Génesis 18:7 - La'aqtaqa Ñim Lo'onatac 'Enauacna 2013

⁷ Qaq ime nache so Abraham nqalgoqtauga so hueta'a aso lalopi, nache lca'aua'a so ỹataqta no'on, qataq chaxaraic huaca llalec. Nache ỹanem so 'oonolec som lamaxashecpi, nache somaye saỹaỹaloxon da ỹo'ot so nallec.

Génesis 18:7 Referans Kwoze

Lucas 15:30

Qaq nagui da nvi' da 'aỹa'alec maye choche iqataqchet aso 'om souaxat ana quisheguetaxai, nache 'aualaataxanem, 'aualauat so huaca llalec maye chaxaraic.›

Lucas 15:27

Nache som no'onataxanaxanec 'enapeco': ‹Qomye 'arqaỹa da nvi', ỹoqo'oye ñi 'arta'a damaxasoxoolec da qaỹalauat som ỹataqta chaxaraic huaca llalec, cha'aye ñimaye nvi', qataq saqca ca da.›

Lucas 15:23

Ime, qaq qanaviquiiuo ca ỹataqta chaxaraic huaca llalec, nache qaualauache. Ime, qaq ¡sequia'aq, so'otaq ca qantonaxac!

Mateo 22:4

Nache so nta'a qaltaq ỹauo'o so ỹamaq laỹepi lamaxashecpi, nache ỹache naqa'en da la'aqtac, 'eeta': ‹Da nallec mashe imeta. Mashe samaxasoxoolec da qaỹalauat som ỹataqta no'on ilo huaca llalec. ¡Qauanaiua'a da naronaxac!›

Malaquías 1:14

¡Ỹataqta qauem qome ca talec, cam datenataxan da Aỹem ỹachaxanapeguem ca lalo shiguiỹac no'oita, qaq ime nache Aỹem ỹanot cam shiguiỹac maye huo'o ca lque'emaxa! Aỹem maye Aỹem 'amaqtaqaic Nta'a, qataq Aỹem lcolanaxat na ỹotta'a't shiỹaxauapi.» Qaq 'era da la'aqtac Ñim Nataxala' maye Qaica ca Ỹaqalanapec.

Amós 6:4

Qataq qaro'ochaxala'ai na mala' maye chegaqaigui na marfil, qataq qaua'aqaitalec nam ỹataqta no'on na'axasoxola', qataq qauo'ocheetac na nquia'axac, qolliquiitac na ỹataqta chaxaraic lapat na qagueta qataq na huaca llalec,

Génesis 19:3

Qalaxaye so Lot ye ỹataqta ỹe'eguelaqto'oto soomaye, nache ivira'a da ỹañoxo't soomaye da lỹatrac so Lot da nqo'ooreua'a so lma' somaye. Qaq co'ollaq ivildeuo, nache so Lot ỹo'ot so nallec, qataq aso nauole maye sa qaỹauo'o ca lalegue, nache se'esoua maxasoxoiqa deque'e'.

Génesis 18:6

Nache so Abraham pa'aigui so lpe'l, nache 'enapego' aso Sara, 'eeta': «¡'Auỹalapigui' qome! 'Auacona ca veinte kilos cam ỹataqta no'on 'ayiiña, nache 'auraqten, nache 'auo'ot aca 'arauolepi.»

Génesis 18:8

Qaq saishet da nachesota so huaca llalec, maye nataqa'en ỹanema soomaye aso queso qataq so huaca lche'. Nache ỹataqta qochetegueto soomaye co'ollaq deque'eta'ape, huetro'oto aso qo'oipaq.

1 Samuel 28:24

Nache aso 'alo, ỹalauat so huaca llalec ỹataqta chaxaraic maye netaña so lma', qataq iraqten so 'ayiiña, nache ỹo'o't soua lauole, qaica naqa'en ca lalegue maye ỹasheeraxachigui.