Génesis 18:19 - La'aqtaqa Ñim Lo'onatac 'Enauacna 2013

¹⁹ Aỹem lleca'aua'a co'ollaxa namaye, da yaqto' ỹamaxalec ca llalaqpi, qataq cam chegoxoguetpi, da ỹalaxalec na ỹapaxaguenataxanaxacpi, qataq da ỹo'ot 'enauac cam ỹaỹamaqchiguiñi, qataq ca no'on lataxac, yaqto' Aỹem sepaqueelec 'enauac nam sachaxanapeguempi.»

Génesis 18:19 Referans Kwoze

2 Timoteo 3:15

nataqa'en iuen da 'antoueeta'ac da co'ollaq ñaq 'am nogotolec, qaq nache 'eetai' da 'autaxaỹaxaata'ape naua ñiyigui'she la'aqtaqa Ñim Lo'onatac 'Enauacna, qaq naamaye nachenaua naua ivira'a naqa'en da 'am ỹaanaxanaxaic, da yaqto' 'auaỹaten da ỹoqta 'aupi'iỹa'a So Jesucristo, ime, nache 'anca'alec.

Efesios 6:4

Qaq qami' maye mashe huo'o na qaỹa'alqui, saishet qome da qaunogoqchichi namayepi. Nachaqrata da qauapaxagueñi, qataq qaỹa'añim dam napaxaguenataxanaxac maye quetague' nam ỹa'amaqteetac So Qarataxala'.

2 Timoteo 2:19

Qalaxaye Ñim Lo'onatac 'Enauacna mashe lapaxañi so lo'oxonaxala' da lo'onataxanaxac maye qaica ca iraxanapec. Qaq somaye nanettalec so nerec, 'eeta': «Ñim Nataxala' ỹauatton ca mashe lalamaxat;» nataqa'en 'eeta': «'Enauac na ỹo'oxoren da le'enaxat Ñim Lo'onatac 'Enauacna, iuen da ỹaxaañi da ỹo'ottac na sa ỹaỹamaxañisat.»

1 Timoteo 3:12

Ca ltaua ca lataxala' na ỹa'amaqten So Jesús iuen da 'oonole aca lhua naqa'en, qataq ỹaỹaten da ilo'ogue caua llalqa qataq da lmayaxac.

Proverbios 22:6

'Auapaxaguenec qome ca nogotolec da no'on ñecỹaxac, yaqto' qom ivita da ỹa'axaiqui nache saishet da ỹaxanec.

1 Crónicas 28:9

Qaq 'am ỹalec Salomón, ỹataqta 'auauattota qome Ñim Natamnaxala' na 'arta'a, qataq ỹataqta 'aumato'ot da 'arquiyaqteỹaxac, qataq da 'arasapachaxa, cha'aye Ñim Nataxala' ỹataqta ilaua'a da nquiyaqteỹaxac, qataq naua nhuennataxaco. Qaq ỹoqo'oye da 'anmitaique ñimaye, nache ishet da 'auanata, qalaxaye da qoca'ai, nache ñimaye saishet da 'am ihuooneguet.

Josué 24:15

Qalaxaye da sa qavio'oxoreñi Ñim Nataxala', qaq no'on da qalca'aiua'a nagui cam qavio'oxoreñi: da nachena nam atamnaxala'pi maye natameetacot co'ollaxa so hua'au qarta'ailpi co'ollaq ñaq neta'atague da le'ego so tala Éufrates, huo'otaq na natamnaxala'pi na amorreopi, maye lma' co'ollaxa ne'ena na'alhua. Qalaxaye aỹem qataq na ỹalamaxatpi, so'onataxanaqot qome Ñim Nataxala'.»

Deuteronómio 32:46

«Ỹataqta qauennataxañiilec qome 'enauac ne'ena qami' sa'aqtaxaateguema, qataq qauamaqailec na qoyalquipi da ỹataqta ỹo'ot qome 'enauac ne'ena napaxaguenataxanaxacpi.

Salmos 34:15

Ñim Nataxala' ntela'a na shiỹaxauapi maye no'on da lataxac, qataq hua'axaỹa na natamnaxacpi.

Salmos 11:4

Qaq Ñim Nataxala' qalaq hueta'a añi qui'itta lalamaqte atamnaxaqui, Ñim Nataxala' qalaq netaña ca nso'onqa' na piguem, nache saishet da nqachegoxoyiñi naqa'en naua la'ai'te, da nauaatac na shiỹaxauapi.

Da na'aqtaguec so Job 1:5

Qaq naxa da ime' soua na'axa'te da nquia'axac, nache so Job iỹaxaneuga so llalaqpi, qataq no'ottasheguem ye nte'etom, nache ỹo'ot ana lachetaqtaxanaqte qaỹavigaxatta ñi 'oonolec somayepi, da yaqto' qaỹapalaxat na lasouaxashetpi. Qaq de'era nache 'eetai' naxa da 'eeta'ac so Job, souaxat da lhuennataxac da saiuena'a da huo'o ca 'oonolec somayepi da lquiyaqteỹaxac isheueetac Ñim Lo'onatac 'Enauacna.

2 Timoteo 1:5

Qataq naxa da tachigui iuel dam 'arpi'iỹaxac maye huesota. De'era huesota npi'iỹaxac maye hua'auteguet aso 'arcote Loida qataq aso 'arate'e Eunice. Qaq nagui saỹateeta da nataqa'en 'am hueto'ot de'era npi'iỹaxac.

Hechos 27:31

Qalaxaye so Pablo icoyeguen som huataxanaq lta'a qataq so nalleppi, 'eeta': –Ne'enapi da huo'otaq huenoteeguesop ana notaxaqui, nache qami' saishet qome da qarca'alliiuec.

Juan 10:14

De'era 'eetec da Ñim Ita'a Aỹem ỹauattoota, qataq Aỹem sauatton Ñimaye; nache 'eeta'am da 'eetec Aỹem da sauatton nam Aỹem quetague', qaq namayepi nataqa'en Aỹem ỹauattoota. Aỹem Nachaỹem no'on qagueta lo'o maye selotague' namayepi. De'era 'eetec ca no'on qagueta lo'o da na'aictaxa da ileetalec ana lalo qaguetapi, qaq nache sheetec nataqa'en Aỹem da ỹataqta qaica ca shectega, da na'aictaxa da seleetalec nam Aỹem ca'attague'pi.

Isaías 38:19

Nachenata na nca'altauecpi maye ishet da 'am ỹo'oxoren, 'eeta'am da sheetec nagui aỹem. Na nta'alpi qalaq ỹa'axatem na llalaqpi dam sa nquic 'arataxac.

Salmos 1:6

Cha'aye Ñim Nataxala', ỹataqta ntela'a da llecỹaxac nam no'on da lataxac, qaq da llecỹaxac na qauemaicpi qalaq taỹa'a da nlaguiñi.

2 Samuel 7:20

Qaq ¿negue'tom ca lỹa da 'am sa'aqtaxanem 'Am Nataxala', ye ỹataqta 'auauattoota ne'ena 'aramaxashec?

Juan 21:17

Nache qaltaq ỹe'eguelaxalec da inat, 'eeta': –'Am Simón maye 'am llalec so Jonás, ¿peta'a 'eesa da Aỹem 'auauotec? Nache so Pedro ỹataqta naquicochiguiñi, souaxat da mashe ivi' tres da ỹe'eguelaxalec da qainat da 'eesa da huo'o da lauotaxanaqtaic. Nache somaye 'enapeco': –'Am Ỹataxala', 'am 'auaỹaten mque' 'enauac da ỹataxac, qataq 'auaỹateeta da ỹataqta 'am sauotec. Nache So Jesús 'enapego' somaye, 'eeta': –'Aulo'ogue qone' ana ilopi qagueta.

Amós 3:2

«Nache qamiite' da qami' lleca'aua'alo, co'ollaq lleca'agui nam nhuo' le'ecpi ana 'alhua. Qaq ỹoqo'oye sauo'o qome ca qanhuaxanaguiiqui, souaxat nam qauemsat maye qauo'oche».

Génesis 12:2

Qaq sachegoxotchigui qome cam 'am chegoxoguetpi, da sauo'o ca qalota shiỹaxauapi, 'am sanem qome da ỹoqouagaxanaqtaic, qataq sauo'o qome ca 'ayo'oxoyec, qataq 'am chegoqchigui qome ca nchoxonnataguec na laỹepi shiỹaxauapi.

Génesis 12:3

Aỹem sechoxoren qome ca 'am ichoxorenpi, qaq ca 'am saichoxorenpi, qaq nataqa'en saishet da sechoxoren, qaq chegoqchigui qome 'am da 'enauac na nhuo' le'ecpi ana 'alhua da sasaxalec ca ichoxonnataxanaxa.»

Génesis 17:9

Qaq nataqa'en Ñim Lo'onatac 'Enauacna 'enapega so Abraham, 'eeta': «Qaq ỹataqta 'aupaqueelec qome da ñaỹamaxataxac, 'am qataq 'enauac ca 'am chegoxoguetpi.

Génesis 22:18

qaq 'enauac na ỹotta'a't shiỹaxauapi maye huetalec ana 'alhua, huo'o qome da nchoxonnataguec chegoqchigui camayepi, souaxat da aỹem 'aualaxaguet.»

Génesis 35:2

Qaq huaña nache so Jacob 'enapega so llalaqpi, qataq 'enauac so nnaictague'pi, 'eeta': «Qaualache qome 'enauac na ỹaqa'a atamnaxala'pi maye qami' hueto'oto. Qaq ime qome, nache qanachilli, qataq qanaralaxache' naua qo'ogolle',

2 Samuel 22:22

cha'aye aỹem salaxagueta naua lapaxaguenataxanaxaco Ñim Nataxala', ¡qataq saishet da sheca'ai Ñim Ñatamnaxala'!

Nehemías 9:7

'Am Nataxala' maye Qanatamnaxala', maye nache 'am da 'arca'aguishec co'ollaxa so Abram, qataq nache 'am da 'anqateguesop co'ollaxa ye 'alhua Ur, maye lma' so caldeopi, nache 'anaralaxat da le'enaxat Abraham.

Levítico 14:42

Ime, nache qaỹacona ca laỹe coma'pi da yaqto' nmeneguet ca qanqat coma'pi, qataq qanaralaxat ca 'alhua maye na'amnaxanaxat da qaỹa'amiiñi ca coma' que'eca nỹec.

Jueces 13:12

Nache so Manoa 'enapeco': Qom ivita da ipacchigui de'era qomi' 'aua'axattapeguema, ¿qaq chaq shenaqtec ca lataxac da sapaxaguenaq que'eca nogotolec? Qataq ¿chaq 'eetec ca lo'onataxanaxac camaye?

2 Crónicas 14:3

Cha'aye nlaxaañi co'ollaxa so natamnaxala'pi so chegaqauec shiỹaxauapi, qataq so qaỹotcheguemec atamnaqa'pi, qataq ilaxachigui aso coma'pi maye sa qaishetapec, qataq aso ne'enaqta lqui'i aso Asera.

Mateo 25:17

Qaq nache 'eetec nataqa'en som ỹaconeguet asom dos mil anom, somaye ivi' dos mil aso laỹe laueque.