Génesis 18:4 - La'aqtaqa Ñim Lo'onatac 'Enauacna 2013

⁴ Da 'auaỹamaxareeta, nache seỹaxanaique ca 'etaxat, da yaqto' qauỹoi' naua qarapia'achilli', ime, nache cara'acolec qanmachiiuec, qoñiỹo'ot ye lpaqal ara qo'oipaq.

Génesis 18:4 Referans Kwoze

Génesis 43:24

Qaq ime co'ollaxa nache 'enauaque soomaye da ỹauegueua'alo so lma' so José, nache ỹanema so 'etaxat da iỹoi' naua lapia'ate, qataq nataqa'en iquia'axa'n soua 'ashenal.

Génesis 24:32

Qaq huaña, nache so namaxashec taua'a so nma'. Qaq huaña yemaye, nache so Labán nqaañi so lla'ac soua cameello qataq iquia'axa'n. Qaq ime, nache ndouga so 'etaxat so namaxashec, qataq soua nnaictagueto da yaqto' iỹoi' naua lapia'ate.

Génesis 19:2

nache 'enapegalo, 'eeta': «Qami' Ỹataxala'ate, aỹem qarqouaquic qome da qoviỹa'a ne'ena pe, ye lma' ne'ena qarlataqui. Qaq yaqto' huaña yemaye da qauỹoi' naua qarapia'achilli', qaq qonte' nte'etom, nache qaltaq qoqui qome.» Qalaxaye soomaye 'ena'apo': «'A'i, qana'achec. Ne'ena pe nache souaqta'a na nqa'aic.»

Lucas 7:44

Nache So Jesús ỹamato'ot aso 'alo. Ime, qaq 'enapega so Simón, 'eeta': –¿'Am peta'a 'aulota'a ana'ana 'alo? Can ñenoxonoigui na 'arma', qalaq saishet da Aỹem 'aỹa'anem ca 'etaxat da seỹoi' naua ichel. Qaq ana'ana 'alo anamaye iỹota'ape naua ichel, deỹoxonalo naua lache', qataq ỹaqaxaỹaxa't, ỹauota'a na laue.

1 Samuel 25:41

Nache asomaye ỹa'alyiñi naua l-llecte, nache iviraxata'aguet na latap na 'alhua, nache 'enapeco': Aỹem maiche aỹem lo'onataxanaxana ca David, qaq aỹem qaica ca shectega, qataq aỹem ỹataqta lleuotta da ishet da seỹoi' naua lapia'ate ca lamaxashecpi camaye da aỹem ỹamaxalec.

1 Timoteo 5:10

Qataq nataqa'en qaỹauattoota souaxat da ỹaỹamaqchiguiñi lo'onataxanaxac. Ỹaỹaten da ilo'ogue na llalaqpi, qataq ỹaỹaten da ilo'oguet ca namaxasoxoic, qataq sa na'amaqten da lataxac da ỹalectaigui na 'amqaanataxanaxaicpi, qataq itauaatac nam huo'o da nque'eenaxac. Qaq 'ena nam ỹo'ot aca nanettaua'a aca naneraxalate anamayepi.

Génesis 18:3

nache 'eeta': «'Am Ỹataxala', 'am ñachoxonnot da aỹem 'arqouaguec, saishet qome da sa 'anaỹaloxon da qojec.

Jueces 19:21

Ime, nache so ỹa'axaiquiolec ỹauegueua'alo so lma' soomaye, qaq co'ollaq iỹota'ape naua lchel soua maxasoxoiqa, nache somaye iquia'axa'n soua 'ashena. Qaq co'ollaq ime nache deque'e't qataq nỹomta'ape.