Génesis 18:15 - La'aqtaqa Ñim Lo'onatac 'Enauacna 2013

¹⁵ Qaq aso Sara co'ollaq hua'aqchigui de'era, nache huo'o da lcolanaxa, nache huotaique da nqoleguet. Ỹoqo'oye 'enapeco': «Aỹem saishet da saỹalleguettac.» Qalaxaye Ñim Nataxala' ỹasateguet asomaye, 'eeta': «Aỹem saỹaten da 'am 'auaỹalleguettac.»

Génesis 18:15 Referans Kwoze

1 Juan 1:8

Qaq da shenaqtega da qaica ca qarasouaxashet, nache qomi' maiche ñatenachetaqtapeguela't, cha'aye saishet da 'eesa dam ñasaxasoxouec.

Proverbios 28:13

Qaq ca ỹoxotchiguiñi ca lasouaxashet qalaq saishet da no'on da llecỹaxac, qaq ca ỹa'axatta qataq ỹaxanec ca lasouaxashet, camaye ishet da qaichoxoren.

Efesios 4:23

Qataq qami' iuen da ỹataqta qanaralaxache imauec da qarhuennataqai qataq ỹataqta qami' 'eesora qataq ỹataqta qami' qui'itte', yaqto' ipacchigui da lataxac ca shiỹaxaua maye Ñim Lo'onatac 'Enauacna ỹe'eguelaxalec da ỹo'ot da yaqto' 'eeta'am Ñimaye.

Salmos 44:21

Nache 'am, sogote taxa da qomi' 'auanomalo, cha'aye 'am mashe 'auaỹateetac na ỹataqta ỹapoguiñi nhuennataxacpi.

Romanos 3:19

Cha'aye qomi' saỹaanaq da 'enauac nam 'enapec nam namaxasoxonaxacpi maye chegoqo'ot so Moisés, ỹalamaqchigui nam hueto'ot ne'ena namaxasoxonaxacpi. Qaq 'era da 'eetec yaqto' saishet da huo'o ca 'eetega da qaica ca ỹasouaxat, qataq yaqto' 'enauac na shiỹaxauapi ana 'alhua ỹaỹaten da huo'o da lasouaxashet hueto'ot Ñim Lo'onatac 'Enauacna.

Juan 18:17

Nache asa'aso lasom lo'o inattaco' so Pedro, 'eeta': –¿Saishet peta'a da nache 'am 'oonolec nam lapaxaguenatacpi de'era ỹale? Nache so Pedro 'enapeco': –'A'i, saishet da nachaỹem.

Juan 2:25

Qaq saishet da iuen da huo'otaq huo'o ca da'aqtaxanem Somaye da lataxac so shiỹaxauapi, cha'aye Somaye maiche ỹaỹateetac da lquiyaqteỹaxac so shiỹaxauapi.

Marcos 2:8

Qalaxaye So Jesús ỹaỹaten co'ollaxa da lhuennataxac somayepi, nache 'enapego', 'eeta': «¿Ta'ainco' ye qarhuennataqai de'era?

Proverbios 12:19

Ca 'eesora naua la'aqtaqa qalaq qaỹoqtec da nachaalataxac, qaq ca shepecaic qalaq saqaỹaloq da imeuo.

Da na'aqtaguec so Job 2:10

Qalaxaye so Job 'enapeco': «¡'Am 'alo, saishet da 'anasaxauec de'era sa ỹaỹamaxañi! Cha'aye qomi' saconaxaguet 'enauac na ỹaỹamaqchiguiñisat maye qomi' namaxalo Ñim Lo'onatac 'Enauacna, qalaq ¿ta'ainco' taxa da saisheto' da sa saconaxaguet nataqa'en ca sa ỹaỹamaxañi?» Qaq 'era da 'eetec da huaigui so Job, qalaxaye somaye qaica ca lasouaxashet, ivira'alo naua la'aqtaqa.

Génesis 12:13

Qaq ỹoqo'oye aỹem 'arqouaguec qome, da qonapec da aỹem 'arqaỹa, yaqto' saqca ca dá aỹem, qataq saishet da aỹem qaỹalauat, souaxat 'am.»

Génesis 4:9

Qaq huaña nache Ñim Nataxala' inat so Caín, 'eeta': «¿Hua'ague ca hueta'ague ca 'arqaỹa Abel?» Nache so Caín ỹasat, 'eeta': «Aque', sa saỹaten. ¿Maye nachaỹemo' da selotague' so ỹaqaỹa?»

Colosenses 3:9

qataq saishet da huo'o ca ỹatenachet ca lỹa, cha'aye qami' mashe sogote da qaualache da qarataxaqui maye ỹo'ottac da ñe'etaxaloxo.

Génesis 18:14

¿Huo'o peta'a ca alaqaic da saishet da ỹo'ot Ñim Nataxala'? Na lỹa vi'i, nache qaltaq 'am ñamaqtega, qaq mashe huo'o qome ca llalec ara Sara.»

Génesis 18:16

Qaq ime, nache se'esoua maxasoxoiqa nachaayiñi, nache je'c da nqo'oora so huaqta'a't nỹecpi ye Sodoma. Nache so Abraham ca'ataueeguelo soomaye da yaqto' ncoyegueneto.

Salmos 44:22

Qalaxaye souaxat da qoneta nache qomi' qaỹauecta'alo da qarleuaxa, shenaqta'am aca qagueta da qaỹauecta'a ca nalaataqa'.