Génesis 19:14 - La'aqtaqa Ñim Lo'onatac 'Enauacna 2013

¹⁴ Nache so Lot, nqo'onalo soua laronaxanaqa som huotaique da huaronegueta soua llalel, nache 'enapegalo, 'eeta': «¡Qoñiishiguem qome, nache qoquiỹa'ai ne'ena, cha'aye Ñim Nataxala' ilaxachigui qome ne'ena huaqta'a't nỹecpi!» Qalaxaye soua laronaxanaqa, saishet co'ollaxa da 'eesa naqa'en so la'aqtac so Lot.

Génesis 19:14 Referans Kwoze

Números 16:21

¡Qoquiỹa'ai qome ne'ena shiỹaxauapi, yaqto' Aỹem ñematchiguiñi da selaxachigui namayepi!

Números 16:45

¡Qoquiỹa'ai qome ne'ena shiỹaxauapi, cha'aye selaxachigui nagui! Nache soomaye ỹa'alyiñi naua l-llecte, nache iviraxatra'aguet naqa'en naua lata'api na 'alhua.

Jeremías 51:6

¡Qoquiỹa'ai ye Babilonia! ¡Qananeltaxañi yaqto' qarca'alleeuec! ¡Saishet qome da qaullivi, souaxat na lasouaxashet yemayepi! Cha'aye mashe ivita ye laloqo' da sauo'o ca ivi', nache sesheeten qome ipacchigui ñaqa'en dam naigui nam ỹo'otpi.

Números 16:26

Nache so Moisés 'enapega 'enauac se'eso laỹoota'a't shiỹaxauapi, 'eeta': Qoquiỹa'aisalo naua lpele'ete ne'enaua na'amqaanaxaiqa shiỹaxau', qataq saishet da huo'o ca qauacoñiỹa na lalamaxat logoxoshetpi, yaqto' saishet da qaullivi souaxat na lasouaxashetpi naamaye.

2 Crónicas 30:10

Qaq huaña nache so namaxashecpi queuolec 'enauac ye na'alhua so Efraín, qataq so Manasés, queta'aguelo naua nañalo so huaqta'a't nỹecpi, nache ivitta'a so na'alhua so Zabulón. Qalaxaye som shiỹaxauapi nda'a't da daỹalleguettac qataq ne'eetapigui somayepi.

Hechos 17:32

Qaq co'ollaq qaỹa'axaỹa de'era 'eetec da So Jesús qaltaq nca'alec, nache huo'o na lashetac so Pablo. Qataq huo'o na laỹepi 'eeta': –No'on da ña'aqtaxanaxagui de'era que'eca lỹa na'a'q.

Lucas 24:11

Qalaxaye soua namaxa'she 'eeta'am naqa'en da choche naỹaquiaxac da ỹa'axattac asomayepi, nache saishet da ỹa'amaqte'n.

Mateo 9:24

Nache So Jesús 'enapega somayepi, 'eeta': «Qapa'aiuec qome. Cha'aye ayem nogotole saishet da ileu, ayemaye choche do'ocheta.» Nache som shiỹaxauapi ỹataqta lashetac So Jesús.

Ezequiel 20:49

Nache aỹem Ezequiel sasat, sheeta': «¡Aicoue 'Am Nataxala', 'enauac na shiỹaxauapi aỹem na'aqtaxaatapigui da nam sa'axattacpi qaica ca ỹaỹaaneguet!»

Jeremías 20:7

'Am Nataxala', 'Am aỹem 'auatenachet, qaq aỹem ñasheeteguet da aỹem 'auatenachet, cha'aye 'Am ỹactec da 'ara'añaxac, nache aỹem 'anauec, nache imauec ye na'a'q da aỹem qaỹe'eetac, qataq 'enauac da Aỹem qane'eetapigui.

Isaías 28:22

Qaq nagui no'on da nache tachiguiña da qare'enaxanaxaqui, cha'aye saiuena'a da qaltaq qaichegaxaañi na qancoñetaxache, cha'aye Ñim Nataxala' maye Qaica ca Ỹaqalanapec, mashe sa'aqchigui da lapaxañi da nlaxaañi qome 'enauac ne'ena 'alhua.

Proverbios 29:1

Ca shiỹaxaua maye sa ỹaconeguet da qaỹaỹamaxaañi da lataxac, camaye qaica ca ishet da nca'alaxatec da nque'elaxatta da qailaxachigui.

2 Crónicas 36:16

Qalaxaye somayepi ỹataqta ỹe'eetac co'ollaxa som la'aqtaxanaxanecpi Ñim Lo'onatac 'Enauacna, qataq saỹaconegueta naua la'aqtaqa, qataq isheueetac som la'aqtaxanaxanecpi, choche ivitta'a da Ñim Nataxala' talec naqa'en da layeloxo som lalamaxat nhuo' le'ecpi, qaq 'era da 'eetec da qaica ca lata' damaye.

1 Ts 5:3

Cha'aye na shiỹaxauapi, qom 'eetega da 'enauac lactapiguiñi qataq saqca ca da, qataq saishet da ñe'etapigui', nache nvita namayepi ca nhuaxanaguec lta'araic, choche nque'elaxatta, 'eeta'am da nqui'ic aca 'alo hualaxai da ivita ye laloqo' da deco'o. Namayepi saishet da ỹet da nhuaxanaguec.

Lucas 9:42

Qaq co'ollaq mashe saq qaỹapeque se'eso nsoq, nache so saqcha'a na'añaxac leguemaxaic huañi naqa'en somaye, nache ỹo'otec da lta'araic lviloxolaxa na lo'oc. Ime, nache So Jesús nlaxa se'eso saqcha'a na'añaxac leguemaxaic. Nache nataren se'eso nsoq. Ime, nache ỹe'eguelaxatot so lta'a.

Mateo 1:18

Da lañoxoc So Jesús 'eeta': Aso late'e María co'ollaq mashe detaxaỹapegue' so José da huotaique da lhua. Qaq co'ollaq saxanaxa da huarona't, nache asomaye mashe hualaxai, chegoqchigui da la'añaxac So Saqcha'a Na'añaxac Qui'itta.

Éxodo 12:31

Nache so faraón damaxasoxoneuga so Moisés qataq so Aarón, qaq nacheso se'eso pe da 'enapegalo, 'eeta': «Qauesomiỹa qome, qoqui, qoquiỹa'ai na ihuo' le'ecpi, qami' qataq 'enauac na Israel le'ecpi. Qanqo'oñiỹa da qanatamñiỹot cam Nataxala', qauo'oche qome dam qauquiquiitegueua'a.

Éxodo 9:21

Qaq som saishet da 'en naqa'en de'era la'aqtac Ñim Nataxala', nache hua'aqta'a so l-latacpi qataq so na'atetpi da nasattalec.

Génesis 19:22

qalaxaye ¡qojec! 'anqo'ona yemaye, cha'aye qaica ca so'ot, qom saxanaxa da 'avita yemaye.» Qaq ỹoqo'oye, yi'iye huaqta'a't nỹecpi qoỹanagui da le'enaxat Soar.

Génesis 19:17

Qalaxaye co'ollaq mashe quera'ai se'eso huaqta'a't nỹecpi, nache so 'oonolec se'esoua namaxa'she, 'enapeco': «¡'Auachegaqañi qome, 'ananeltaxan! Saishet da 'anamata'ague na 'al-laq, qataq saishet da 'avi'iiguet qom huaña yi'iye ca'amegue. 'Anqo'ona aye qasoxonaxapi, qom 'anshetaique da 'anca'alec.»

Génesis 19:15

Qalaxaye co'ollaq mashe yaqta'a da yo'oxoñi, nache soua namaxa'she piguem lashe' 'enapegalo' so Lot, 'eeta': «¡'Auỹalapigui' qome! Qoñisheguem, nache qoca'ai ne'ena, nache 'arỹatec añi 'arhua, qataq ñeua dos 'aỹa'alel, yaqto' saishet da 'aleu, qom selaxataxagui ne'ena huaqta'a't nỹecpi.»

Jeremías 43:1

Qaq so Jeremías, co'ollaq ime, da da'aqtaxaateguem so nhuo' le'ecpi, 'enauac nam ỹamaxalec Ñim Nataxala', maye Natamnaxala' na Israel le'ecpi, da ỹa'axatem somayepi,

Jeremías 43:2

nache so Azarías som llalec so Osaías, Johanán, som llalec so Careaj, qataq som laỹepi ỹalleppi maye qaica ca iren, 'enapega so Jeremías, 'eeta': «¡Dam 'aua'axattac damaye saq'en! Ñim Nataxala' maye Qanatamnaxala' saishet da 'am ỹamaxalec da qomi' 'aua'aqtaxanema da saishet da saxague da Egipto.