaqole huo'o ana le netalec ca toolec 'alhua!

1 Reyes 19:3

Qaq so Elías co'ollaq ỹaỹaten de'era, nache ỹataqta ñi'i, nache datauec taỹa ye Berseba maye huaigui ye 'alhua Judá, qaq huaña yemaye nache icotanaña so lamaxashec.

Génesis 13:10

Nache so Lot, ỹallelec co'ollaxa 'enauac so ca'amegue maye quetot na loigue so tala Jordán, qaq ila'a da ivira'a so nỹecpiolec ye Zoar, da se'eso ca'amegue ỹataqta qalota na 'etaxat, 'eeta'am da lyac ca no'on nanaxanaqa'. Qataq 'eeta'am ye 'alhua Egipto. Qaq 'era da 'eetec da lyac se'eso 'alhua, co'ollaq Ñim Nataxala' saxanaxa da ilaxachigui som huaqta'a't nỹecpi ye Sodoma qataq ye Gomorra.

Salmos 121:1

Qaq da samato'ot naxa ana qasoxonaxapi, nache sheeta': «¿Chaq hua'ago' qome ca chegaqa'ague ca ñetaunaguec?»

1 Samuel 19:11

Nache so Saúl sanaỹaloxon da ỹauo'oi soua ỹama'q ỹale't da nqo'oora so lma' so David da naua'n, qataq da yaqto' ỹalauat somaye so lỹa na'a'q. Qalaxaye aso Mical, maye lhua so David, 'enapega co'ollaxa somaye, 'eeta': Da saishet da 'ananeltaxan ne'ena pe, nache qonte' saishet da 'anca'altauec.

Génesis 18:22

Qaq soua dos se'esoua maxasoxoiqa je'c co'ollaxa da nqo'oora ye Sodoma, qalaxaye so Abraham, no'ona'aguet co'ollaxa Ñim Nataxala'.

Hebreos 2:3

qaq ỹataqta 'eesa qone' da huo'o ca qanhuaxanaguec da saishet da ñetelaqa'a de'era nca'alaxa maye ỹataqta qaica ca 'ena'am. Cha'aye So Qarataxala' nacheso so la'auaxanec da ỹa'axat de'era nca'alaxa, qataq nam na'axaỹaxaatega co'ollaxa de'era na'aqtaxanaxac nataqa'en qomi' ỹachaxanalo da ỹataqta 'eesa.

Génesis 14:10

Qaq so ca'amegue ye Sidín, huo'o co'ollaxa aso lchequepi nlaqchigui na 'eco' qo'oipaq lcha'q, ỹoqo'oye soua nta'al ye Sodoma qataq ye Gomorra co'ollaq datarec, nache tarengui asa'aso lchequepi. Qaq so laỹepi qalaq datauec co'ollaxa, taỹa aso qasoxonaxa.

Génesis 19:18

Qalaxaye so Lot, 'enapeco': «¡'A'i, qami' ỹataxala'ate, aỹem qarqouaquic!

Génesis 19:30

Qaq co'ollaq qaỹata'ague de'era, nache so Lot, huo'o co'ollaxa da lcolanaxa da nache netaña ye Soar, ỹoqo'oye ca'ai yemaye, nache ỹaue'c soua dos llalel, da taỹa ye 'alhua maye huo'o ana qasoxonaxapi, qaq nache neraña yemaye netraigui so auac.

Números 16:26

Nache so Moisés 'enapega 'enauac se'eso laỹoota'a't shiỹaxauapi, 'eeta': Qoquiỹa'aisalo naua lpele'ete ne'enaua na'amqaanaxaiqa shiỹaxau', qataq saishet da huo'o ca qauacoñiỹa na lalamaxat logoxoshetpi, yaqto' saishet da qaullivi souaxat na lasouaxashetpi naamaye.

1 Reyes 1:12

Qaq da 'anshetaique da 'anca'alec, qataq so 'aỹa'alec Salomón, nache 'ana'axaỹaxana da iqataxac,

Lucas 12:23

Cha'aye da achaalataxac saq 'ena'am cam choche qanallec, qataq dam no'ocỹaxac, damaye saq 'ena'am cam choche qanapogoña.