Génesis 18:17 - La'aqtaqa Ñim Lo'onatac 'Enauacna 2013

¹⁷ Qaq huaña, nache Ñim Nataxala' deuennataxan, nache 'eeta': «Na Abraham, iuen da sa'aqtaxanem na dam so'ot,

Génesis 18:17 Referans Kwoze

Amós 3:7

Cha'aye Ñim Nataxala', saishet da huo'o ca ỹacoolec da ỹo'ot, da saxanaxa da'aqtaxanem nam na'aqtaxanaxanecpi maye lamaxashecpi Ñimaye.

Salmos 25:14

Ñim Nataxala' ỹataqta nauochaxaua nam huo'o naq 'enec naqa'en Ñimaye, qataq ỹauattonaxanaxanec da naỹamaxataxac Ñimaye.

Juan 15:15

Nagui saishet da qami' samata'aque da qami' nlataqa, cha'aye ca choche nlatac saishet da ỹaỹaten cam ỹo'ot ca na'aco'. Qaq nagui qami' samata'aque da qami' ñauochaxau', cha'aye qami' sa'aqtaxaatema 'enauac nam la'aqtacpi Ñim Ita'a maye Aỹem ỹami'.

Santiago 2:23

Qaq nache ipacchigui dam 'enapec ana nere maye huetalec na la'aqtacpi Ñim Lo'onatac 'Enauacna maye 'eeta': «So Abraham ỹa'amaqten da ỹachaxanapec Ñim Lo'onatac 'Enauacna, qaq ỹoqo'oye Ñimaye ỹaỹamaxareeta somaye.» Qaq nache chegoqchigui de'era, da so Abraham ivira'a da nauochaxaua Ñim Lo'onatac 'Enauacna.

Génesis 19:24

nache Ñim Nataxala', anac naqa'en so norec, chegoqtot na piguem, qataq so 'eco' quiquiaxaraic da 'eeta'am na auot, da talec ye Sodoma qataq Gomorra,

2 Crónicas 20:7

'Am Qanatamnaxala', ỹauaachigui co'ollaxa 'anqa'en ne'ena 'aralamaxat nhuo' Israel le'ecpi da 'auo'orauec som shiỹaxauapi maye netalec co'ollaxa ne'ena 'alhua, nache 'aỹa'anem co'ollaxa nam chegoxoguetpi so 'anauochaxaua Abraham, da yaqto' nache 'eetai' da lalamaxat 'anqa'en.

2 Reyes 4:27

Qaq asomaye co'ollaq ivitsheguema aso qasoxonaxa maye netaña so Eliseo, nache qapaloiguilo naua lchel somaye, qalaxaye so Guejazí, huotaique co'ollaxa da nqateeguesopa naua lchel so Eliseo. Qalaxaye so Eliseo 'enapego' somaye, 'eeta': Ñaq 'aua'aqta'a anamaye, cha'aye ỹataqta lta'araic da lhuogoxo, qataq Ñim Nataxala' ñaq saxanaxa da aỹem da'aqtaxanem de'era huaigui anamaye.

Génesis 18:21

Qaq nagui ñeqo'ona yemaye, da semeten da ỹoqta 'eesa da ỹataqta lta'araic da lasouaxashet, maye aỹem qaỹa'aqtaxaateguem. Yaqto' saỹaten.»

Génesis 18:22

Qaq soua dos se'esoua maxasoxoiqa je'c co'ollaxa da nqo'oora ye Sodoma, qalaxaye so Abraham, no'ona'aguet co'ollaxa Ñim Nataxala'.

Génesis 18:26

Qaq huaña nache Ñim Nataxala' ỹasateguet somaye, 'eeta': «Da selaleguete caua cincuenta maye qaica ca lasouaxashe't, yi'iye huaqta'a't nỹecpi ye Sodoma, qaq nache chegoqchiguilo qome caamaye da sechoxoren 'enauac na netaña yemaye.»