Génesis 19:1 - La'aqtaqa Ñim Lo'onatac 'Enauacna 2013

¹ Qaq co'ollaq mashe napaltapiguiñi nache soua dos namaxa'she piguem lashe' ivildeua'a so huaqta'a't nỹecpi ye Sodoma. Qaq so Lot nso'ootañi co'ollaxa, netaña so ñegueuo se'eso huaqta'a't nỹecpi, som laponqa' naxa 'enauac na shiỹaxauapi. Qaq co'ollaq ila'agueta soomaye, nache ñesheguem da nqo'onegueta. Qaq co'ollaq iviregueta, nache ỹa'alyiñi naua l-llecte, nache iviraxata'aguet na latap na 'alhua,

Génesis 19:1 Referans Kwoze

Génesis 18:22

Qaq soua dos se'esoua maxasoxoiqa je'c co'ollaxa da nqo'oora ye Sodoma, qalaxaye so Abraham, no'ona'aguet co'ollaxa Ñim Nataxala'.

Hebreos 13:2

Qataq saishet da qaucoviỹa'ai da ỹataqta qauloỹeeguet na shiỹaxauapi maye nvireua'a ca qarmaye. Cha'aye damaye nachera da chegoqchigui da huo'o co'ollaxa so shiỹaxauapi saq noma da ỹaconeguet so namaxashec piguem le'ecpi.

Da na'aqtaguec so Job 31:32

qataq na chegaqauecpi saishet da huo'o ca do'ochauga ñaqa'en na nqa'aic, qataq saishet da sa sauatoigui ñi lasom ñi ima' da yaqto' pa'auo ca queuoxoic.

Lucas 17:28

Qaq nache 'eetec nataqa'en soua vi'iye maye huetaiguilo co'ollaxa so Lot: so shiỹaxauapi deque'etac qataq nỹomtac qataq maiche nmeetega't, danaxaatac qataq ỹo'otta'ape naua lma'ate.

Génesis 11:27

Qaq 'ana ana le'enaxat lmalate som chegoxoguetpi som Téraj, som lta'a so Abram, Najor qataq so Jarán. Qaq so Jarán, nacheso so lta'a so Lot.

Génesis 18:16

Qaq ime, nache se'esoua maxasoxoiqa nachaayiñi, nache je'c da nqo'oora so huaqta'a't nỹecpi ye Sodoma. Nache so Abraham ca'ataueeguelo soomaye da yaqto' ncoyegueneto.

Génesis 19:2

nache 'enapegalo, 'eeta': «Qami' Ỹataxala'ate, aỹem qarqouaquic qome da qoviỹa'a ne'ena pe, ye lma' ne'ena qarlataqui. Qaq yaqto' huaña yemaye da qauỹoi' naua qarapia'achilli', qaq qonte' nte'etom, nache qaltaq qoqui qome.» Qalaxaye soomaye 'ena'apo': «'A'i, qana'achec. Ne'ena pe nache souaqta'a na nqa'aic.»

Génesis 19:10

qalaxaye soua namaxasoxoiqa so Lot, ỹauotra'ai naua lhua'q da ỹacooreuga somaye nache ipa'axaaroigui so nỹec. Ime, nache ỹapoyigui so lasom,

Salmos 69:12

Qaq na nso'ootaña ñi ñegueuo 'enauac da aỹem na'aqtaxaatapigui, na nỹomaxaicpi qalaq ỹo'ot na lo'onecpi da aỹem ỹe'eetac.

Génesis 13:12

Qaq so Abram, nache no'onalec co'ollaxa ye 'alhua Canaán, qaq so Lot qalaq nqo'ona da yaqto' naña, som huaqta'a't nỹecpi maye nangui so ca'amegue, som sa qaỹapeque so huaqta'a't nỹecpi ye Sodoma

Génesis 23:12

Qalaxaye so Abraham, qaltaq ỹe'eguelaxalec da ỹa'aroto naua l-llecte se'eso shiỹaxauapi maye lma' yi'iye 'alhua.

Génesis 48:12

Nache so José nqateeguesopa soua nogotolqa naua lteltaye so lta'a, nache ỹa'alyiñi naua l-llecte, qataq iviraxata'aguet na latap na 'alhua.

Rut 4:1

Qaq co'ollaq ime de'era, nache so Booz taua'a so ñegueuo so huaqta'a't nỹecpi, nache nso'ooñi, qaq co'ollaq mashe nso'ootañi, nache nateugueye som lauo' le'ec maye ỹectega co'ollaxa somaye, nache iỹaxanapegue', 'eeta': Iỹa, ña 'auanaicna'a, 'anso'ooñi. Nache somaye anac, nache nso'ooñi.

Da na'aqtaguec so Job 29:7

qataq co'ollaq ñeso'ootaña naxa ye huaña da qoỹan da nqataxac, qataq da ñeso'ootaña ye naponqa' maye huaigui na huaqta'a't nỹecpi.