Génesis 18:5 - La'aqtaqa Ñim Lo'onatac 'Enauacna 2013

⁵ Cha'aye mashe qananaitelec na lma' nam qaramaxashequi, qaq ishet da huo'o ca qami' ñerougalo da yaqto' qauqui'ii, yaqto' huo'o da qara'añaxaqui qom qaltaq qoquii.» Nache soomaye, 'ena'apo': «Aja', ỹaỹamaqchiguiñi.»

Génesis 18:5 Referans Kwoze

Jueces 13:15

Nache so Manoa 'enapega se'eso nale piguem le'ec Ñim Nataxala' 'eeta': «Qomi' 'anqouagueque da cara'ac da 'ano'onañi, yaqto' qomi' 'arquia'axau' da sacheguenaq ca quetaq llalec maye saqataxanaqai'.»

Salmos 104:15

na lataxa maye machiguiñi naqa'en da lquiyaqteỹaxac, qataq na aceite maye no'onaxat da lashiguiỹaxac, qataq na nallec maye ỹo'ot da la'añaxac da nachaalataxac.

Jueces 19:5

Qaq so na'a'q cuatro nache no'ottrashegue'm so nte'etom da yaqto' je'c. Qalaxaye co'ollaq mashe huotaique da je'c, nache so lta'a aso qa'añole 'enapega so laronaxanec, 'eeta': Qauqui'ictaxa, na'aictaxa da saq 'amaqtaq ca nauole laỹe cam qollequi, yaqto' huo'o da qara'añaxaqui qom qoqui.

Jueces 6:18

Qaq 'am ñachoxonnot da saishet da qoca'ai ne'ena, nache 'auata'a da ñevirec da ñerouec ca ỹachetaqtaxanaxat nallec da yaqto' 'am sanem.» Nache Ñim Nataxala' 'enapeco': «Aja', 'am seuata'aguet.»

Génesis 33:10

Qalaxaye so Jacob ỹe'eguelaqto'ot somaye, 'eeta': «'A'i, ñaq aỹem 'arqouaguec. Da ỹoqta 'eesa da aỹem 'auchoxoren, nache no'on da 'auaconeguet nam sauotaique 'anmepi, cha'aye nagui da 'am ñauane', qalaq 'ena'am da nacheñi Ñim Lo'onatac 'Enauacna da ñauane', qataq da aỹem 'auaỹamaxatta nagui da 'am ñauane'.

Génesis 19:8

Aỹem huo'oi ñeua dos ỹalel maye saxanaxa da lauañeto ca ỹale. Ñeqatrec qome, yaqto' qami' maicheye ca qoñiita'aque, qalaxaye saishet qome da huo'o ca qoñiỹa'aque ñi'iñiua shiỹaxau', cha'aye ñiimaye ñamaxasoxoiqa.»

Isaías 3:1

¡Ña qauloichigui de'era! Ñim Nataxala' maye Qaica ca Ỹaqalanapec nqateeguesop qome na Jerusalén qataq ye Judá, 'enauac da ntaunaguec qataq da qoỹaata'am na nallec, qataq na 'etaxat.

Mateo 6:11

Ñaq qomi' 'aỹa'anema na na'a'q cam sacheguenaq maye seuenaqtac.

Génesis 18:6

Nache so Abraham pa'aigui so lpe'l, nache 'enapego' aso Sara, 'eeta': «¡'Auỹalapigui' qome! 'Auacona ca veinte kilos cam ỹataqta no'on 'ayiiña, nache 'auraqten, nache 'auo'ot aca 'arauolepi.»

Jueces 6:19

Nache so Gedeón queuo, nache ỹaỹamaxaañi so quetaq llalec, qataq ỹachangui aso 'amaqtaqchigui naco'oña so 'ayiiña maye qaica ca ỹasheeraxachigui lalegue, nache ỹo'ot aso nauole. Ime, nache so lapat ỹachangui aso nallec laỹe no'oxona qataq som lli'i somaye ỹachangui aso taxaqui, nache ỹache 'enauac se'eso da irouga se'eso ale piguem le'ec maye neto'ot asa'aso qo'oipaq late'erai da yaqto' ỹanem somaye da lachetaqtaxanaxat.

Jueces 13:16

Qalaxaye so nale piguem le'ec Ñim Nataxala', 'enapec: Na'aictoxo' da soua'a ne'ena, qalaxaye sa seshet da sachec cam nallec maye 'auo'ot. Qalaxaye ishet da 'arachetaqtaxanaxat 'auavigaxatta que'eca quetaq llalec, da 'aỹa'anot Ñim Nataxala'.

1 Reyes 17:11

Qaq co'ollaq mashe jec asomaye da ỹe'eguenaua'a so 'etaxat, nache so Elías qaltaq iỹaxanapegue' asomaye, nache 'eeta': Ñaq aỹem 'anqouaguec da aỹem 'andouga nataqa'en ca nauole laỹolec.