Génesis 18:6 - La'aqtaqa Ñim Lo'onatac 'Enauacna 2013

⁶ Nache so Abraham pa'aigui so lpe'l, nache 'enapego' aso Sara, 'eeta': «¡'Auỹalapigui' qome! 'Auacona ca veinte kilos cam ỹataqta no'on 'ayiiña, nache 'auraqten, nache 'auo'ot aca 'arauolepi.»

Génesis 18:6 Referans Kwoze

Mateo 13:33

So Jesús nataqa'en ỹauo'o so lỹa daloqnaxana, 'eeta': «Da lo'onataxanaxac Ñim Lo'onatac 'Enauacna, damaye 'eeta'am aca saq 'amaqtaq ỹasheeraxachigui na ndaqñiguishec 'ayiiña maye ỹacona aca 'alo. Ime, nache ỹalecneguet ca lta'araic ldaqñiguishec, da yaqto' 'enauac ỹasheeraxachigui.»

1 Pedro 4:9

Qataq ñi 'oonolec da qoñiita ỹataqta ilo'oguet ca lỹa da namaxasoxoic, qataq saishet da quetapeguelec, nachaqrata da ỹo'otec da lamaicỹaxac camaye.

Hebreos 13:2

Qataq saishet da qaucoviỹa'ai da ỹataqta qauloỹeeguet na shiỹaxauapi maye nvireua'a ca qarmaye. Cha'aye damaye nachera da chegoqchigui da huo'o co'ollaxa so shiỹaxauapi saq noma da ỹaconeguet so namaxashec piguem le'ecpi.

Gálatas 5:13

Qami' ỹaqaỹa't, Ñim Lo'onatac 'Enauacna qami' iỹaxanalo da yaqto' qami' huesochiyiñi. Qalaxaye saishet da qauo'ogoxoñiỹa damaye da yaqto' qauo'oche ca qauem. Nachaqrato' da ñi 'oonolec huapegue' ca lỹa souaxat da qarsoxoyiqui.

Romanos 12:13

Qataq qautauañi ca qara'amqaanataxanaxauai da huo'o ca lhuenaxanaxa, qataq ỹataqta qauloỹeeguet ca camachaqca qanamaxasoxoiqui maye chegaqa'a ca qaỹoqta lỹa 'alhua.

Hechos 16:15

Ime, nache asomaye qanachelaxan, nataqa'en 'enauac so llalaqpi. Qaq co'ollaq ime, nache ỹataqta qomi' ỹe'eguelaqto'oto da souaqa'a ca lma', nache qomi' seca'ataxague asomaye.

Isaías 32:8

Qaq cam no'on da lataxac qalaq ipacchigui da iuennatega da ỹo'ot ca no'on, qaq cam lapaxañi lataxac qalaq nache 'eetai' da quetalec.

Génesis 18:5

Cha'aye mashe qananaitelec na lma' nam qaramaxashequi, qaq ishet da huo'o ca qami' ñerougalo da yaqto' qauqui'ii, yaqto' huo'o da qara'añaxaqui qom qaltaq qoquii.» Nache soomaye, 'ena'apo': «Aja', ỹaỹamaqchiguiñi.»

Génesis 18:7

Qaq ime nache so Abraham nqalgoqtauga so hueta'a aso lalopi, nache lca'aua'a so ỹataqta no'on, qataq chaxaraic huaca llalec. Nache ỹanem so 'oonolec som lamaxashecpi, nache somaye saỹaỹaloxon da ỹo'ot so nallec.

Génesis 19:3

Qalaxaye so Lot ye ỹataqta ỹe'eguelaqto'oto soomaye, nache ivira'a da ỹañoxo't soomaye da lỹatrac so Lot da nqo'ooreua'a so lma' somaye. Qaq co'ollaq ivildeuo, nache so Lot ỹo'ot so nallec, qataq aso nauole maye sa qaỹauo'o ca lalegue, nache se'esoua maxasoxoiqa deque'e'.

Jueces 6:19

Nache so Gedeón queuo, nache ỹaỹamaxaañi so quetaq llalec, qataq ỹachangui aso 'amaqtaqchigui naco'oña so 'ayiiña maye qaica ca ỹasheeraxachigui lalegue, nache ỹo'ot aso nauole. Ime, nache so lapat ỹachangui aso nallec laỹe no'oxona qataq som lli'i somaye ỹachangui aso taxaqui, nache ỹache 'enauac se'eso da irouga se'eso ale piguem le'ec maye neto'ot asa'aso qo'oipaq late'erai da yaqto' ỹanem somaye da lachetaqtaxanaxat.

1 Samuel 28:24

Nache aso 'alo, ỹalauat so huaca llalec ỹataqta chaxaraic maye netaña so lma', qataq iraqten so 'ayiiña, nache ỹo'o't soua lauole, qaica naqa'en ca lalegue maye ỹasheeraxachigui.

2 Samuel 13:6

Nache so Amnón, nnalec co'ollaxa so lmala' ỹe'enaxat da sano'on. Qaq co'ollaq nvireuo so nta'a da namaqtega somaye, nache so Amnón 'enapega, 'eeta': «¡Aỹem 'anqouaguec qome da 'auasheeta da aỹem naua'a aca ỹaqaỹa Tamar, da yaqto' huaña ne'ena da ỹo'o't caua dos nauole, nache aỹem iquia'axan.»

Salmos 119:60

Nache ỹataqta seỹalapigui', saishet da ñaỹaloxon, da yaqto' sepacchiguilo naua 'aramaxasoxonaxaco.