Génesis 18:23 - La'aqtaqa Ñim Lo'onatac 'Enauacna 2013

²³ Qaq nache so Abraham nquicot co'ollaxa Ñim Nataxala', nache inat, 'eeta': «¿Peta'a 'aulaxachigui qome na qaica ca ỹasouaxat, da l-llañe' 'anqa'en ca huo'o na lasouaxashet?

Génesis 18:23 Referans Kwoze

Números 16:22

Qalaxaye soomaye ỹa'alyiñi naua l-llectel, nache iviraxata'agueta naua lata'pi na 'alhua, nache 'ena'apo': 'Am Nataxala' maye 'Am Natamnaxala' 'enauac na shiỹaxauapi, ¿Peta'a 'aualemataỹa 'enauac ne'ena shiỹaxauapi maye laỹoota'a't, ye 'oonolec som huo'o da lasouaxashet?

2 Samuel 24:17

Nache so David co'ollaq ila'a se'eso namaxashec piguem le'ec, da ỹalauattac se'eso shiỹaxauapi, nache natamnot Ñim Nataxala', 'eeta': «¿Negue'tom ca lasouaxashet ne'ena shiỹaxauapi? ¡Ye nachaỹemta da huo'o da ỹasouaxashet! ¡Qataq nachaỹem so'ot de'era qauem! ¡Qaq ỹoqo'oye 'Am ñachoxonnot da aỹem talec 'anqa'en ca ñeuaxanaguec, qataq na chegoxoguetpi so ita'a!»

Génesis 20:4

Qalaxaye so Abimelec ye saxanaxa da lauañi' asomaye, nache ỹasateguet Ñim Nataxala', 'eeta': «'Am Ỹataxala', ¿ishet peta'a da 'aualauat cam qaica ca ỹo'ot qauem?

Hebreos 10:22

Qaq ỹoqo'oye no'on da ña'añaxataxac de'era qanauochaxac Ñim Lo'onatac 'Enauacna, qataq ỹataqta 'eesa ñaqa'enaq da qarpi'iỹaxac So Cristo. Cha'aye Somaye nacheso so qomi' iỹoueeguesopa na qarasouaxashetpi, 'eeta'am da qomi' iỹoi' da deỹoxona ca 'etaxat maye ỹataqta qui'itta. Qaq ỹoqo'oye mashe qomi' huesoueeguesopa naqa'en na qarasouaxashetpi.

Da na'aqtaguec so Job 34:17

Cha'aye ¿isheto' peta'a da ilo'ogue na shiỹaxauapi ca saisheteguet da llec da ỹaỹamaqchiguiñi lataxac? Qataq ¿isheto' peta'a da 'auo'ot ca nhuaxanaguec ca ỹaquitcheguem da no'on da lataxac?

Génesis 18:25

¡'Am saishet da 'auo'ot de'era da 'aualauat cam qaica ca ỹasouaxat, da cañe' 'anqa'en cam huo'o ca lasouaxashet, da 'eco' 'eeta'a't caua dos da huo'o ca lasouaxashe't! ¡Saishet qome da 'auo'ot de'era! cha'aye 'Am maye 'am 'amaqtaqaic da 'anmit 'enauac ana 'alhua, ¿qaq peta'a saishet da 'auo'ot cam nalochiguiñi lataxac?»

Jeremías 30:21

Nache namayepi chegoqtoigui qome cam lataxala' ca 'oonolec namayepi ilo'ogue qome namayepi, Camaye Aỹem nquigueua'a qome qaq camaye nache huetaua'a qome na ỹaỹe, cha'aye ¿negue't ca sairen da nachaalataxac da nquigueua'a Aỹem? Qaq 'era da ỹa'aqtac Aỹem Nataxala'.

Salmos 73:28

Qalaxaye aỹem ñiquigueua'a Ñim Lo'onatac 'Enauacna, cha'aye nachera da ỹaỹamaqchiguiñi ñaqa'en. Cha'aye aỹem sacho'ot da ñaquitaxac Ñim Nataxala', yaqto' ishet da sa'axatec 'enauac nam lo'onatacpi Ñimaye.

Da na'aqtaguec so Job 8:3

¿Ñim Lo'onatac 'Enauacna peta'a isheto' da ỹashaxanec ca ỹaỹamaqchiguiñi lataxac? Ñim Qaica ca Ỹaqalanapec saishet da saipaguelec naqa'en da llec ca no'on lataxac.

Santiago 5:17

Saloqnaxana so la'aqtaxanaxanec Ñim Lo'onatac 'Enauacna le'enaxat Elías. Somaye da lataxac ỹataqta 'eeta'ama qomi'; qalaxaye huo'o da lpi'iỹaxac co'ollaq nqouagaxaunot Ñim Lo'onatac 'Enauacna da yaqto' saishet da huo'o ca auot, nache ipacchigui da saishet da huo'o ca auot ana 'alhua, iviraxattre'c soua tres vi'iye, qataq so laiñi so lỹa vi'i.

Santiago 5:16

Qaq ỹoqo'oye ñi 'oonolec da qoñiita da'aqtaxanem ca lỹa ca lasouaxashet, qataq ñi 'oonolec nqouagaxaueetalec ca lỹa, yaqto' Ñim Lo'onatac 'Enauacna qami' natare'n. Da nqouagaxaunaxac ca no'on shiỹaxaua ỹataqta huo'o da la'añaxac, cha'aye Ñim Lo'onatac 'Enauacna ỹataqta hua'axaỹa.

Génesis 18:24

Qaq da huo'otaq huo'o ca cincuenta shiỹaxauapi maye qaica ca ỹasouaxat yi'iye huaqta'a't nỹecpi. Qaq ¿peta'a nache 'ena'am 'aulaxachigui qome yi'iye huaqta'a't nỹecpi, qaq saishet da 'auchoxoren souaxat que'eca cincuenta shiỹaxauapi?

Éxodo 23:7

Saishet qome da 'aualecaua'a ca na'aqtaxanaxac maye saq 'en, qataq saishet da 'aỹa'aneguet da nalaataguec ca saqca ca ne'enaxac, qataq qaica ca lasouaxashet, cha'aye aỹem saishet da shenapec da qaica ca lasouaxashet cam huo'o ca lasouaxashet.