Génesis 19:16 - La'aqtaqa Ñim Lo'onatac 'Enauacna 2013

¹⁶ Qalaxaye souaxat da so Lot ỹataqta saqaỹaloqtelec da jec, nache soua namaxa'she piguem lashe' ỹacoora na lhuaq somaye, cha'aye Ñim Nataxala' ỹataqta huo'o da lchoxonnataxanaxa somaye. Qaq nataqa'en qaỹaconeua'a aso lhua, qataq soua llalel, nache qanqateeguesopa se'eso huaqta'a't nỹecpi da yaqto' qanca'alaxatrec soomaye.

Génesis 19:16 Referans Kwoze

2 Pedro 2:9

Qaq de'era qomi' ỹachaxanalo Ñim Lo'onatac 'Enauacna, da Ñimaye ỹaỹaten da ỹaỹamaxaañi nam lqalaiguesat qataq nam ishet da nqanaxat nam ỹalaxaguet Ñimaye, qataq nataqa'en ỹaỹaten da ỹauo'o ca nhuaxanaguec nam ỹo'ottac na qauem. Qaq damaye ỹo'ot que'eca na'a'q qom nmit 'enauacna.

Tito 3:5

na'aictaxa qomi' da qaica ca ỹaỹamaqchiguiñi da so'otaq, qalaxaye maiche chegoqchigui da qui'itta lsoxoyec Ñimaye, da qomi' nca'alaxatre'c, qataq qomi' iỹoi' qataq qomi' naralaxa't. Ime, nache qomi' ỹanema da dalaxaic achaalataxac ỹachegoxotchigui naqa'en So Saqcha'a Na'añaxac Qui'itta.

2 Corintios 1:3

¡Sanaqtacot da qana'achecỹaxac Ñim Lo'onatac 'Enauacna maye Lta'a So Qarataxala' Jesucristo! Cha'aye Ñimaye ỹataqta soxoraic qataq huotaxanaqtaqaic qataq nache 'eetai' da qomi' itauaata'ape.

Juan 6:44

Qaica ca ishet da choche Aỹem naua'a da huo'otaq sa nauegueuo Ñim Ita'a maye Aỹem namaq; nache camaye ishet da qaltaq ñeca'alaxatec ca pa'atec na'a'q.

Lucas 18:13

Qaq som ỹacootapeeguet ana nsheetenaqte ca nta'a, somaye qaỹata'a ca hueta'a, qataq saishet da ỹamato'ot na piguem. Chaqrata da naqchiguiñi, nache 'eeta': ‹¡'Am maye 'Aro'onatac 'Enauacna, aỹem 'auchoxoren, cha'aye aỹem huo'oi naua sasouaxa't!›

Lamentaciones 3:22

Dam lauotaxanaqtaic Ñim Nataxala', qaica ca loga't, qataq dam lsoxoyec Ñimaye, saishet da imeuo,

Isaías 63:9

Qaq saishet co'ollaxa da lamaxashec cam nca'alaxatec namayepi, maye nacheñi Ñimaye da maiche nca'alaxatec. Ñimaye isouec namayepi souaxat da lauotaxanaqtaic qataq da lchoxonnataxanaxa, ỹanaxanaxaasheguem qataq nachesheguem huota'aisalo naua lhua'q, 'eeta'am dam ỹo'ottac co'ollaxa soua hua'au' vi'iye.

Salmos 136:1

Qaỹa'añiỹot qome da qana'achecỹaxaqui Ñim Nataxala', cha'aye Ñimaye soxoraic, da lauotaxanaqtaic chochaq tatec.

Salmos 119:60

Nache ỹataqta seỹalapigui', saishet da ñaỹaloxon, da yaqto' sepacchiguilo naua 'aramaxasoxonaxaco.

Salmos 118:1

Qavio'oxoyiñi qome Ñim Nataxala' cha'aye Ñimaye ỹataqta soxoraic, qataq chochaq tatec da lauotaxanaqtaic.

Salmos 111:4

Qataq ỹo'ot da nhuennataxat da llo'oxoyec. Ñim Nataxala' ỹataqta hualaxaunaxaic qataq choxonnataxanaxaic.

Salmos 107:1

Qaỹa'añiỹot qome da qana'achecỹaxaqui Ñim Nataxala' cha'aye ỹataqta soxoraic, qataq da lauotaxanaqtaic chochaq tatec.

Salmos 106:8

Qalaxaye Ñimaye nca'alaxatec somayepi, da yaqto' huo'o naqa'en da llo'oxoyec da le'enaxat Ñimaye, qataq yaqto' ỹachaxan da lta'araic la'añaxac.

Salmos 106:1

¡Qavio'oxoyiñi qome Ñim Nataxala'! Qavio'oxoyiñi qome Ñim Nataxala', cha'aye Ñimaye ỹataqta soxoraic, qataq chochaq tatec da lauotaxanaqtaic.

Salmos 103:13

Ñim Nataxala' ichoxoren cam huo'o naq 'enec naqa'en Ñimaye, 'eeta'am ca nta'a da ichoxoren ca llalaqpi,

Salmos 86:15

Qalaxaye 'Am Nataxala', 'Am Atamnaxala', 'am nhualaxaunaxaic qataq 'am choxonnataxanaxaic.

Salmos 86:5

Cha'aye 'Am Nataxala', 'am soxoraic qataq choxonnataxanaxaic, qataq lta'araic da 'arauotaxanaqtaic 'enauac na 'am iỹaxaatacot.

Salmos 34:12

Ca nshetaique da ỹauotec da nachaalataxac, qataq machiguiñi da huetaiguilo naua na'axa'te,

1 Crónicas 16:34

Qavio'oxoyiñi qome Ñim Nataxala' cha'aye Ñimaye ỹataqta soxoraic, qataq da lauotaxanaqtaic Ñimaye chochaq tatec.

Deuteronómio 4:31

qaq cha'aye Ñimaye choxonnataxanaxaic, nache saishet da qami' sa ichoxore'n, huo'otaq da qami' nlaxaayiñi, qataq saishet da icoua'ai da ỹan la'aqtac maye 'eetega ipacchigui co'ollaq naỹamaxate' so hua'au qarta'ailpi.

Números 14:18

da saishet da sa qaỹaloxonguit da 'aralemataic, qataq ỹataqta lta'araic da 'arsoxoyec, qataq 'auapalaxat ca lasouaxashet ca huo'o ca ỹasouaxat. Qalaxaye saishet da sa 'auauo'o ca nhuaxanaguec ca huo'o ca ỹasouaxat qataq ca saỹalaq, cha'aye 'Am 'auauo'o ca nhuaxanaguec ca nta'a maye ỹo'ottac na qauem, nataqa'en ca llalaqpi, laualpi qataq ca llalaqpi ca laualpi.

Éxodo 34:6

Ime, nache nlectelec so Moisés, na'axanneque naua la'aqtaqa, da detaqtac, 'eeta': «¡Nam Nataxala'! ¡Nam Nataxala'! ¡Nam Lo'onatac 'Enauacna maye soxoraic qataq choxonnataxanaxaic! ¡Namaye qaỹoqchiguinguit da lalemataic, qataq lta'araic da lsoxoyec, qataq ỹataqta 'eesa!

Romanos 9:18

Qaq 'era da 'eetec Ñim Lo'onatac 'Enauacna da maiche ỹoiqueetac cam huotaique da ỹo'ot. Ñimaye nqouaguec cam taalec da nqouaguec qataq qaramchigui naqa'en añi lquiyaqte cam taalec da qaramchigui naqa'en.

Josué 6:22

Qalaxaye so Josué 'enapegalo soua dos lamaxa'she maye demeenaxara co'ollaxa se'eso 'alhua, 'eeta': «Qanqo'oñiiua'a ca lma' aca'aca quisheguetaxai, nache qanqacheeuec qataq 'enauac ca lalamaxatpi, nache qaupaquiichigui som qaỹa'añim qara'aqtaqui co'ollaxa.»

2 Pedro 2:7

Qalaxaye so Lot saishet da ỹavigaxat, cha'aye se'eso ỹale ỹataqta no'on da lataxac, qataq huo'o da nqui'ic da ilotagui na qauem maye ỹo'ottac se'eso shiỹaxauapi.

Génesis 19:15

Qalaxaye co'ollaq mashe yaqta'a da yo'oxoñi, nache soua namaxa'she piguem lashe' 'enapegalo' so Lot, 'eeta': «¡'Auỹalapigui' qome! Qoñisheguem, nache qoca'ai ne'ena, nache 'arỹatec añi 'arhua, qataq ñeua dos 'aỹa'alel, yaqto' saishet da 'aleu, qom selaxataxagui ne'ena huaqta'a't nỹecpi.»

Éxodo 34:7

Nam ỹataqta qaica ca loga't da lauotaxanaqtaic, qataq ishet da ichoxoren ca huo'o ca npe'enaxac qataq ca sa ỹalaq, qataq ca huo'o ca lasouaxashet. Qalaxaye nataqa'en ishet da ỹauo'o ca nhuaxanaguec ca shiỹaxaua maye qauema naua ỹo'otta'ape, qataq ca llalaqpi, laualpi qataq ca llalaqpi ca laualpi camaye.»

Deuteronómio 5:15

Qataq qantooñita'ac da qami' nlataqa co'ollaq qoviita'a ye Egipto, qaq Ñim Nataxala' maye Qanatamnaxala'ai, qami' nqatrec co'ollaxa ỹauota'a da ỹataqta lta'araic la'añaxac. Qaq ỹoqo'oye Ñimaye qami' ỹamaxaleguete da huo'o naq 'enec qanqa'eñi ye na'a'q mataxaqui.

Deuteronómio 6:21

Nache qami' qoñiita': «Qomye huo'o so na'a'q da qomi' l-lataqa so faraón co'ollaq huaña ye Egipto, qalaxaye Ñim Nataxala' ỹauota'a da ỹataqta lta'araic la'añaxac da qomi' nqatre'c.

Deuteronómio 7:8

Qaq Ñimaye qami' nqateeguesopa co'ollaxa ye Egipto, yem huaña da qami' nlataqa, irolec da ỹataqta lta'araic la'añaxac so lta'a na netaña yemaye, souaxat da qami' ỹauoteque, qataq da yaqto' ipaqueelec da ỹo'ot da la'aqtac maye ỹanem co'ollaxa so hua'au qarta'ailpi.

Salmos 32:10

Qaq na qauemaicpi ỹataqta qalota qome na nqui'iguesat, qalaxaye da lsoxoyec Ñim Nataxala', ỹataqta coleesop na pi'iỹa'a Ñimaye.

Salmos 33:18

Qaq Ñim Nataxala' qalaq ntela'a nam huo'o naq 'enec naqa'en Ñimaye, qataq na pi'iỹa'a da lsoxoyec,

Salmos 33:19

da yaqto' nca'alaxateeguesop namayepi da nleuaxa, qataq ỹanem da lca'alaxa da ivita da huo'o na nqouaxa.

Génesis 43:10

Da qaica ctaxa ca ñeqalanaqtagui, nache sogote ctaxa da mashe qomi' ỹoxoguelo, qataq mashe ye'eguelaxasoq.»