Génesis 19:12 - La'aqtaqa Ñim Lo'onatac 'Enauacna 2013

¹² Qaq huaña nache soua maxasoxoiqa 'enapega so Lot, 'eeta': «¿Huo'o peta'a ca laỹepi 'arhuo' le'ecpi ne'ena? 'Auaconeua'alo qome caua 'aỹa'alqa, 'aỹa'alel, 'araronaxanaqa, qataq 'enauac cam huo'o 'aralamaxat maye hueta'a ne'ena huaqta'a't nỹecpi. 'Anqatec qome, ime, qaq 'auauega cam qaỹoqta,

Génesis 19:12 Referans Kwoze

Génesis 7:1

Qaq ime, nache Ñim Nataxala' 'enapega so Noé, 'eeta': «'Aunoxonoigui añi notaxaqui, 'arỹatreuo 'enauaque naua 'aỹa'alqa, cha'aye nache 'amta da qoqueelec nam sheetapeguecpi, saishet da qoneta'am nam 'aualecta'aguet shiỹaxauapi.

Apocalipsis 18:4

Ime, nache qaltaq sa'axaỹa so lỹa nvilỹaxac, chemqot na piguem, 'eeta': «Qami' ỹalamaxatpi. Qoquiỹa'ai na Babilonia, qataq saishet da qauauo'oi ca qarasouaxashechi da qoñiỹa'am ayemaye, yaqto' saishet da qami' taleguete cam qaica ca 'ena'am da lchec napaxaco maye talec qome.

2 Pedro 2:7

Qalaxaye so Lot saishet da ỹavigaxat, cha'aye se'eso ỹale ỹataqta no'on da lataxac, qataq huo'o da nqui'ic da ilotagui na qauem maye ỹo'ottac se'eso shiỹaxauapi.

2 Pedro 2:9

Qaq de'era qomi' ỹachaxanalo Ñim Lo'onatac 'Enauacna, da Ñimaye ỹaỹaten da ỹaỹamaxaañi nam lqalaiguesat qataq nam ishet da nqanaxat nam ỹalaxaguet Ñimaye, qataq nataqa'en ỹaỹaten da ỹauo'o ca nhuaxanaguec nam ỹo'ottac na qauem. Qaq damaye ỹo'ot que'eca na'a'q qom nmit 'enauacna.

Números 16:26

Nache so Moisés 'enapega 'enauac se'eso laỹoota'a't shiỹaxauapi, 'eeta': Qoquiỹa'aisalo naua lpele'ete ne'enaua na'amqaanaxaiqa shiỹaxau', qataq saishet da huo'o ca qauacoñiỹa na lalamaxat logoxoshetpi, yaqto' saishet da qaullivi souaxat na lasouaxashetpi naamaye.

Génesis 19:17

Qalaxaye co'ollaq mashe quera'ai se'eso huaqta'a't nỹecpi, nache so 'oonolec se'esoua namaxa'she, 'enapeco': «¡'Auachegaqañi qome, 'ananeltaxan! Saishet da 'anamata'ague na 'al-laq, qataq saishet da 'avi'iiguet qom huaña yi'iye ca'amegue. 'Anqo'ona aye qasoxonaxapi, qom 'anshetaique da 'anca'alec.»

Jeremías 32:39

Qataq sanem da 'oonolec da lhuennataxac qataq 'oonolec da llecỹaxac da yaqto' tatec da huo'o naq 'enec naqa'en Aỹem, qaq damaye maiche laỹamaxa namayepi qataq cam chegoxoguetpi.

Génesis 19:22

qalaxaye ¡qojec! 'anqo'ona yemaye, cha'aye qaica ca so'ot, qom saxanaxa da 'avita yemaye.» Qaq ỹoqo'oye, yi'iye huaqta'a't nỹecpi qoỹanagui da le'enaxat Soar.

Génesis 19:14

Nache so Lot, nqo'onalo soua laronaxanaqa som huotaique da huaronegueta soua llalel, nache 'enapegalo, 'eeta': «¡Qoñiishiguem qome, nache qoquiỹa'ai ne'ena, cha'aye Ñim Nataxala' ilaxachigui qome ne'ena huaqta'a't nỹecpi!» Qalaxaye soua laronaxanaqa, saishet co'ollaxa da 'eesa naqa'en so la'aqtac so Lot.

Génesis 19:11

qaq huaña, nache sanauaañi naqa'en som shiỹaxauapi maye pa'atauec. 'Enauac so nsoxoppiolec qataq so ỹa'axaiquipi da sa nauaañi, nache ipottapecra', da nmittaique so lasom, choche ivitta'a da nasamñi.

Génesis 19:13

cha'aye qomi' selaxataxagui qome ne'ena nma'. Cha'aye ỹataqta qalota na ntaxaỹaxacpi souaxat ne'ena shiỹaxauapi maye hueta'a ne'ena huaqta'a't nỹecpi, nache iviro'ot Ñim Nataxala'. Qaq ỹoqo'oye Ñimaye qomi' nama'q da selaxataxagui namaye.»

Jeremías 51:45

Qami' ỹalamaxat nhuo' le'ecpi qoquiỹa'ai qome yemaye, ¡ñi 'oonolec maiche nca'alaxaala't qome da 'eteguet dam 'ettaigui ỹayeloxo!