Génesis 18:25 - La'aqtaqa Ñim Lo'onatac 'Enauacna 2013

²⁵ ¡'Am saishet da 'auo'ot de'era da 'aualauat cam qaica ca ỹasouaxat, da cañe' 'anqa'en cam huo'o ca lasouaxashet, da 'eco' 'eeta'a't caua dos da huo'o ca lasouaxashe't! ¡Saishet qome da 'auo'ot de'era! cha'aye 'Am maye 'am 'amaqtaqaic da 'anmit 'enauac ana 'alhua, ¿qaq peta'a saishet da 'auo'ot cam nalochiguiñi lataxac?»

Génesis 18:25 Referans Kwoze

Da na'aqtaguec so Job 8:3

¿Ñim Lo'onatac 'Enauacna peta'a isheto' da ỹashaxanec ca ỹaỹamaqchiguiñi lataxac? Ñim Qaica ca Ỹaqalanapec saishet da saipaguelec naqa'en da llec ca no'on lataxac.

Da na'aqtaguec so Job 8:20

Cha'aye Ñim Lo'onatac 'Enauacna saishet da ca'ai ca shiỹaxaua ỹaỹamaqchiguiñi da lataxac, qataq saishet da itauan ca ỹo'otta'ape naua qauema.

Salmos 58:11

Huaña qome nache na shiỹaxauapi, 'eeta': «Ỹataqta 'eesa da huo'o da nsheetenaguec na no'on da lataxac, cha'aye huo'o Ñim Lo'onatac 'Enauacna maye nmit na huetalec ana 'alhua.»

Deuteronómio 32:4

Ñimaye qomi' npaxattaleguete, na lo'onatacpi qalaq ỹaỹamaqchiguiñi, qataq na ỹo'otpi qalaq nalochiguiñi. Ñim Lo'onatac 'Enauacna ỹataqta 'eesa da lataxac, qataq saishet da ỹo'ot ca sa ỹaỹamaxañi, ¡Ñimaye ỹataqta ỹaỹamaqchiguiñi qataq nalochiguiñi da lataxac!

Salmos 94:2

Ña 'anachaañi qome, 'am maye 'anmit na netalec ana 'alhua, ña 'aỹa'anem ca 'itchiguiñi nhuaxanaguec na na'amqaanaxaicpi.

2 Corintios 5:10

Cha'aye 'enauac qome qomi' ñachaataxaua'a So Cristo, cha'aye nacheso so nmit cam qaro'onataxanaxac co'ollaxa da ña ñachaataqtaigui da qaro'ocỹaxac, qataq nacheso som chegoqtot ca la'aqtac da qomi' qoỹanema ca no'on qaraueguec, huo'otaq ca qanhuaxanaguec.

Malaquías 3:18

Huaña qome, nache qami' qaltaq ỹataqteguet qanqa'eñi ca no'on qataq ca qauem, qataq cam ỹo'oxoreetac Ñim Lo'onatac 'Enauacna, qataq cam saishet da ỹo'oxoren Ñimaye.»

Salmos 98:9

qataq do'onaxaato'ot Ñim Nataxala', cha'aye mashe anac da nmit ana 'alhua, irolec qome da nalochiguiñi lataxac qataq ỹaỹamaqchiguiñi lataxac da nmit na nhuo' le'ecpi.

Jeremías 12:1

'Am Nataxala', dam 'Am ñecotaỹapegue', qalaq 'Am saqỹet naxa da 'eesa cam qonapec, qalaxaye aỹem sauotaique da 'am senat da ta'ainco' da huo'o nam laỹe lataxacpi. ¿Ta'ainco' da qaica ca iuena'a nam qauemaicpi? Qataq ¿ta'ainco' da ỹe'emaqtac nam sa ỹalaq?

Eclesiastés 7:15

Qaq huaigui dam qaica ca naigui ñachaalataxac da sauaachigui 'enauac ne'enapi, da nam soxoraic shiỹaxauapi nataqa'en ileu, na'aictaxa da nlaqchigui da lsoxoyec, qaq nam qauemaicpi, qalaq na'aictaxa da ỹaguec da layeloxo qalaq ỹataqta qaỹoqtec da nachaalataxac.

Hebreos 12:23

qaq nache hueta'a nataqa'en 'enauac nam ỹamata'ac da lalamaxat llalaqpi qataq nam ỹami' da ishet da hueta'a yemaye. Qami' mashe qanquiquiiua'a Ñim Lo'onatac 'Enauacna ñim nmit qome 'enauacna. Nataqa'en mashe qanquiquiiua'a da saqcha'a lca'alaxa so no'on shiỹaxauapi maye Ñim Lo'onatac 'Enauacna naloqchiichiguiñi naqa'en da lataxac.

Génesis 18:24

Qaq da huo'otaq huo'o ca cincuenta shiỹaxauapi maye qaica ca ỹasouaxat yi'iye huaqta'a't nỹecpi. Qaq ¿peta'a nache 'ena'am 'aulaxachigui qome yi'iye huaqta'a't nỹecpi, qaq saishet da 'auchoxoren souaxat que'eca cincuenta shiỹaxauapi?

Deuteronómio 1:16

Qaq se'eso nataxala'pi maye nmit na nasouaxashetpi sanem co'ollaxa de'era nqataxac, 'eeta': ‹Da qanmiche ca lasouaxashet na shiỹaxauapi, nache 'enauac ca qami' naua'alo na maiche qarhuo'oi le'ecpi qataq nache 'ena'am ca chegaqauecpi maye qami' netaiguilo, nache qauo'ochec ca ỹaỹamaqchiguiñi lataxac,

Deuteronómio 1:17

qataq da qanmiche ca nasouaxashet, nache saishet da qalca'aitagui na shiỹaxauapi, da choxoraq huo'otaq sallaxanec. Qataq saishet da huo'o ca qayi'iitega, cha'aye ñi nmit na nasouaxashet, Nacheñi Ñim Lo'onatac 'Enauacna. Qaq da huo'o ca ỹataqta qalaqaic, nache aỹem qandoiua'a yaqto' maiche soicnapec da ñemit.›

Jueces 11:27

Qaq aỹem qaica ca 'am so'otec qauem. Qalaxaye 'am qauem da qonetapeguec da 'auauotaique da 'auanac da qomi' 'auloquiaxa'n. Qalaxaye Ñim Nataxala' nacheñi ñi pa'aỹa'aguet da nmit na Israel le'ecpi qataq na 'amoniitapi.»

2 Crónicas 19:7

Qaq ỹoqo'oye huo'o naq 'enec qanqa'eñi Ñim Nataxala', qataq qauloitelec da lataxac cam qauo'oche, cha'aye Ñim Nataxala' maye Qanatamnaxala', sa ishetaxateguet da qaỹo'ot ca sanalogoñi lataxac, qataq da qalca'atagui na shiỹaxauapi, qataq sa ishetaxateguet ca qoỹoxottañi nsheetenaxanaxac.»

Nehemías 9:33

Qalaxaye saishet da saỹaỹamaxañi de'era qomi' 'auo'oteque qanhuaxanaguec, cha'aye no'oitegue da lataxac da huo'o ca 'auo'ot, qomi' qalaxaye 'itchiguiñi da qomi' 'etaxaloxoiqa.

Da na'aqtaguec so Job 34:10

Ỹoqo'oye qami' shiỹaxau' ỹaanataxanaxaiqa, aỹem qana'axaỹaxañiỹa qome. ¡Saishet da qaupichiitega da Ñim Lo'onatac 'Enauacna maye Qaica ca Ỹaqalanapec, ishet da ỹo'ot ca qauem huo'otaq ca sa ỹaỹamaxañi!

Eclesiastés 3:17

Qaq ỹoqo'oye aỹem shenapec da Ñim Lo'onatac 'Enauacna, nmit qome ca ỹale maye no'on da lataxac, qataq ca 'etaxaloxoic, cha'aye huo'o ye laloqo' 'enauac nam yo'oq qataq nam qaỹo'otpi.

Jeremías 11:20

Qalaxaye 'am Nataxala' maye Qaica ca 'auqalanapec 'am maye no'on da 'aro'onataxanaxac da huo'o ca 'anmit, 'Am 'auauatton da lquiyaqteỹaxac qataq cam 'eetapeguec ca shiỹaxaua. Ñaq sauaachigui 'anqa'en ca 'eetec qom 'auaxan yi'iye shiỹaxauapi, cha'aye aỹem huo'o da ipi'iỹaxac 'Am.

Ezequiel 18:25

Qami', qoñiỹapec qome da saishet da so'onataxaatega da nalochiguiñi lataxac; qalaxaye ña qana'axaỹaxañi qami' nhuo' Israel le'ecpi, ¿qaupicheetega peta'a da saỹaỹamaxañi da so'ottac? ¿Qaq saishet peta'a da nache qami' maye qauo'ocheetac nam qauem?

Números 16:22

Qalaxaye soomaye ỹa'alyiñi naua l-llectel, nache iviraxata'agueta naua lata'pi na 'alhua, nache 'ena'apo': 'Am Nataxala' maye 'Am Natamnaxala' 'enauac na shiỹaxauapi, ¿Peta'a 'aualemataỹa 'enauac ne'ena shiỹaxauapi maye laỹoota'a't, ye 'oonolec som huo'o da lasouaxashet?

1 Crónicas 16:33

¡Huaña qome nache do'onaxaato'ot Ñim Nataxala' ana qo'oipaqpi maye huetaigui na aviaq souaxat da ntonaxac, cha'aye Ñimaye mashe anacta da ilo'ogue ana 'alhua!

Da na'aqtaguec so Job 34:12

Qaq ỹoqta 'eesa da Ñim Lo'onatac 'Enauacna, maye Qaica ca Ỹaqalanapec saishet da ỹo'ot ca qauem, qataq saishet da ỹashaxanec da lataxac ca ỹaỹamaqchiguiñi,

Salmos 7:12

Ca qauemaic da sa naralaxat da lhuennataxa, nache Ñim Lo'onatac 'Enauacna iqueuoc qome ca lainec, qataq iqataxanai' ca lchecnec,

Salmos 50:6

Nache na piguem ỹa'axat qome da Ñim Lo'onatac 'Enauacna, nacheñi ñi nmit 'enauacna.

Salmos 75:3

nache cholaxan ana 'alhua qataq 'enauac na netalec anamaye, cha'aye nachaỹem da ñelletañi anamaye.»